കൊച്ചി : കൊച്ചി: നിര്മ്മാതാക്കളും നടന് ഷെയ്ന് നിഗവും തമ്മിലുളള പ്രശ്നങ്ങള് പരിഹരിക്കാനുളള ശ്രമങ്ങള് വീണ്ടും അനിശ്ചിതത്വത്തിലായി. നാളെയ്ക്കകം ഉല്ലാസം സിനിമയുടെ ഡബ്ബിംഗ് പൂര്ത്തിയാക്കണമെന്ന സംഘടനയുടെ നിര്ദേശം ഷെയ്ന് തളളിയതോടെയാണ് പ്രശ്നങ്ങള് കൂടുതല് പ്രതിസന്ധിയിലായത്. സിനിമയുമായി ബന്ധപ്പെട്ട് പ്രതിഫല തര്ക്കം നിലനില്ക്കുന്നുണ്ടെന്നും കൂടുതല് പ്രതിഫലം നല്കാതെ ഡബ്ബിംഗ് പൂര്ത്തിയാക്കില്ലെന്നുമാണ് ഷെയ്ന്റെ നിലപാട്. പ്രശ്നങ്ങള് ചര്ച്ച ചെയ്ത് പരിഹരിക്കാന് ഉല്ലാസം സിനിമയുടെ ഡബ്ബിംഗ് പൂര്ത്തിയാക്കണമെന്ന നിബന്ധനയാണ് നിര്മ്മാതാക്കള് മുന്നോട്ടുവെച്ചത്. ഡബ്ബിംഗ് പൂര്ത്തിയാക്കിയില്ലെങ്കില് തുടര്ച്ചര്ച്ചകള് ഉണ്ടാകില്ലെന്നും നിര്മ്മാതാക്കളുടെ സംഘടന നേരത്തെ വ്യക്തമാക്കിയിരുന്നു. ഷെയ്ന് സഹകരിച്ചില്ലെങ്കില് മറ്റൊരാളെ വെച്ച് ഡബ്ബിംഗ് പൂര്ത്തിയാക്കാന് ഉദ്ദേശിക്കുന്നതായും അസോസിയേഷന് വ്യക്തമാക്കിയിട്ടുണ്ട്. കഴിഞ്ഞ മാസം 19 ന് ചേര്ന്ന പ്രൊഡ്യൂസേഴ്സ് അസോസിയേഷന് നിര്വ്വാഹക സമിതി യോഗത്തിലാണ് ഉല്ലാസം സിനിമയുടെ ഡബ്ബിംഗ് എത്രയും വേഗം പൂര്ത്തിയാക്കാന് ഷെയ്ന് നിഗത്തിന് നിര്ദ്ദേശം നല്കിയത്. ഈ കത്തിന് രണ്ടാഴ്ചയോളം പിന്നിട്ടിട്ടും ഷെയ്ന് മറുപടി നല്കാതിരുന്നതോടെയാണ് മൂന്ന് ദിവസത്തിനുള്ളില് പൂര്ത്തിയാക്കണമെന്ന് പ്രൊഡ്യൂസേഴ്സ് അസോസിയേഷന് ആവശ്യപ്പെട്ടത്. പ്രതിഫലത്തര്ക്കത്തില് അമ്മയും നിര്മ്മാതാക്കളുടെ സംഘടനയും തീരുമാനം എടുത്തതിന് ശേഷം മാത്രമേ ഡബ്ബിംഗ് പൂര്ത്തിയാക്കുകയുള്ളൂ എന്ന നിലപാടിലാണ് ഷെയ്ന്. ഈ മാസം ഒന്പതിന് ചേരുന്ന അമ്മ എക്സിക്യൂട്ടിവ് യോഗത്തില് വിഷയം ചര്ച്ചയാകുമെന്നും പ്രശ്നം എത്രയും വേഗം തീരുമെന്നുമാണ് പ്രതീക്ഷയെന്നും ഷെയ്ന് പറഞ്ഞു.
കൂടത്തായി പ്രതി ജോളി ജയിലില് ആത്മഹത്യയ്ക്ക് ശ്രമിച്ചു
പ്രാര്ത്ഥനകള് വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്മോര്ട്ടം പൂര്ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്നര് ലോറിയുടെ ഡ്രൈവര് കീഴടങ്ങി
കോവിഡ് മരണം വീണ്ടും ; ഇന്ത്യയില് മരണം മൂന്നായി