കൽപ്പറ്റ : തെരഞ്ഞെടുപ്പ് ദിവസം പ്രശ്നബാധിത പോളിങ് ബൂത്തുകളുടെ പ്രവര്ത്തനം നിരീക്ഷിക്കാനുള്ള മൈക്രോ ഒബ്സര്വര്മാരുടെ ഒന്നാംഘട്ട റാന്ഡമൈസേഷനും നടത്തി.തെരഞ്ഞെടുപ്പ് പൊതുനിരീക്ഷകന് ഡോ.ശ്രീധര് ബാബു അധാന്കിയുടെ സാന്നിധ്യത്തില് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടര് റാന്ഡമൈസേഷന് നേതൃത്വം നല്കി. റാന്ഡമൈസേഷനിലൂടെ മൂന്നു മണ്ഡലങ്ങളിലേക്കുമായി 40 ശതമാനം റിസര്വ് ഉള്പ്പെടെ 4008 ഉദ്യോസ്ഥരെ തിരഞ്ഞെടുത്തു.
ജില്ലയില് ആകെ 715 പോളിംഗ് സ്റ്റേഷനുകളാണുള്ളത്.ഇതില് പ്രിസൈഡിംഗ് ഓഫീസര്മാരായി 1002 (443 പുരുഷന്മാര്,559 സ്ത്രീകള്) പേരെയും ഫസ്റ്റ് പോളിംഗ് ഓഫീസര്മാര്മാരായി 1002 (355 പുരുഷന്മാര്,647 സ്ത്രീകള്) പേരെയും പോളിംഗ് ഓഫീസര്മാരായി 2004 (792 പുരുഷന്മാര് 1212 സ്ത്രീകള്) പേരെയും തിരഞ്ഞെടുത്തു.കളക്ട്രേറ്റില് നടന്ന ആദ്യഘട്ട റാന്ഡമൈസേഷനില് ഇലക്ഷന് ഡെപ്യൂട്ടി കലക്ടര് നിജു കുര്യന്,മാന്പവര് നോഡല് ഓഫീസര് വി.ടി ഗോളി,ട്രൈനിംഗ് നോഡല് ഓഫീസര് ടോമിച്ചന് ആന്ററണി,ഐ.ടി.നോഡല് ഓഫീസര് ജസിം ഹാഫിസ് എന്നിവര് പങ്കെടുത്തു.
