താനെ : താനെ: പാര്‍ട്ടി നേതൃത്വത്തിന്റെ പ്രവര്‍ത്തനത്തില്‍ ശിവസേനയിലെ 35 എംഎല്‍എമാര്‍ അസംതൃപ്തരാണെന്ന് മഹാരാഷ്ട്ര മുന്‍ മുഖ്യമന്ത്രിയും ബിജെപി എംപിയുമായ നാരായണ്‍ റാണെ. മഹാരാഷ്ട്രയില്‍ ബിജെപി തിരികെ അധികാരത്തിലെത്തുമെന്നും അദ്ദേഹം പറഞ്ഞു. ബിജെപിയ്ക്ക് 105 എംഎല്‍എമാരുണ്ട്. ശിവസേനയ്ക്ക് വെറും 56 പേര്‍ മാത്രമേയുളളൂ. അവരില്‍ 35 പേര്‍ അസംതൃപ്തരാണ്. കര്‍ഷകര്‍ക്ക് വായ്പയില്‍ ഇളവുനല്‍കുമെന്ന ശിവസേന സര്‍ക്കാരിന്റെ വാഗ്ദാനം പൊള്ളയാണെന്നും അത് എന്നുമുതല്‍ നടപ്പാക്കുമെന്ന് സര്‍ക്കാര്‍ ഇതുവരെ പ്രഖ്യാപിച്ചിട്ടില്ലെന്നും റാണെ പറഞ്ഞു. ഇത്തരത്തിലുള്ള ഒരു സര്‍ക്കാരില്‍നിന്ന് എന്തു പ്രതീക്ഷിക്കാനാണ്? എങ്ങനെയാണ് ഭരിക്കേണ്ടത് എന്നുപോലും അവര്‍ക്കറിയില്ല. സര്‍ക്കാര്‍ രൂപവത്കരിക്കാന്‍ തന്നെ അഞ്ചാഴ്ചകളാണ് അവര്‍ എടുത്തത്. അതില്‍നിന്നുതന്നെ അവരെങ്ങനെ മുന്നോട്ടുപോകുമെന്ന് ഒരാള്‍ക്ക് ഊഹിക്കാന്‍ സാധിക്കും, അദ്ദേഹം കൂട്ടിച്ചേര്‍ത്തു. ബിജെപിയും നവനിര്‍മാണ്‍ സേനയും സഖ്യത്തിലാകുന്നുവെന്ന വാര്‍ത്തയെക്കുറിച്ച് പ്രതികരിക്കാന്‍ വിസമ്മതിച്ച റാണെ ഇക്കാര്യം ബിജെപി നേതൃത്വം സംസാരിക്കുമെന്നും വ്യക്തമാക്കി.
കൂടത്തായി പ്രതി ജോളി ജയിലില്‍ ആത്മഹത്യയ്ക്ക് ശ്രമിച്ചു
പ്രാര്‍ത്ഥനകള്‍ വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്‌മോര്‍ട്ടം പൂര്‍ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്‌നര്‍ ലോറിയുടെ ഡ്രൈവര്‍ കീഴടങ്ങി
കോവിഡ് മരണം വീണ്ടും ; ഇന്ത്യയില്‍ മരണം മൂന്നായി
