ശ്രീനഗര് : ജമ്മുകശ്മീരിലെ ദോഡയില് വീണ്ടും മേഘവിസ്ഫോടനം.പിന്നാലെയുണ്ടായ മിന്നല് പ്രളയത്തില് 9 പേര് മരിച്ചു.10 വീടുകള്ക്ക് കേടുപാടുകള് സംഭവിച്ചു.ഹിമാചലിലെ മണാലിയിലും നാശനഷ്ടമുണ്ടായിട്ടുണ്ട്.കനത്ത മഴയില് മണ്ണിടിച്ചിലുണ്ടായതിനെ തുടര്ന്ന് ഗതാഗതം താല്ക്കാലികമായി നിര്ത്തിവച്ചിരിക്കുകയാണ്.വിവിധ മേഖലകളില് സ്ഥിതി ഗുരുതരമാണെന്ന് മുഖ്യമന്ത്രി ഒമര് അബ്ദുല്ല പറഞ്ഞു.റോഡിന്റെ ഒരു ഭാഗം ഒലിച്ചുപോയതിനെ തുടര്ന്ന് ദോഡയെയും കിഷ്ത്വാറിനെയും ബന്ധിപ്പിക്കുന്ന ദേശീയപാത 244 ലെ ഗതാഗതം നിര്ത്തിവച്ചു. ശ്രീനഗറില് നിന്ന് ജമ്മുവിലേക്ക് അടുത്ത വിമാനത്തില് പോയി സ്ഥിതിഗതികള് നേരിട്ട് നിരീക്ഷിക്കുമെന്ന് മുഖ്യമന്ത്രി ഒമര് അബ്ദുള്ള വ്യക്തമാക്കി.അടിയന്തര പുനരുദ്ധാരണ
Author: Rinsha
താമരശ്ശേരി ചുരത്തില് മണ്ണിടിച്ചില് ഗതാഗതം പൂർണ്ണമായും തടസ്സപ്പെട്ടു
താമരശ്ശേരി : താമരശ്ശേരി ചുരത്തില് വ്യൂ പോയിന്റിന് സമീപം പാറയും മണ്ണും ഇടിഞ്ഞ് വീണ് ഗതാഗതം പൂര്ണ്ണമായും തടസ്സപ്പെട്ടു.മല മുകളിലെ പാറയും മണ്ണും മരങ്ങളും റോഡില് പതിച്ചതിനാല് കാല് നട യാത്ര പോലും പറ്റാത്ത വിധം തടസ്സപ്പെട്ടിരിക്കുകയാണ്.ചുരം ബ്രിഗേഡ്,സംരക്ഷണ സമിതി പ്രവര്ത്തകര് സംഭവ സ്ഥലത്തെത്തി.പോലീസും ഫയര്ഫോയ്സും സംഭവ സ്ഥലത്തേക്ക് പുറപ്പെട്ടു.
ഫാത്തിമ നിഹക്ക് മാനന്തവാടിയിൽ സ്വീകരണം നൽകി
മാനന്തവാടി : കണ്ണൂർ യൂണിവേഴ്സിറ്റിക്ക് കീഴിലുള്ള കോളേജ് യൂണിയൻ തെരെഞ്ഞെടുപ്പിൽ മാനന്തവാടി ഗവ:കോളേജിൽ നിന്നും യൂണിവേഴ്സിറ്റി യൂണിയൻ കൗൺസിലറായി തെരെഞ്ഞെടുക്കപ്പെട്ട ഫാത്തിമ നിഹക്ക് മുസ്ലിം ലീഗ് നേതാക്കൾ മാനന്തവാടി ടൗണിൽ സ്വീകരണം നൽകി.വിജയിച്ച എം എസ് എഫ് പ്രതിനിധികളെ മുസ്ലീം ലീഗ് മാനന്തവാടി മുൻസിപ്പൽ പ്രസിഡന്റ് പി വി എസ് മൂസ്സ ഹാരാർപ്പണം ചെയ്ത് സ്വീകരിച്ചു.മുസ്ലിം യൂത്ത് ലീഗ് മാനന്തവാടി നിയോജക മണ്ഡലം സെക്രട്ടറി ശിഹാബ് മലബാർ,നേതാക്കളായ അർഷാദ് ചെറ്റപ്പാലം,റഷീദ് പടയൻ,വി ഹുസ്സൈൻ,മുനീർ പാറക്കടവത്ത്,നൗഫൽ ബ്യുട്ടി, ഇസ്ഹാക്ക്,കെലാം
ലഹരി വസ്തുക്കളുടെ വില്പ്പന;അധികാരികള് ജാഗ്രത പാലിക്കണം:ബി.ജെ.പി
മാനന്തവാടി : മാനന്തവാടിയിലും പരിസരപ്രദേശങ്ങളിലും ലഹരി വസ്തുക്കളുടെ വില്പ്പന കൂടിവരുന്ന സാഹചര്യത്തില് അധികാരികള് വേണ്ട ജാഗ്രത പാലിക്കണമെന്ന് ബിജെപി മാനന്തവാടി മണ്ഡലം കമ്മിറ്റി ആവശ്യപ്പെട്ടു.സ്കൂള് വിദ്യാര്ത്ഥികള് അടക്കം ലഹരിയുടെ അടിമകളായിരിക്കുന്ന സാഹചര്യത്തില് ഓണത്തോട് അനുബന്ധിച്ച് എക്സൈസും,പോലീസും മറ്റ് അധികാരികളും വേണ്ട ജാഗ്രത പുലര്ത്തണം. കഴിഞ്ഞദിവസം ബാവലിയില് 21 വയസ്സുകാരന് കഞ്ചാവുമായി പിടിയിലായത് ഗൗരവമേറിയതാണ്. വിദ്യാര്ത്ഥികളെ വലയിലാക്കിയാണ് ഇത്തരത്തിലുള്ള വില്പ്പന നടത്തപ്പെടുന്നതെന്നും ബിജെപി. മണ്ഡലം പ്രസിഡന്റ് സുമ രാമന് അധ്യക്ഷത വഹിച്ചു.നിതീഷ് ലോകനാഥ്,സനീഷ് ചിറക്കര,രജീഷ് മാനന്തവാടി,തുഷാര എന്നിവര് സംസാരിച്ചു.
‘ഒരു ബോംബും വീഴാനില്ല, ബോംബെല്ലാം വീണു കൊണ്ടിരിക്കുന്നത് കോണ്ഗ്രസില്’; ഞങ്ങള്ക്ക് ഭയമില്ലെന്ന് എം വി ഗോവിന്ദന്
തൊടുപുഴ : സിപിഎം അധികം കളിക്കേണ്ട, കേരളം ഞെട്ടുന്ന വാര്ത്ത വരുമെന്ന പ്രതിപക്ഷ നേതാവ് വി ഡി സതീശന്റെ മുന്നറിയിപ്പിന് മറുപടിയുമായി എം വി ഗോവിന്ദന്.സിപിഎമ്മില് ഒരു ബോംബും വീഴാനില്ലെന്ന് പാര്ട്ടി സംസ്ഥാന സെക്രട്ടറി എം വി ഗോവിന്ദന് പറഞ്ഞു.ബോംബെല്ലാം വീണുകൊണ്ടിരിക്കുന്നതും ഇനി വീഴാന് പോകുന്നതും യുഡിഎഫിലും പ്രത്യേകിച്ച് കോണ്ഗ്രസിലുമാണ്. കെപിസിസി പ്രസിഡന്റ് താല്ക്കാലികമായി പറഞ്ഞൊഴിഞ്ഞിരിക്കുകയാണെന്ന് എം വി ഗോവിന്ദന് പറഞ്ഞു. പ്രതിപക്ഷ നേതാവും കെപിസിസി പ്രസിഡന്റും 24 മണിക്കൂറും പറഞ്ഞത് രാജിവെപ്പിക്കുമെന്നാണ്. പക്ഷെ രാജി വെപ്പിക്കാന്
നെഹ്രു ട്രോഫി വള്ളംകളി; 30ന് പ്രാദേശിക അവധി, എല്ലാ വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫീസുകള്ക്കും ബാധകം
തിരുനന്തപുരം : നെഹ്രു ട്രോഫി വള്ളംകളി ദിനമായ ഓഗസ്റ്റ് 30ന് ആലപ്പുഴ ജില്ലയിലെ സര്ക്കാര് ഓഫിസുകള്ക്കും വിദ്യാഭ്യാസ സ്ഥാപനങ്ങള്ക്കും പ്രാദേശിക അവധി പ്രഖ്യാപിച്ച് ജില്ലാ കലക്ടര് ഉത്തരവിട്ടു.ചേര്ത്തല,അമ്പലപ്പുഴ,കുട്ടനാട്,കാര്ത്തികപ്പള്ളി,ചെങ്ങന്നൂര്,മാവേലിക്കര എന്നീ താലൂക്കുകളിലെ എല്ലാ സര്ക്കാര് ഓഫീസുകള്ക്കും,വിദ്യാഭ്യാസ സ്ഥാപനങ്ങള്ക്കുമാണ് പ്രാദേശിക അവധി പ്രഖ്യാപിച്ചത്.പൊതുപരീക്ഷകള് മുന് നിശ്ചയ പ്രകാരം നടക്കും. നെഹ്രു ട്രോഫി വള്ളംകളി ദിവസം (ഓഗസ്റ്റ് 30) പ്രഖ്യാപിച്ച അവധിയില് നിന്നു മാവേലിക്കര താലൂക്കിനെ മാത്രം ഒഴിവാക്കിയ ആലപ്പുഴ ജില്ല കലക്ടറുടെ നടപടിക്കെതിരെ മുഖ്യമന്ത്രിക്ക് പരാതി നല്കിയിരുന്നു.മാവേലിക്കര എംഎല്എ എംഎസ്.അരുണ്കുമാറാണ്
ബില്ലുകള് തടഞ്ഞുവെക്കാനുള്ള ഗവര്ണറുടെ അധികാരം;ആശങ്ക പ്രകടിപ്പിച്ച് സുപ്രീംകോടതി
ന്യൂഡല്ഹി : സംസ്ഥാനത്തെ ബില്ലുകള് തടഞ്ഞു വെക്കാനുള്ള ഗവര്ണറുടെ അധികാരത്തില് ആശങ്ക പ്രകടിപ്പിച്ച് സുപ്രീംകോടതിയുടെ ഭരണഘടനാ ബെഞ്ച്.നിയമത്തിന്റെ ഇത്തരം വ്യാഖ്യാനത്തില് ആശങ്കയുണ്ടെന്നും അങ്ങനെയെങ്കില് മണി ബില്ലുകള് പോലും തടഞ്ഞുവെക്കാവുന്ന സ്ഥിതിയല്ലേയെന്നും സുപ്രീംകോടതി ചോദിച്ചു.ഭരണഘടനയുടെ ആര്ട്ടിക്കിള് 200 പ്രകാരം ഗവര്ണര്ക്ക് ബില് തിരിച്ചയക്കാതെ പിടിച്ച് വെക്കാനുള്ള അധികാരമുണ്ട്.ഈ രീതിയില് വ്യാഖ്യാനിക്കപ്പെടുകയാണെങ്കില് മണി ബില് പോലും ഗവര്ണര്ക്ക് തടഞ്ഞ് വെക്കാമെന്ന സ്ഥിതിയുണ്ടാകുമെന്ന് കോടതി നിരീക്ഷിച്ചു.ഈ സാഹചര്യം സംസ്ഥാനങ്ങളില് പ്രശ്നങ്ങള് സൃഷ്ടിക്കാമെന്ന് ഭരണഘടന ബെഞ്ച് ചൂണ്ടിക്കാട്ടി.ചീഫ് ജസ്റ്റിസ് ബി ആര് ഗവായ്,ജസ്റ്റിസ്
അച്ചന്കോവിലാറ്റില് ഒഴുക്കില്പ്പെട്ട് ഒമ്പതാം ക്ലാസ് വിദ്യാര്ഥി മരിച്ചു, സുഹൃത്തിനായി തിരച്ചില്
പത്തനംതിട്ട : പത്തനംതിട്ട അച്ചന്കോവില് ആറ്റില് ഒഴുക്കില്പ്പെട്ട് ഒമ്പതാം ക്ലാസ് വിദ്യാര്ഥി മരിച്ചു. പത്തനംതിട്ട ചിറ്റൂര് സ്വദേശി അജ്സല് അജിയുടെ മൃതദേഹമാണ് മണിക്കൂറുകള് നീണ്ട തിരച്ചിലിനൊടുവില് കണ്ടെത്തിയത്.ഒഴുക്കില് മറ്റൊരു വിദ്യാര്ഥി നബീല് നിസാമിനായി തിരച്ചില് തുടരുകയാണ്. ഉച്ചയ്ക്ക് 12:50 ഓടെ പത്തനംതിട്ട കല്ലറകടവിലാണ് അപകടം ഉണ്ടായത്.ഒമ്പതാം ക്ലാസ് വിദ്യാര്ത്ഥികളാണ് ഒഴുക്കില്പ്പെട്ടത്.ഫയര്ഫോഴ്സ് സ്ഥലത്തെത്തി തിരച്ചില് തുടരുകയാണ്.അജീബ് – സലീന ദമ്പതികളുടെ ഏക മകനാണ് മരിച്ച അജ്സല് അജി. ഓണപ്പരീക്ഷയുടെ അവസാന ദിനത്തില് സ്കൂള് കഴിഞ്ഞെത്തിയ വിദ്യാര്ഥികളാണ് ആറ്റിലിറങ്ങിയത്. എട്ട്
ഒരു സമ്മര്ദ്ദത്തിനും വഴങ്ങില്ല;റഷ്യയില് നിന്നും എണ്ണ വാങ്ങുന്നത് തുടരുമെന്ന് ഇന്ത്യ
ന്യൂഡല്ഹി : റഷ്യയില് നിന്നും എണ്ണ വാങ്ങുന്നത് തുടരുമെന്ന് ഇന്ത്യ.ഇക്കാര്യത്തില് ഒരു സമ്മര്ദ്ദത്തിനും വഴങ്ങില്ലെന്ന് ഇന്ത്യ വ്യക്തമാക്കി.കുറഞ്ഞ വിലയ്ക്ക് ആര് എണ്ണ നല്കിയാലും വാങ്ങും.പരിഗണിക്കുന്നത് വിപണിയിലെ സാഹചര്യമാണെന്നും റഷ്യയിലെ ഇന്ത്യന് അംബാസഡര് വിനയ് കുമാര് പറഞ്ഞു. റഷ്യയില് നിന്നും കുറഞ്ഞ വിലയ്ക്കാണ് ഇന്ത്യയ്ക്ക് എണ്ണ ലഭിക്കുന്നത്.ദേശീയ താല്പ്പര്യവും സാമ്പത്തിക താല്പ്പര്യവുമാണ് ഇന്ത്യ പ്രധാനമായും പരിഗണിക്കുന്നത്.കുറഞ്ഞ വിലയ്ക്ക് എണ്ണ നല്കാന് തയ്യാറുള്ള രാജ്യങ്ങളില് നിന്നും എണ്ണ വാങ്ങും.ഇന്ത്യ- റഷ്യ ബന്ധം മുന്നോട്ടു പോകുമെന്നും വിനയ് കുമാര് വ്യക്തമാക്കി. റഷ്യയില്
അമീബിക്ക് മസ്തിഷ്ക ജ്വരം;പ്രതിരോധ പ്രവര്ത്തനങ്ങള് ശക്തമാക്കാന് തദ്ദേശ സ്ഥാപനങ്ങളോട് മുഖ്യമന്ത്രി
തിരുവനന്തപുരം : അമീബിക്ക് മസ്തിഷ്ക ജ്വരം കൂടുതലായി റിപ്പോര്ട്ട് ചെയ്യപ്പെടുന്ന സാഹചര്യത്തില് പ്രതിരോധ പ്രവര്ത്തനങ്ങള് ശക്തമാക്കാന് തദ്ദേശസ്വയം ഭരണ സ്ഥാപനാധികാരികളോട് അഭ്യര്ത്ഥിച്ച് മുഖ്യമന്ത്രി പിണറായി വിജയന്.ജലജന്യരോഗങ്ങളെ പ്രതിരോധിക്കുന്നതിന് “ജലമാണ് ജീവൻ’ ക്യാമ്പയിന് രൂപം നൽകാൻ സംസ്ഥാന സർക്കാർ തീരുമാനിച്ചിട്ടുണ്ട്.ആരോഗ്യവകുപ്പ്,തദ്ദേശ സ്വയംഭരണ വകുപ്പ്,പൊതുവിദ്യാഭ്യാസ വകുപ്പ്,ഹരിതകേരളം മിഷൻ തുടങ്ങിയവര് ഉൾപ്പെടുന്നതാണ് ഈ പരിപാടി. ഹരിതകേരളം മിഷന്റെ നേതൃത്വത്തിലാണ് “ജലമാണ് ജീവൻ’ ക്യാമ്പയിന് തുടക്കം കുറിച്ചത്. ഇതിനോടനുബന്ധിച്ച് ആഗസ്റ്റ് 30,31 തീയതികളിൽ സംസ്ഥാനത്തെ മുഴുവൻ കിണറുകളും ക്ലോറിനേറ്റ് ചെയ്യാനും വീടുകളിലേയും സ്ഥാപനങ്ങളിലേയും
ജില്ലാക്ഷേമകാര്യ ചെയർപേഴ്സന്റെ നേതൃത്വത്തിൽ ‘സ്കൂളമ്മക്കൊരു ഓണപ്പുടവ’ കൽപ്പറ്റ യിൽ നടന്നു
കൽപ്പറ്റ : വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർ പേഴ്സൺ ഇനിഷിയേറ്റിവിന്റെ ആഭിമുഖ്യത്തിൽ വിദ്യാഭ്യാസ ഓൺലൈൻ ചാനലായ പള്ളിക്കൂടം ടിവിയുമായി സഹകരിച്ചു നടത്തുന്ന സ്കൂൾ പാചക തൊഴിലാളികളെ ആദരിക്കുന്ന ‘സ്കൂളമ്മക്കൊരു ഓണപ്പുടവ’പരിപാടിയുടെ ജില്ലാതല ഉദ്ഘാടനം കൽപ്പറ്റ എസ്.കെ.എം.ജെ സ്കൂളിൽ വച്ച് നടന്നു.ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജുനൈദ് കൈപ്പാണി, തൊഴിലാളികൾക്ക് പുടവ കൈമാറി ആദരിച്ചു.അന്നം തരുന്നവരെ ആദരിക്കുക,ഏത് തൊഴിലിനെയും തൊഴിലാളിയെയും ബഹുമാനിക്കുക,സഹജീവികളെ ചേർത്തുനിർത്തുക,അവരുടെ സുഖദുഃഖങ്ങളിൽ പങ്കുചേരുക എന്നീ സന്ദേശങ്ങൾ കുട്ടികൾക്ക് നൽകുന്നതിനായിട്ടാണ്
മാനന്തവാടി ഗവ കോളേജ് യു യു സി പിടിച്ചെടുത്ത് എം എസ് എഫ്
മാനന്തവാടി : കണ്ണൂർ യൂണിവേഴ്സിറ്റി യൂണിയൻ തെരഞ്ഞെടുപ്പിൽ മാനന്തവാടി ഗവ കോളേജ് യു യു സി എം എഫ് എഫ് പിടിച്ചെടുത്തു എം എസ് എഫിലെ ഫാത്തിമ നിഹയാണ് യു യു സി യായി തെരെഞ്ഞെടുക്കപ്പെട്ടത്.
‘എത്ര മാരീചവേഷങ്ങളെ ഇറക്കി കാടിളക്കിയാലും രാവണന് ക്രൂരനായ സ്ത്രീലമ്പടന് തന്നെ’
കൊച്ചി : കോണ്ഗ്രസിന്റെ പ്രാഥമിക അംഗത്വത്തില് നിന്ന് സസ്പെന്ഡ് ചെയ്ത പാലക്കാട് എംഎല്എ രാഹുല് മാങ്കൂട്ടത്തിലിനെ പരോക്ഷമായി രാവണനോട് ഉപമിച്ച് കോണ്ഗ്രസ് ഡിജിറ്റല് മീഡിയാ സെല് കോര്ഡിനേറ്റര് താരാ ടോജോ അലക്സ്. എത്രയലക്കി വെളുപ്പിച്ചാലും എത്ര കഥകള് പാടിപ്പുകഴ്ത്തിയാലും എത്ര മാരീചവേഷങ്ങളെ ഇറക്കി കാടിളക്കിയാലും രാവണന് ക്രൂരനായ സ്ത്രീലമ്പടനാണന്ന സത്യം രാമായണം വായിച്ചവര്ക്കും കേട്ടവര്ക്കും അറിയാമെന്ന് താരാ ടോജോ അലക്സ് ഫെയ്സ്ബുക്കില് കുറിച്ചു. രാഹുല് മാങ്കൂട്ടത്തിലിനെതിരെ ഉയര്ന്ന ആരോപണങ്ങളിലും തനിക്ക് നേരെ നടക്കുന്ന സൈബര് ആക്രമണങ്ങളിലും വീണ്ടും
‘ഒരു വിട്ടുവീഴ്ചയും വേണ്ട’ ; രാഹുല് മാങ്കൂട്ടത്തിലിനെതിരെ രാഹുല് ഗാന്ധിയും പ്രിയങ്കയും
ന്യൂഡല്ഹി : ആരോപണ വിധേയനായ രാഹുല് മാങ്കൂട്ടത്തിലിനെതിരെ കോണ്ഗ്രസ് നേതാക്കളായ രാഹുല് ഗാന്ധിയും പ്രിയങ്ക ഗാന്ധിയും രംഗത്ത്. നിരപരാധിത്വം തെളിയിക്കേണ്ടത് രാഹുല് മാങ്കൂട്ടത്തിലാണെന്നും,കര്ശന നടപടി സ്വീകരിക്കുന്നതില് വിട്ടുവീഴ്ച വേണ്ടെന്നും നേതാക്കള് വ്യക്തമാക്കി.വെളിപ്പെടുത്തലുകളില് രാഹുല് മാങ്കൂട്ടത്തില് തൃപ്തികരമായ വിശദീകരണം നല്കിയിട്ടില്ലെന്നും എഐസിസി വിലയിരുത്തുന്നു. സ്ത്രീകള്ക്കെതിരായ മോശം പെരുമാറ്റം സംബന്ധിച്ച് രാഹുല് മാങ്കൂട്ടത്തിലിനെതിരെ ഉയര്ന്ന് ആരോപണങ്ങള് ദേശീയ തലത്തില് വരെ ചര്ച്ചയായി മാറിയിരുന്നു. ബിജെപി ഈ വിഷയം കോണ്ഗ്രസിനെതിരെ ആയുധമാക്കി രംഗത്തു വന്നിരുന്നു.വോട്ടു ചോരി ക്യാംപെയ്നുമായി കേന്ദ്രസര്ക്കാരിനെതിരെ പ്രക്ഷോഭം നടക്കുന്നതിനിടെ,കേരളത്തിലെ
14 ഇനങ്ങള്; സൗജന്യ ഓണക്കിറ്റ് വിതരണം ഇന്നുമുതല്:14 സാധനങ്ങളടങ്ങിയ 6,03,291 ഭക്ഷ്യകിറ്റാണ് നൽകുക
തിരുവനന്തപുരം : സംസ്ഥാന സർക്കാരിൻ്റെ സൗജന്യ ഓണക്കിറ്റ് വിതരണം ഇന്ന് ആരംഭിക്കും.എ എ വൈ റേഷൻ കാർഡ് (മഞ്ഞ കാർഡ്) ഉടമകൾക്കും ക്ഷേമ സ്ഥാപനങ്ങളിലെ അന്തേവാസികൾക്കുമാണ് സൗജന്യ ഓണക്കിറ്റ് ലഭിക്കുക.സൗജന്യ ഓണക്കിറ്റ് വിതരണത്തിന്റെ സംസ്ഥാനതല ഉദ്ഘാടനം തിരുവനന്തപുരത്ത് ഭക്ഷ്യമന്ത്രി ജി ആർ അനിൽ നിർവഹിച്ചു.14 സാധനങ്ങളടങ്ങിയ 6,03,291 ഭക്ഷ്യകിറ്റാണ് നൽകുക.5,92,657 മഞ്ഞക്കാർഡുകാർക്ക് റേഷൻകട വഴിയാകും കിറ്റ് വിതരണം. ക്ഷേമസ്ഥാപനത്തിലെ നാല് അന്തേവാസികൾക്ക് ഒരു കിറ്റ് എന്ന നിലയിലാണ് നൽകുക.ഇത്തരത്തിൽ 10,634 കിറ്റുകൾ നൽകും.സെപ്തംബർ നാലുവരെ കിറ്റ് വാങ്ങാവുന്നതാണെന്ന്
ഇന്ന് ഒറ്റപ്പെട്ട ശക്തമായ മഴയ്ക്ക് സാധ്യത; 4 ജില്ലകളിൽ യെല്ലോ അലർട്ട്
തിരുവനന്തപുരം : സംസ്ഥാനത്ത് ഇന്ന് ഒറ്റപ്പെട്ട ശക്തമായ മഴയ്ക്ക് സാധ്യത. നാല് ജില്ലകളിൽ ഇന്ന് യെല്ലോ മുന്നറിയിപ്പ്.കോഴിക്കോട്,വയനാട്,കണ്ണൂര്, കാസര്കോട് ജില്ലകളിലാണ് മുന്നറിയിപ്പ്.വടക്കു പടിഞ്ഞാറന് ബംഗാള് ഉള്ക്കടലിനു മുകളില് ഒഡിഷ-പശ്ചിമ ബംഗാള് തീരത്തിനു സമീപം സ്ഥിതിചെയ്യുന്ന ചക്രവാതച്ചുഴി ന്യൂനമര്ദമായി ശക്തി പ്രാപിക്കാന് സാധ്യത.ഇതിന്റെ സ്വാധീനഫലമായി സംസ്ഥാനത്ത് വരും ദിവസങ്ങളിലും നേരിയ/ഇടത്തരം മഴയ്ക്കും ഇന്ന് മുതല് വെള്ളിയാഴ്ച വരെ ഒറ്റപ്പെട്ട ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ
സൺഡേ സ്കൂൾ അധ്യാപക യോഗം സംഘടിപ്പിച്ചു
സുൽത്താൻബത്തേരി : ഭദ്രാസനത്തിന്റെ കീഴിൽ മാനന്തവാടി ഡിസ്റ്റിക് തലത്തിൽ നടത്തപ്പെടുന്ന സൺഡേ സ്കൂൾ അധ്യാപക തലയോഗം മാനന്തവാടി ഡിസ്റ്റിക് പ്രസിഡന്റ് ഫാ.ടി എം കുര്യാക്കോസിന്റെ അധ്യക്ഷതയിൽ മാനന്തവാടി ഡിസ്റ്റിക് ഇൻസ്പെക്ടർ ശ്രീ എൽദോ ജി യുടെ നേതൃത്വത്തിൽ മാനന്തവാടി സെന്റ് തോമസ് ഓർത്തഡോക്സ് ദേവാലയത്തിൽ ഞായറാഴ്ച ബത്തേരി ഭദ്രാസന വൈസ് പ്രസിഡണ്ട് ഫാ.ജോസഫ് പി വർഗീസ് ഉദ്ഘാടനം നടത്തി ഭദ്രാസന സെക്രട്ടറി ശ്രീ വി വർഗീസ് ഫാ.മോൻസി ജേക്കബ് മണ്ണിത്തോട്ടം,ഫാ.ജിബിൻ വർഗീസ്,ഫാ.ഷാജി മത്തായി എന്നിവർ ആശംസകൾ അർപ്പിച്ചു.കേളകം
ദേശീയ ലൈബ്രേറിയൻ ദിനത്തിൽ ലൈബ്രേറിയൻമാർക്കാദരം
മാനന്തവാടി : ലൈബ്രറി സയൻസിൻ്റെ പിതാവായ എസ് ആർ രംഗനാഥൻ്റെ ജൻമദിനത്തിൽ പഴശ്ശി ഗ്രന്ഥാലയത്തിൻ്റെ ലൈബ്രേറിയൻമാരായ ഷിനോജ് വി.പി യെയും ജിതിൻ എം.സിയെയും ഗ്രന്ഥാലയം ആദരിച്ചു.ഗ്രന്ഥാലയം ഹാളിൽ വെച്ച് നടന്ന പ്രസ്തുത പരിപാടി താലൂക്ക് ലൈബ്രറി കൗൺസിൽ ജോ.സെക്രട്ടറി സുഭാഷ് പി ടി ഉൽഘാടനം ചെയ്തു. ഗ്രന്ഥാലയം ജോ.സെക്രട്ടറി എ.അയൂബ് അദ്ധ്യക്ഷത വഹിച്ചു.ജില്ലാ ലൈബ്രറി എക്സിക്യൂട്ടീവ് അംഗം ഷാജൻ ജോസ്,പഴശ്ശി ഗ്രന്ഥാലയം എക്സിക്യൂട്ടീവ് അംഗം വിനോദ് കുമാർ എസ് ജെ താലൂക്ക് ലൈബ്രറി കൗൺസിൽ അംഗം പ്രസാദ്
താമരശ്ശേരി ചുരത്തിൽ അപകടം
താമരശ്ശേരി : ചുരത്തിൽ എട്ടാം വളവിന് സമീപം വാഹനങ്ങളുടെ കൂട്ടയിടി.കാറുകളും ബൈക്കുകളും ഉൾപ്പെടെ അപകടത്തിൽ പെട്ടതായി വിവരം ലഭിച്ചിട്ടുണ്ട്.ഏകദേശം അഞ്ചിൽ കൂടുതൽ വാഹനങ്ങൾ അപകടത്തിൽ പെട്ടതയാണ് വിവരം ലഭിച്ചത്.ആംബുലൻസുകൾ അപകട സ്ഥലത്തേക്ക് പുറപ്പെട്ടിട്ടുണ്ട്.ചുരത്തിൽ അപകടം നടന്നത് കാരണം ഗതാഗത തടസം നേരിടുന്നുണ്ട്.അപകടത്തിൽ ഒരു ലോറിയും മറിഞ്ഞിട്ടുണ്ട്.എമർജൻസി വാഹനങ്ങൾക് സുഖകരമായി കടന്ന് പോവാൻ എല്ലാവരും ശ്രദ്ധിക്കുക.
മെഗാ രക്തദാന ക്യാംപെയ്നുമായി ബ്രഹ്മകുമാരീസ്
മാനന്തവാടി : ഗിന്നസ് ബുക്കിൽ ഇടം നേടുന്ന തരത്തിൽ ഒരു ലക്ഷം യൂണിറ്റ് രക്തം ദാനം ചെയ്യുക എന്ന മഹത്തായ ലക്ഷ്യവുമായി പ്രജാപിത ബ്രഹ്മകുമാരീസ് ഈശ്വരീയ വിശ്വ വിദ്യാലയത്തിന്റെ നേതൃത്വ ത്തിൽ സംഘടിപ്പിക്കുന്ന മെഗാ രക്തദാന ക്യാംപെയ്ൻ മാനന്തവാടിയിലും.4 പതിറ്റാണ്ടോളം പ്രജാപിത ബ്രഹ്മകുമാരീസ് ഈശ്വരീയ വിശ്വവിദ്യാലയത്തിന്റെ അഡ്മിനിസ്ട്രേറ്റർ ആയിരുന്ന രാജയോഗിനി ദാദി പ്രകാശ് മണിയുടെ സ്മൃതി ദിനത്തിന് മു ന്നോടിയായാണ് ക്യാംപ് നടത്തിയത്. വിവിധ സംഘടനകളുടെ സഹ കരണത്തോടെ വയനാട് ഗവ.മെഡിക്കൽ കോളജ് ബ്ലഡ് ബാങ്കിൽ നടന്ന
ത്രില്ലടിപ്പിച്ച് കൊച്ചി;കെസിഎല്ലില് കൊല്ലത്തിനെതിരെ ബ്ലൂടൈഗേഴ്സിന് ഉജ്ജ്വല വിജയം
തിരുവനന്തപുരം : കെസിഎല്ലിലെ ആവേശപ്പോരാട്ടത്തില് കൊല്ലം സെയിലേഴ്സിനെ നാല് വിക്കറ്റിന് തോല്പിച്ച് കൊച്ചി ബ്ലൂ ടൈഗേഴ്സ്. 237 റണ്സ് പിന്തുടര്ന്ന് ബാറ്റിങ്ങിന് ഇറങ്ങിയ കൊച്ചിയെ അവസാന പന്തില് മൊഹമ്മദ് ആഷിഖ് നേടിയ സിക്സറാണ് വിജയത്തിലെത്തിച്ചത്. സെഞ്ച്വറി നേടിയ സഞ്ജു സാംസനാണ് കളിയിലെ താരം.ആദ്യം ബാറ്റ് ചെയ്ത കൊല്ലം സെയിലേഴ്സ് 20 ഓവറില് അഞ്ച് വിക്കറ്റ് നഷ്ടത്തിലാണ് 236 റണ്സെടുത്തത്.ആവേശം എല്ലാ അതിരുകളും ഭേദിച്ചൊരു പോരാട്ടം.അതിനായിരുന്നു ഗ്രീന്ഫീല്ഡ് സ്റ്റേഡിയം സാക്ഷ്യം വഹിച്ചത്.അടിച്ചും തിരിച്ചടിച്ചും കൊല്ലവും കൊച്ചിയും അവസാന പന്ത്
മാസ പിറവി ദൃശ്യ മായി,തിങ്കളാഴ്ച റബീഉല് അവ്വല് ഒന്ന്
കോഴിക്കോട് : തിങ്കളാഴ്ച (ഓഗസ്റ്റ് 25, 2025) റബീഉല് അവ്വല് ഒന്ന് ആയിരിക്കുമെന്ന് പ്രമുഖ പണ്ഡിതന്മാരായ പാണക്കാട് സയ്യിദ് സ്വാദിഖ് അലി ശിഹാബ് തങ്ങളുടെ നാഇബ് പാണക്കാട് സയ്യിദ് അബ്ദുന്നാസ്വിർ ഹയ്യ് ശിഹാബ് തങ്ങള്,സയ്യിദ് മുഹമ്മദ് ജിഫ്രി മുത്തുക്കോയ തങ്ങള്,ശൈഖുനാ ആലിക്കുട്ടി മുസ്ലിയാർ,സയ്യിദ് മുഹമ്മദ് കോയ തങ്ങള് ജമലുല്ലൈല് എന്നിവർ അറിയിച്ചു. മാസപ്പിറവി ദൃശ്യമായതിനെത്തുടർന്നാണ് ഈ പ്രഖ്യാപനം.പ്രവാചകൻ മുഹമ്മദ് നബിയുടെ ജന്മദിനം ഉള്ക്കൊള്ളുന്ന പുണ്യമാസമാണ് റബീഉല് അവ്വല്.
രണ്ടര വയസ്സുകാരിക്ക് നേരെ ലൈംഗികാതിക്രമം
മാനന്തവാടി : വയനാട് മാനന്തവാടിയിൽ രണ്ടര വയസ്സുകാരിയെ പീഡിപ്പിച്ച ശ്രമത്തിൽ മാനന്തവാടി സ്വദേശി അതുരാജിനെയാണ് മാനന്തവാടി എസ് എച്ച് ഒ പി റഫീക്കിന്റെ നേതൃത്വത്തിൽ അറസ്റ്റ് ചെയ്തത്. രണ്ട് മാസം മുൻപാണ് രണ്ടര വയസ്സുകാരി പീഡനത്തിന് വിധേയയായത്.ശാരീരിക പ്രശ്നങ്ങളെ തുടർന്ന് കുട്ടിയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു.തുടർന്ന് നടത്തിയ പരിശോധനയിലാണ് പീഡന വിവരം പുറത്തറിഞ്ഞത്. മെഡിക്കൽ കോളജ് അധികൃതരാണ് പോലീസിൽ വിവരമറിയിച്ചത്.മാനന്തവാടി പോലീസ് എത്തുകയും അന്വേഷണം നടത്തുകയും ചെയ്തു.ഇതിൻ്റെ അടിസ്ഥാനത്തിലാണ് പ്രതിയെ ഇന്ന് അറസ്റ്റ് ചെയ്തത്.പ്രതിയെ
കണിയാമ്പറ്റ ഗ്രാമപഞ്ചായത്തിന്റെയും,വരദൂർ കുടുംബരോഗ്യ കേന്ദ്രത്തിന്റെയും നേതൃത്വത്തിൽ അതിഥി തൊഴിലാളിക്യാമ്പ് നടത്തി
കണിയാമ്പറ്റ : ഇവരുടെ ആരോഗ്യ സംരക്ഷണവും,നാടിന്റെ സുരക്ഷയും ഉറപ്പു വരുത്തുന്നതിന് വേണ്ടി പകർച്ചവ്യാധികളായ മലമ്പനി, മന്ത് രോഗം, കുഷ്ഠ രോഗം,കൂടാതെ ഡെങ്കു,HbsAg,BP,DM തുടങ്ങിയ ടെസ്റ്റുകൾ നടത്തി.ക്യാമ്പിൽ ഗ്രാമ പഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെർപേഴ്സൺ സീനത്ത്തൻവീർ സ്വാഗതം പറഞ്ഞു,വൈസ്പ്രസിഡന്റ് നൂർഷ ചേനോത്ത് അധ്യക്ഷ സ്ഥാനം അലങ്കരിച്ചു,പഞ്ചായത്ത് പ്രസിഡണ്ട് കെ.വി രജിത യോഗം ഉദ്ഘാടനം നിർവഹിച്ചു.മെഡിക്കൽ ഓഫീസർ ഡോ:സിത്താര ജൂഹെൽത്ത് ഇൻസ്പെക്ടർ ഷാനിവാസ് വാഴയിൽ,പഞ്ചായത്ത് മെമ്പർമാരായ സലിജ ഉണ്ണി,ജെസ്സി.എന്നിവർ ആശംസകൾ അർപ്പിച്ചു. ക്യാമ്പിൽJHI,CHO,JPHN,ASHA പ്രവർത്തകർ എന്നിവരും പൊതുപ്രവർത്തകരായ നഈം
ശ്രീനാരായണഗുരു ഓപ്പൺ യൂണിവേഴ്സിറ്റി-ഡിഗ്രി വിദ്യാർത്ഥികൾക്കുള്ള അദാലത്ത്
കൽപ്പറ്റ : വയനാട് ജില്ലാ പഞ്ചായത്ത് ശ്രീനാരായണ ഗുരു ഓപ്പൺ യൂണിവേഴ്സിറ്റിയുമായി സഹകരിച്ച് നടപ്പിലാക്കുന്ന ഡിഗ്രി കോഴ്സിലെ പഠിതാക്കൾക്ക് വേണ്ടിയുള്ള അദാലത്ത് ജില്ലാ പഞ്ചായത്ത് ക്ഷമകാര്യ സ്ഥിരംസമിതി അധ്യക്ഷൻ ജുനൈദ് കൈപ്പാണി ഉദ്ഘാടനം ചെയ്തു.പഠിതാക്കളുടെ നിരവധി പ്രശ്നങ്ങൾ അദാലത്തിൽ ചർച്ചചെയ്തു.ഈ വർഷം 138 തുല്യതാ ഹയർസെക്കണ്ടറി പഠനം പൂർത്തിയാക്കിയ പഠിതാക്കൾക്ക് ജില്ലാപഞ്ചായത്ത് നൂതനപദ്ധതിയിൽ ഉൾപ്പെടുത്തി അഡ്മിഷൻ നൽകുന്ന നടപടികൾ പുരോഗമിക്കുകയാണ്.പഠിതാക്കളുടെ പ്രശ്നങ്ങൾ പരിഹരിച്ച് കോഴ്സ് സുഗമമായി പൂർത്തീകരിക്കാൻ അവസരമൊരുക്കുമെന്ന് യൂണിവേഴ്സിറ്റി അധികൃതർ ഉറപ്പ് നൽകി.ചടങ്ങിൽ യൂണിവേഴ്സിറ്റി രജിസ്ട്രാർ
അദാണി ട്രിവാന്ഡ്രം റോയല്സിന്റെ മത്സരം കാണാന് സാന്സ്വിതയിലെ കുട്ടികളും
തിരുവനന്തപുരം : കേരള ക്രിക്കറ്റ് ലീഗില് ഞായറാഴ്ച്ച നടന്ന അദാണി ട്രിവാന്ഡ്രം റോയല്സ്- കാലിക്കറ്റ് ഗ്ലോബ്സ്റ്റാര് മത്സരം കാണാന് വൈക്കം സാന്സ്വിത സ്പെഷ്യല് സ്കൂളിലെ കുട്ടികളെത്തി. ക്രിക്കറ്റ് മത്സരം തത്സമയം കാണാണമെന്ന ആഗ്രഹം സെന്ററിലെ ചില കുട്ടികള് സ്കൂള് അധികൃതരെ അറിയിച്ചതിനെത്തുടര്ന്നാണ് ഇത്തരത്തിലൊരു അവസരമൊരുങ്ങിയത്.സ്കൂള് അധികൃതര് അദാനി ട്രിവാന്ഡ്രം റോയല്സുമായി ബന്ധപ്പെടുകയും അവര് ഈ ആവശ്യം അംഗീകരിച്ച് കുട്ടികള്ക്ക് ക്രിക്കറ്റ് മത്സരം കാണാനുള്ള അവസരം ഒരുക്കുകയുമായിരുന്നു.വൈക്കത്ത് നിന്ന് ഇന്നലെ പുലര്ച്ചെ മുപ്പത്തിയഞ്ചംഗ സംഘം യാത്ര തിരിച്ച് ഉച്ചയോടെ
കോഴിക്കോട് മെഡിക്കൽ കോളേജ് സൂപ്പർ സ്പെഷ്യാലിറ്റി ബ്ലോക്ക് ഇന്ന് തുറക്കും
കോഴിക്കോട് : തീപിടുത്തത്തെ തുടർന്ന് അടച്ചിട്ടിരുന്ന കോഴിക്കോട് മെഡിക്കൽ കോളേജിലെ പി.എം.എസ്.എസ്.വൈ.ബ്ലോക്കിലെ സർജിക്കൽ സൂപ്പർ സ്പെഷ്യാലിറ്റി അത്യാഹിത വിഭാഗം ഇന്ന് വൈകുന്നേരം നാലുമണിയോടെ പ്രവർത്തനം പുനരാരംഭിക്കും.കഴിഞ്ഞ മേയ് മാസത്തിലാണ് കെട്ടിടത്തിലെ യു.പി.എസ്.റൂമിലുണ്ടായ പൊട്ടിത്തെറിയെ തുടർന്ന് തീപിടുത്തമുണ്ടായത്.ജില്ലാ കളക്ടറുടെ നേതൃത്വത്തിലുള്ള സാങ്കേതിക സമിതി, കെട്ടിടത്തിന്റെ സുരക്ഷ ഉറപ്പാക്കിയ ശേഷമാണ് തുറക്കാൻ തീരുമാനിച്ചത്.പൊതുമരാമത്ത് വകുപ്പ്, ഇലക്ട്രിക്കൽ ഇൻസ്പെക്ടറേറ്റ് എന്നിവർ നിർദ്ദേശിച്ച അറ്റകുറ്റപ്പണികൾ പൂർത്തിയാക്കി,അഗ്നിരക്ഷാ വിഭാഗത്തിന്റെ എൻ.ഒ.സി.ലഭിച്ചതിനെ തുടർന്നാണ് നടപടി.
ഓണം പുസ്തക വിപണന മേള
കൽപ്പറ്റ :bഓഗസ്റ്റ് 25 മുതൽ സെപ്റ്റംബർ 3 വരെ കൽപ്പറ്റയിൽ സാഹിത്യ പ്രവർത്തക സഹകരണ സംഘത്തിന്റെ കീഴിലുള്ള നാഷണൽ ബുക്ക്സ്റ്റാൾ ഓണം പുസ്തക വിപണന മേള സംഘടിപ്പിക്കുന്നു.കൽപ്പറ്റ പുതിയസ്റ്റാൻഡിൽ വെച്ച് നടത്തുന്ന മേളയിൽ പുസ്തകങ്ങൾക്ക് 10% 50% വരെ വിലക്കിഴിവ് ഉണ്ടായിരിക്കുന്നതാണ്.
വൈദ്യുതി സുരക്ഷയേപ്പറ്റി കാര്യമായ അവബോധം സമൂഹത്തിലുണ്ടാകണം:മന്ത്രി കെ കൃഷ്ണൻകുട്ടി
തിരുവനന്തപുരം : വൈദ്യുതി സുരക്ഷയേപ്പറ്റി കാര്യമായ അവബോധം സമൂഹത്തിൽ,പ്രത്യേകിച്ച് സ്കൂളുകളിൽ ഉണ്ടാകേണ്ടത് അത്യന്താപേക്ഷിതമാണെന്ന് വൈദ്യുതി വകുപ്പ് മന്ത്രി കെ കൃഷ്ണൻകുട്ടി.പൊതുവിദ്യാഭ്യാസ വകുപ്പിനുവേണ്ടി എനർജി മാനേജ്മെന്റ് സെന്റർ കേരളയും ഇലക്ട്രിക്കൽ ഇൻസ്പെക്ടറേറ്റ് വകുപ്പും ചേർന്ന് ‘വൈദ്യുത സുരക്ഷയും ഊർജ്ജ സംരക്ഷണവും’ എന്ന വിഷയത്തിൽ സംഘടിപ്പിച്ച ശില്പശാല ഓൺലൈനായി ഉദ്ഘാടനം ചെയ്യുകയായിരുന്നു മന്ത്രി.വിദ്യാഭ്യാസ വകുപ്പ് മന്ത്രി വി ശിവൻകുട്ടി മുഖ്യാതിഥി ആയിരുന്ന ചടങ്ങിൽ വി കെ പ്രശാന്ത് എം.എൽ.എ.അധ്യക്ഷത വഹിച്ചു. ജൂലൈ 17ന് കൊല്ലം തേവരക്കരയിലെ സ്കൂളിൽ എട്ടാം ക്ലാസ്
പീടിക മൊബൈൽ ആപ്ലിക്കേഷൻ മന്ത്രി വി ശിവൻകുട്ടി പ്രകാശനം ചെയ്തു
തിരുവനന്തപുരം : കേരള ഷോപ്സ് ആൻഡ് കമേഴ്സ്യൽ എസ്റ്റാബ്ലിഷ്മെന്റസ് തൊഴിലാളി ക്ഷേമനിധി ബോർഡിന്റെ പീടിക മൊബൈൽ ആപ്ലിക്കേഷൻ തൊഴിൽ വകുപ്പ് മന്ത്രി വി ശിവൻകുട്ടി പ്രകാശനം ചെയ്തു.ബോർഡിന്റെ എല്ലാ സേവനങ്ങളേയും കോർത്തിണക്കിയാണ് മൊബൈൽ ആപ്ലിക്കേഷൻ വികസിപ്പിച്ചതെന്ന് മന്ത്രി പറഞ്ഞു.ഇതിലൂടെ അംശാദായം അടയ്ക്കുന്നതിനും അനൂകൂല്യങ്ങൾക്കുള്ള അപേക്ഷ സമർപ്പിക്കുന്നതിനും അതിവേഗം കഴിയും.തൊഴിലാളികളുടെ സമയം ലാഭിക്കാനും സർക്കാർ സേവനങ്ങൾ കൂടുതൽ സുതാര്യമാക്കുവാനും ആപ്ലിക്കേഷൻ സഹായകമാണ്. സമൂഹത്തിലെ നട്ടെല്ലായ കടകളിലെയും വാണിജ്യ സ്ഥാപനങ്ങളുടെയും തൊഴിലാളികളുടെയും ക്ഷേമം എന്ന മഹത്തായ ലക്ഷ്യത്തോടെ 2006 ൽ
