മീനങ്ങാടി : മീനങ്ങാടി 54-ാം മൈലിന് സമീപം പുലർച്ചെ ഉണ്ടായ വാഹനാപകടത്തിൽ രണ്ട് കുട്ടികൾ ഉൾപ്പെടെ അഞ്ച് പേർക്ക് പരിക്കേറ്റു.ഇന്ന് പുലർച്ചെ 3.45ഓടെയാണ് ലോറിയും കാറും കൂട്ടിയിടിച്ച അപകടം സംഭവിച്ചത്.ബത്തേരി കുപ്പാടി കുന്നുപ്പിള്ളിൽ സ്വദേശികളായ ജൊഹാൻ,ജോബി,ജെയ്സൺ,ജാൻസി,സാറക്കുട്ടി എന്നിവർക്കാണ് പരിക്കേറ്റത്.എറണാകുളത്ത് നിന്ന് യാത്രതിരിച്ചിരുന്ന കാർ അപകടത്തിൽപ്പെട്ടതാണ്.കാർ ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം.പരിക്കേറ്റവരെ ഉടൻ തന്നെ മീനങ്ങാടി ഹെൽത്ത് സെന്ററിലേക്ക് മാറ്റി ചികിത്സ നൽകി വരികയാണ്.സംഭവത്തെ കുറിച്ച് കൂടുതൽ വിവരങ്ങൾ ലഭ്യമാകാനുണ്ട്.
