• admin

  • January 27 , 2020

:

കാബൂള്‍: 83 യാത്രക്കാരുമായി അഫ്ഗാനിസ്ഥാനില്‍ വിമാനം തകര്‍ന്നു വീണു.  താലിബാന് നിയന്ത്രണമുളള മേഖലയിലാണ് അഫ്ഗാനിസ്ഥാന്‍ സര്‍ക്കാരിന്റെ ഉടമസ്ഥതയിലുളള അരിയാനാ വിമാനം തകര്‍ന്നുവീണത്. എന്നാല്‍ വിമാനം തകര്‍ന്നുവീണു എന്ന വാര്‍ത്ത വിമാന അധികൃതര്‍ നിഷേധിച്ചു.

താലിബാന്‍ നിയന്ത്രണത്തിലുള്ള പ്രദേശമായ ഘസ്‌നി പ്രവിശ്യയിലാണ് വിമാനം തകര്‍ന്നു വീണത്. നിയന്ത്രണംവിട്ട് പ്രദേശത്ത് ഇടിച്ചു ഇറങ്ങിയ വിമാനത്തെ തത്ക്ഷണം തീ വിഴുങ്ങുകയായിരുന്നു.സാങ്കേതിക തകരാറാണ് അപകടത്തിന് കാരണമെന്നാണ് പ്രാഥമിക നിഗമനം. 

  ഹെറാത്തില്‍ നിന്ന് കാബൂളിലേക്കുള്ള യാത്രക്കിടെയായിരുന്നു അപകടം.യാത്രികരുടേയും വിമാന ജീവനക്കാരുടേയും എണ്ണം സംബന്ധിച്ച് കൃത്യമായ വിവരം ലഭിച്ചിട്ടില്ല. 83 പേര്‍ വിമാനത്തിലുണ്ടായിരുന്നു എന്നാണ് പുറത്തുവരുന്ന റിപ്പോര്‍ട്ടുകള്‍. രക്ഷാപ്രവര്‍ത്തനം നടന്നു വരികയാണ്.