കൽപ്പറ്റ : സ്‌കൂളുകളിൽ നടപ്പാക്കുന്ന ഉച്ചഭക്ഷണ പദ്ധതിയുടെ സോഷ്യൽ ഓഡിറ്റിന്റെ ഭാഗമായി വൈത്തിരി ഉപജില്ലയിൽ പൊതുസഭ സംഘടിപ്പിച്ചു. കിലയുടെ നേതൃത്വത്തിൽ രക്ഷിതാക്കളുടെ പങ്കാളിത്തത്തോടെയാണ് സോഷ്യൽ ഓഡിറ്റ് നടത്തിയത്.പദ്ധതിയുടെ ഗുണനിലവാരം, സുതാര്യത,പോഷകാഹാര വിതരണം എന്നിവ വിലയിരുത്തുന്നതിനായാണ് ഓഡിറ്റ്.വൈത്തിരി ഉപജില്ലയിലെ അഞ്ച് സ്‌കൂളുകളിലാണ് സോഷ്യൽ ഓഡിറ്റ് പൂർത്തിയാക്കിയത്.ഓഡിറ്റർമാർ തയ്യാറാക്കിയ റിപ്പോർട്ട് പൊതുസഭയിൽ അവതരിപ്പിച്ച് വിദ്യാഭ്യാസ വകുപ്പിന് കൈമാറി.രക്ഷിതാക്കൾ, അധ്യാപകർ,തദ്ദേശസ്ഥാപന പ്രതിനിധികൾ,വിവിധ വകുപ്പ് ഉദ്യോഗസ്ഥർ തുടങ്ങിയവർ പൊതുസഭയിൽ പങ്കെടുത്തു.ജില്ലാ പഞ്ചായത്ത് വൈസ് പ്രസിഡന്റ് ടി. ഹംസ പൊതുസഭ ഉദ്ഘാടനം ചെയ്തു.
