തിരുവനന്തപുരം : ലഹരിക്കെതിരെ സമൂഹത്തെ ബോധവത്ക്കരിക്കാന്‍ ഓണ്‍ലൈന്‍ ഗെയിമുമായി എക്സൈസ് വകുപ്പിന്റെ വിമുക്തി പദ്ധതി. ലഹരി നിറഞ്ഞ ബലൂണുകള്‍ ഓണ്‍ലൈനില്‍ ഏറ്റവും കൂടുതല്‍ പൊട്ടിക്കുന്നവര്‍ക്കാണ് സമ്മാനം. ലഹരിയുടെ ഭീകരത സമൂഹത്തെ മനസിലാക്കുന്നതിനാണ് ഓണ്‍ലൈന്‍ ഗെയിം ആവിഷ്‌കരിച്ചിരിക്കുന്നത്. ഒരു മിനിട്ടില്‍ ഏറ്റവും കൂടുതല്‍ ബലൂണുകള്‍ പൊട്ടിക്കുന്നവര്‍ക്ക് ഒന്നാം സമ്മാനമായി സ്മാര്‍ട്ട് ഫോണ്‍ നല്‍കും. പത്തു പേര്‍ക്ക് പ്രോത്സാഹന സമ്മാനവും ലഭിക്കും. ഫെബ്രുവരി 24 വരെയാണ് മത്സരം. കുട്ടികളെയും മുതിര്‍ന്നവരെയും ഒരുപോലെ ലക്ഷ്യമിട്ടാണ് ഗെയിം തയ്യാറാക്കിയിരിക്കുന്നത്. vimukthikerala.in ല്‍ പേരും ഒരു മൊബൈല്‍ നമ്പറും നല്‍കി രജിസ്റ്റര്‍ ചെയ്യുന്നവര്‍ക്ക് ഗെയിം പേജില്‍ പ്രവേശിക്കാനാവും. തുടര്‍ന്ന് ലഹരിക്കെതിരായ പ്രതിജ്ഞ വായിക്കുന്നതോടെ ഗെയിം ആരംഭിക്കും. താഴെ നിന്ന് ഉയരുന്ന ബലൂണുകളില്‍ ലഹരി നിറഞ്ഞവ കണ്ടെത്തി തകര്‍ക്കണം. പൊട്ടിക്കുന്ന ബലൂണിന്റെ തരം അനുസരിച്ച് പോയിന്റുകള്‍ ലഭിക്കും. തെറ്റായ ബലൂണ്‍ പൊട്ടിച്ചാല്‍ നെഗറ്റീവ് പോയിന്റുമുണ്ട്. ഓണ്‍ലൈന്‍ ഗെയിമിന്റെ ഉദ്ഘാടനം എക്സൈസ് വകുപ്പ് മന്ത്രി ടി. പി. രാമകൃഷ്ണന്‍ നിര്‍വഹിച്ചു. എക്സൈസ് അഡീഷണല്‍ കമ്മീഷണര്‍ ഡി. രാജീവ്, വകുപ്പുതല ഉദ്യോഗസ്ഥര്‍ എന്നിവര്‍ സന്നിഹിതരായിരുന്നു.
കൂടത്തായി പ്രതി ജോളി ജയിലില്‍ ആത്മഹത്യയ്ക്ക് ശ്രമിച്ചു
പ്രാര്‍ത്ഥനകള്‍ വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്‌മോര്‍ട്ടം പൂര്‍ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്‌നര്‍ ലോറിയുടെ ഡ്രൈവര്‍ കീഴടങ്ങി
കോവിഡ് മരണം വീണ്ടും ; ഇന്ത്യയില്‍ മരണം മൂന്നായി
