മലപ്പുറം : കോവിഡ്-19 വൈറസ് ബാധയുടെ പശ്ചാത്തലത്തില്‍ മലപ്പുറം ജില്ലയില്‍ 144 പ്രഖ്യാപിച്ചതോടെ കര്‍ശന നടപടികളുമായി ജില്ലാ കളക്ടര്‍ ജാഫര്‍ മലിക്. വിദേശങ്ങളില്‍ നിന്നെത്തി വീടുകളില്‍ നിര്‍ബന്ധിത നിരീക്ഷണത്തില്‍ കഴിയാന്‍ നിര്‍ദേശം ലഭിച്ചവര്‍ പൊതു സമ്പര്‍ക്കം പുലര്‍ത്തുന്നതു കണ്ടെത്തിയാല്‍ പോലീസ് കേസ് രജിസ്റ്റര്‍ ചെയ്യും. ഇവരുടെ പാസ്‌പോര്‍ട്ട് കണ്ടു കെട്ടുന്നതടക്കമുള്ള നടപടികള്‍ സ്വീകരിക്കും. വൈറസ് വ്യാപനം തടയാന്‍ ജനകീയ പിന്തുണയും വേണം. ആരോഗ്യ ജാഗ്രതാ നിര്‍ദേശം ലംഘിച്ച് പുറത്തിറങ്ങുന്നവരുടെ വിവരങ്ങള്‍ 1077 എന്ന നമ്പറിലേക്ക് പൊതുജനങ്ങള്‍ക്ക് വിളിച്ചറിയിക്കാം. 9383464212 എന്ന വാട്ട്‌സാപ്പ് നമ്പറിലേക്ക് ഫോട്ടോകളെടുത്തും അയക്കാം. ഇക്കാര്യത്തില്‍ ജില്ലാ ഭരണകൂടത്തെ സഹായിക്കുന്നവരെ നാടിന്റെ രക്ഷകരായി പ്രഖ്യാപിക്കുമെന്നും ജില്ലാ കലക്ടര്‍ പറഞ്ഞു. എന്നാല്‍ ഈ നമ്പറുകളിലേക്കു തെറ്റായ വിവരങ്ങള്‍ കൈമാറുന്നവര്‍ക്കെതിരേ നിയമ നടപടികളുണ്ടാവുമെന്ന് ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. പെട്രോള്‍ പമ്പുകളുടെ പ്രവര്‍ത്തന സമയവും ക്രമീകരിച്ചിട്ടുണ്ട്. സ്വകാര്യ വാഹനങ്ങള്‍ക്ക് രാവിലെ ആറു മുതല്‍ വൈകുന്നേരം ആറു വരെ മാത്രമെ പമ്പുകളില്‍ നിന്നു ഇന്ധനം ലഭിക്കൂ. മറ്റ് അവശ്യ സര്‍വ്വീസുകള്‍ക്ക് പമ്പുകളുടെ സേവനം മുഴുവന്‍ സമയവും ലഭ്യമാവും.
കൂടത്തായി പ്രതി ജോളി ജയിലില്‍ ആത്മഹത്യയ്ക്ക് ശ്രമിച്ചു
പ്രാര്‍ത്ഥനകള്‍ വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്‌മോര്‍ട്ടം പൂര്‍ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്‌നര്‍ ലോറിയുടെ ഡ്രൈവര്‍ കീഴടങ്ങി
കോവിഡ് മരണം വീണ്ടും ; ഇന്ത്യയില്‍ മരണം മൂന്നായി
