• admin

  • February 10 , 2020

ചെന്നൈ :

തമിഴ് നടന്‍ വിജയിനെ വീണ്ടും ചോദ്യം ചെയ്യാന്‍ ആദായ നികുതി വകുപ്പ് ഒരുങ്ങുന്നു. മൂന്ന് ദിവസത്തിനകം ആദായ നികുതി ഓഫീസില്‍ നേരിട്ട് എത്തിച്ചേരണമെന്ന് ആവശ്യപ്പെട്ട് വിജയ്ക്ക് നോട്ടീസ് നല്‍കി. സ്വത്തുവിവരങ്ങള്‍ സൂഷ്മമായിപരിശോധിച്ചതിന്  പിന്നാലെയാണ് നോട്ടീസ് നല്‍കിയത്.

പുതിയ ചിത്രം മാസ്റ്ററിന്റെ ലൊക്കേഷനിൽ നിന്നാണ് ആദായനികുതി വകുപ്പ് ഉദ്യോഗസ്ഥർ വിജയിയെ ബുധനാഴ്ച കസ്റ്റഡിയിലെടുത്തത്. വിജയ്‌യുടെ ബിഗില്‍ എന്ന ചിത്രത്തിന്റെ നിര്‍മ്മാണ കമ്പനിയായ എജിഎസ് ഫിലിംസിന്റെ പണമിടപാടുമായി ബന്ധപ്പെട്ടാണ് താരത്തെ കസ്റ്റഡിയിൽ എടുത്തത്. 300 കോടിയിലേറെ രൂപയുടെ നികുതിവെട്ടിപ്പ് നടന്നതായി സംശയിക്കുന്നുണ്ടെന്നാണ് സംഭവത്തിൽ ആദായനികുതി അധികൃതര്‍ നൽകിയ വിശദീകരണം.