: ന്യൂഡല്ഹി: ദേശീയ പൗരത്വ നിയമഭേദഗതിക്ക് എതിരെ കേരള സര്ക്കാര് സുപ്രീംകോടതിയില് ഹര്ജി നല്കി. നിയമം വിവേചനപരവും മൗലികാവകാശങ്ങളുടെ ലംഘനവുമാണ് എന്ന് ചൂണ്ടിക്കാട്ടിയാണ് ഹര്ജി ഫയല് ചെയ്തിരിക്കുന്നത്. നിയമത്തിന് എതിരെ സുപ്രീംകോടതിയില് ഹര്ജി നല്കുന്ന ആദ്യ സംസ്ഥാനമാണ് കേരളം. ഭരണഘടനയുടെ 131-ാം അനുച്ഛേദ പ്രകാരമുള്ള സംസ്ഥാനങ്ങളുടെ അവകാശം വിനിയോഗിച്ചാണ് സര്ക്കാര് കേന്ദ്രത്തിന് എതിരെ ഹര്ജി ഫയല് ചെയ്തിരിക്കുന്നത്. ഭരണഘടനയുടെ 14-ാം അനുച്ഛേദം പൗരര്ക്ക് അനുവദിച്ചിട്ടുള്ള തുല്യതയുടെ ലംഘനമാണ് നിയമമെന്നും മുസ്ലീം ജനവിഭാഗങ്ങളോട് വിവേചനം കാട്ടുന്ന നടപടിയാണ് ഇതെന്നും ഹര്ജിയില് പറയുന്നു. നേരത്തെ, നിയമത്തിന് എതിരെ കേരള നിയമസഭ ഒറ്റക്കെട്ടായി പ്രമേയം പാസാക്കിയിരുന്നു. ഇതിന് പിന്നാലെയാണ് നിയമനടപടികളിലേക്ക് സംസ്ഥാന സര്ക്കാര് നീങ്ങിയിരിക്കുന്നത്. കഴിഞ്ഞദിവസം ഡല്ഹിയിലെത്തിയ മുഖ്യമന്ത്രി, നിയമവിദഗ്ധരുമായി ചര്ച്ച നടത്തിയിരുന്നു.
കൂടത്തായി പ്രതി ജോളി ജയിലില് ആത്മഹത്യയ്ക്ക് ശ്രമിച്ചു
പ്രാര്ത്ഥനകള് വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്മോര്ട്ടം പൂര്ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്നര് ലോറിയുടെ ഡ്രൈവര് കീഴടങ്ങി
കോവിഡ് മരണം വീണ്ടും ; ഇന്ത്യയില് മരണം മൂന്നായി