• admin

  • January 14 , 2020

ബെയ്ജിങ് :

ബെയ്ജിങ്: ചൈനയില്‍ റോഡില്‍ പെട്ടെന്ന് രൂപപ്പെട്ട വമ്പന്‍ ഗര്‍ത്തത്തിലേക്ക് ബസ് മറിഞ്ഞു. ബസ് യാത്രക്കാരും വഴിയാത്രക്കാരും ഉള്‍പ്പെടെ ആറോളം പേര്‍ മരിച്ചു. ഇതില്‍ ഒരു കൊച്ചുകുഞ്ഞും ഉള്‍പ്പെടുന്നുണ്ടെന്നാണ് വിവരം. പത്തിലധികം പേരെ കാണാതായി. 

പരിക്കേറ്റ പതിനാറോളം പേരെ ആശുപത്രിയില്‍ പ്രവേശിപ്പിച്ചു. ഖിങ്ഹായ്  പ്രവിശ്യയുടെ തലസ്ഥാനമായ ഷിനിങ്ങില്‍ ഒരു ആശുപത്രിക്കു പുറത്തെ ബസ് സ്‌റ്റോപ്പില്‍ തിങ്കളാഴ്ചയാണ് സംഭവം. രക്ഷാപ്രവര്‍ത്തനങ്ങള്‍ പുരോഗമിക്കുകയാണ്. അപകടത്തെ കുറിച്ച് അന്വേഷണം ആരംഭിച്ചു.

റോഡില്‍ രൂപപ്പെട്ട ഗര്‍ത്തത്തില്‍നിന്ന് രക്ഷപ്പെടാന്‍ ആളുകള്‍ ഓടുന്നതിന്റെ വീഡിയോകള്‍ പുറത്തെത്തിയിട്ടുണ്ട്. സ്റ്റോപ്പിലേക്ക് ബസ് എത്തിയതിനു തൊട്ടു പിന്നാലെയാണ് ബസിന് തൊട്ടുമുന്നിലായി ഗര്‍ത്തം രൂപപ്പെട്ടത്. ബസ് ഗര്‍ത്തത്തിലേക്ക് വീണതിനു പിന്നാലെ ഗര്‍ത്തത്തിനുള്ളില്‍നിന്ന് സ്‌ഫോടനവും ഉണ്ടായി. 

റോഡില്‍ ഗര്‍ത്തങ്ങള്‍ രൂപപ്പെടുന്നതു മൂലം അപകടങ്ങളുണ്ടാകുന്നത് ചൈനയില്‍ ഇതാദ്യമായല്ല. 2016ല്‍ സെന്‍ട്രല്‍ ഹെനാന്‍ പ്രവിശ്യയിലെ റോഡില്‍ ഗര്‍ത്തം രൂപപ്പെട്ടിരുന്നു. മൂന്നുപേര്‍ക്കാണ് അന്ന് ജീവന്‍ നഷ്ടമായത്.

Most Read

    • Districts

    • January 17 , 2020

    ആശുപത്രി സുരക്ഷാ ജീവനക്കാരന് മര്‍ദ്ദനം

    • Politics

    • January 16 , 2020

    ‘ഒരാള്‍ക്ക് ഒരു പദവി’ യില്‍ തര്‍ക്കം, എംഎല്‍എ മാര്‍ക്കും പദവി നല്‍കണമെന്ന് ഐ ഗ്രൂപ്പ്, ഡല്‍ഹിയില്‍ ചര്‍ച്ച തുടരും

    • General

    • January 17 , 2020

    വിചാരണയ്ക്ക് സ്റ്റേയില്ല; ദൃശ്യങ്ങളുടെ പരിശോധനാ ഫലം വരുന്നത് വരെ ദിലീപിന്റെ ക്രോസ് വിസ്താരം പാടില്ലെന്നും സുപ്രീംകോടതി

    • Business

    • January 15 , 2020

    വിനോദത്തിനായി ഒരിടം; അടിമുടി മാറാന്‍ ഒരുങ്ങി അടിവാരം

    • World

    • January 4 , 2020

    ഓസ്ട്രേലിയന്‍ പ്രധാനമന്ത്രിയുടെ ഇന്ത്യാ സന്ദര്‍ശനം റദ്ദാക്കി

    • World

    • January 16 , 2020

    ട്രംപിനെ ഇംപീച്ച് ചെയ്യാനുളള തീരുമാനം സെനറ്റിന് വിട്ടു; കുറ്റക്കാരനെന്ന് കണ്ടെത്തിയാല്‍ പുറത്തേക്ക്