കൽപ്പറ്റ : ചൂരൽമല-മുണ്ടക്കൈ പുനരധിവാസവുമായി ബന്ധപ്പെട്ട് ചില സന്നദ്ധ സംഘടനകൾ ചേർന്ന് കഴിഞ്ഞ ദിവസം മേപ്പാടി നെല്ലിമാളത്ത് അഞ്ചു വീടുകൾ കൈമാറിയ പദ്ധതിയുമായി കേരള മുസ്ലിം ജമാഅത്തിന് ബന്ധമില്ലെന്നും ഇതിനെ മുൻ നിർത്തി നടന്നു വരുന്ന വ്യാജപ്രചരണങ്ങളെ തള്ളിക്കളയണമെന്നും സംഘടനാനേതാക്കൾ അഭ്യർത്ഥിച്ചു. ചൂരൽമല – മുണ്ടക്കൈ പ്രദേശങ്ങളിൽ കേരള മുസ്ലിം ജമാഅത്തിൻ്റെ നേതൃത്വത്തിൽ വിപുലമായ സാന്ത്വന-ദുരിതാശ്വാസ പ്രവർത്തനങ്ങളാണ് കഴിഞ്ഞ പത്തുമാസമായി നടന്നുവരുന്നത്. ഈ പ്രദേശത്തിന്റെയും ജനങ്ങളുടെയും സമഗ്രമായ വികസനവും പുനർ നിർമാണവും ലക്ഷ്യമിട്ടുകൊണ്ടുള്ള സുസ്ഥിര ക്ഷേമ പ്രവർത്തനങ്ങളിലാണ്
Author: Rinsha
സ്ത്രീകള്ക്കും കുട്ടികള്ക്കുമായി കുറഞ്ഞ ചെലവിൽ ഹെൽത്ത് ചെക്കപ്പ് പാക്കേജുകളുമായി അങ്കമാലി അപ്പോളോ അഡ്ലക്സ് ആശുപത്രി
അങ്കമാലി : സ്ത്രീകള്ക്കും കുട്ടികള്ക്കുമായി കുറഞ്ഞ ചെലവിൽ ഹെൽത്ത് ചെക്കപ്പ് പാക്കേജുകളുമായി അങ്കമാലി അപ്പോളോ അഡ്ലക്സ് ആശുപത്രി. ഭൂരിഭാഗം സ്ത്രീകൾക്കിടയിലും പ്രധാന വെല്ലുവിളിയായ പിസിഒഡി കണ്ടുപിടിക്കുന്നതിനും പഹിഹരിക്കുന്നതിനുമായി പിസിഒഡി വെല്നസ് പാക്കേജ് ഇപ്പോൾ 65 ശതമാനം ഇളവിൽ 1999 രൂപയ്ക്കാണ് ലഭ്യമാകുക. അള്ട്രാസൗണ്ട് പെല്വിസ്, യൂറിന് പരിശോധന, തൈറോയിഡ്, എഫ്എസ്എച്ച് പരിശോധന, ല്യൂട്ടിനൈസിംഗ് ഹോർമോൺ, ഹീമോഗ്രാം, HbA1C തുടങ്ങിയ സേവനങ്ങളാണ് ഈ പാക്കേജിൽ ഉള്പ്പെടുത്തിയിരിക്കുന്നത്. കൂടാതെ സ്ത്രീകൾക്കായി 75 ശതമാനം ഇളവിൽ 1500 രൂപക്ക് രക്ത പരിശോധന,
പാത്തിക്കല്കടവ് പാലം അപ്രോച്ച് റോഡ്-പുതുക്കിയ എസ്റ്റിമേറ്റിന് ഭരണാനുമതി ലഭിച്ചു
കല്പ്പറ്റ : കോട്ടത്തറ ഗ്രാമപഞ്ചായത്ത് പാത്തിക്കല്കടവ് പാലം അപ്രോച്ച് റോഡിന് പുതുക്കിയ എസ്റ്റിമേറ്റിന് ഭരണാനുമതി ലഭിച്ചതായി കല്പ്പറ്റ നിയോജകമണ്ഡലം എം.എല്.എ അറിയിച്ചു. കോട്ടത്തറ, പടിഞ്ഞാറത്തറ ഗ്രാമപഞ്ചായത്തുകളെ ബന്ധിപ്പിക്കുന്ന പാത്തിക്കല്കടവ് പാലത്തിന്റെ അപ്രോച്ച് റോഡ് നിര്മ്മാണത്തിനുള്ള ഫണ്ട് കുറവായതിനാല് നിരവധി തവണ പൊതുമരാമത്ത് വകുപ്പ് മന്ത്രിക്ക് നിവേദനം നല്കുകയും, നേരില് കണ്ടതിന്റേയും അടിസ്ഥാനത്തിലാണ് 240 ലക്ഷം രൂപയുടെ ഭരണാനുമതി ലഭ്യമായിട്ടുള്ളത്. നേരത്തെ ചീഫ് ടെക്നിക്കല് എക്സാമിനറുടെ കാര്യാലയത്തില് നിന്നും ഉദ്യോഗസ്ഥര് സ്ഥലം സന്ദര്ശിക്കുകയും അവരുടെ നിര്ദേശ പ്രകാരം എസ്റ്റിമേറ്റില്
ജിനചന്ദ്ര ഓഡിറ്റോറിയത്തില് പ്രീ മണ്സൂണ് മീറ്റിംഗ് 25ന്
കല്പ്പറ്റ : ഹ്യൂം സെന്റര് ഫോര് ഇക്കോളജി ആന്ഡ് വൈല്ഡ് ലൈഫ് ബയോളജി 25ന് എസ്കെഎംജെ ഹയര് സെക്കന്ഡറി സ്കൂളിലെ ജിനചന്ദ്ര ഓഡിറ്റോറിയത്തില് 25ന് പ്രീ മണ്സൂണ് മീറ്റിംഗ് സംഘടിപ്പിക്കുന്നു. പഞ്ചായത്തുകളുടെയും ഉദ്യോഗസ്ഥരുടെയും ജില്ലയുടെ വിവിധ ഭാഗങ്ങളിലുള്ള ജനങ്ങളുടെയും പങ്കാളിത്തം ഉറപ്പാക്കിയാണ് പരിപാടി. രാവിലെ 10ന് തുടങ്ങും. ജില്ലയുടെ ഭൂപകൃതിയും സൂക്ഷ്മ കാലാവസ്ഥയും മറ്റിടങ്ങളെ അപേക്ഷിച്ച് വ്യത്യസ്തമാണ്. മഴക്കെടുതികള് പ്രതിരോധിക്കുന്നതിന് ഓരോ പ്രദേശത്തിനും യോജിച്ച ആസൂത്രണവും മാര്ഗങ്ങളും വേണം. മാറുന്ന കാലാവസ്ഥ, മഴയുടെ മാതൃക എന്നീ വിഷയങ്ങളില്
ദേശീയ പാതയോരത്ത് ചട്ടിയില് കഞ്ചാവ് ചെടി
മീനങ്ങാടി : കൊളഗപ്പാറ ദേശീയ പാതയോരത്ത് ചട്ടിയില് കഞ്ചാവ് ചെടി കണ്ടെത്തി. വയനാടിയ റിസോര്ട്ട് ഹോട്ടലിന്റെ ഷെഡിനോട് ചേര്ന്നുള്ള കാടുപിടിച്ച സ്ഥലത്ത് നിന്നാണ് കഞ്ചാവ് ചെടി 20.05.2025 തീയതി വൈകീട്ടോടെ കണ്ടെത്തിയത്. രഹസ്യവിവരത്തിന്റെ അടിസ്ഥാനത്തില് ഡാന്സഫ് സ്ക്വാഡും മീനങ്ങാടി പോലീസും ചേര്ന്നാണ് പരിശോധന നടത്തിയത്. ചെടിക്ക് 85 സെന്റിമീറ്റര് നീളമുണ്ട്. എഫ്.ഐ.ആര് രജിസ്ട്രര് ചെയ്ത് പോലീസ് തുടരന്വേഷണം നടത്തിവരുകയാണ്. എസ്.ഐ പി.സി. റോയി, സി.പി.ഒമാരായ ഷഹ്ഷാദ്, അല്ത്താഫ് തുടങ്ങിയവരാണ് പോലീസ് സംഘത്തിലുണ്ടായിരുന്നത്.
ചുഴലി നഴ്സറിയില് വൃക്ഷത്തൈ വിതരണം ജൂണ് ഒന്നു മുതല്
കല്പറ്റ : നഗര പരിധിയിലെ ചുഴലിയില് സാമൂഹിക വനവത്കരണ വിഭാഗത്തിനു കീഴിലുള്ള നഴ്സറിയില് കാല് ലക്ഷം വൃക്ഷത്തൈകള് വിതരണത്തിനു തയാറായി. ലോക പരിസ്ഥിതി ദിനാഘോഷത്തിന്റെ ഭാഗമായി നട്ടുവളര്ത്തുന്നതിന് ഉത്പാദിപ്പിച്ചതാണ് തൈകള്. ഇവയുടെ വിതരണം ജൂണ് ഒന്നിന് ആരംഭിക്കുമെന്ന് സോഷ്യല് ഫോറസ്ട്രി അസിസ്റ്റന്റ് കണ്സര്വേറ്റര് ഓഫ് ഫോറസ്റ്റ്, എം.ടി.ഹരിലാല്, റേഞ്ച് ഫോറസ്റ്റ് ഓഫീസര് പി.സുനില് എന്നിവര് അറിയിച്ചു. നാരകം-1,296, ഞാവല്-1,728, പേര-1,008, സീതപ്പഴം-1,449, കണിക്കൊന്ന-960, മണിമരുത്-3,456, എലഞ്ഞി-2,794, കുന്നിവാക-1,349, നീര്മരുത്-3,446, പ്ലാവ്-432, താന്നി-816, ഉങ്ങ്-1,466, അഗസ്ത്യച്ചീര-2,304, ആര്യവേപ്പ്-1,056, ചന്ദനം-1,152,
പൊതുദർശനവും മൃതസംസ്കാര ശുശ്രൂഷയും
മാനന്തവാടി : Fr അനൂപ് കൊല്ലംകുന്നേൽ മൃതശരീരം അച്ചന്റെ സ്വന്തം ഇടവകയായ കുന്നലാടി പള്ളിയിൽ 21/05/25 ന് ഉച്ചകഴിഞ്ഞ് 3:30 മുതൽ പൊതുദർശനത്തിന് വയ്ക്കുന്നതായിരിക്കും തുടർന്ന് അച്ചൻ അവസാനമായി സേവനമനുഷ്ടിച്ച കല്ലുമുക്ക് ഇടവകയിലേക്ക് കൊണ്ടുവരികയും അവിടെ പൊതുദർശനത്തിന് അവസരമുണ്ടായിരിക്കുകയും ചെയ്യുന്നതാണ്. തുടർന്ന് രാത്രിയോടെ ദ്വാരക പാസ്റ്റൽ സെന്ററിലേക്ക് കൊണ്ടുവരികയും മൃതസംസ്കാര ശുശ്രൂഷയുടെ ഒന്നാം ഭാഗം പാസ്റ്ററൽ സെന്റർ ചാപ്പലിൽ വച്ച് നടത്തുകയും ചെയ്യുന്നതാണ്. നാളെ (22/05/2025) രാവിലെ 7 മണിക്ക് അച്ചന് വേണ്ടി വി. ബലി അർപ്പിക്കുകയും
മരക്കടവിൽ പുലിയിറങ്ങി
പുൽപ്പള്ളി : മുള്ളൻകൊല്ലി പഞ്ചായത്തിലെ മരക്കടവ്-കബനിഗിരി പ്രദേശങ്ങളിൽ കഴിഞ്ഞ രാത്രി പുലിയിറങ്ങി. പള്ളിപ്പുറത്ത് സ്റ്റീഫന്റെ പട്ടിയെ പിടിച്ചു. പള്ളിപ്പുറത്ത് ജോയിയുടെ വീട്ടിലെ സിസി ടിവിയിൽ നിന്നും പുലിയുടെ ദൃശ്യങ്ങൾ പതിഞ്ഞിട്ടുണ്ട്.വനം വകുപ്പ് എത്തി ക്യാമറ സ്ഥാപിച്ചു.
ഉരുള്പൊട്ടലില് മരണപ്പെട്ടവര്ക്ക് നിത്യസ്മാരകം വേണം:ടി.സിദ്ധിഖ് എം.എല്.എ
കല്പ്പറ്റ : ചൂരല്മല, മുണ്ടകൈ ഉരുള്പൊട്ടലില് മരണപ്പെട്ടവര്ക്ക് നിത്യസ്മാരകവും പുത്തുമലയിലുള്ള ശ്മശാനത്തിന് ഗേറ്റും, ചുറ്റുമതിലും, റോഡും നിര്മ്മിക്കണമെന്ന് ആവശ്യപ്പെട്ട് കൊണ്ട് കല്പ്പറ്റ നിയോജകമണ്ഡലം എം.എല്.എ അഡ്വ.ടി.സിദ്ധിഖ് മുഖ്യമന്ത്രി പിണറായി വിജയന്, റവന്യു വകുപ്പ് മന്ത്രി കെ.രാജന്, വയനാട് ജില്ലാ കളക്ടര് ശ്രീമതി. മേഘശ്രീ ഡി.ആര്, ഐ.എ.എസ് എന്നിവര്ക്ക് കത്ത് നല്കി. ഉരുള്പൊട്ടലില് പുഞ്ചിരിമട്ടവും, ചൂരല്മലയും, മുണ്ടകൈയും നാമാവശേഷമായിരിക്കുകയാണ്. പിഞ്ചുപൈതങ്ങളെയും, മാതാപിതാക്കളെയും, സഹോദരങ്ങളെയും, ജീവിത പങ്കാളികളെയും നഷ്ടമായവര് നിരവധിയാണ്. ദുരന്തത്തില് മരണപ്പെട്ടയാളുകളുടെ മൃതദേഹം പുത്തുമലയിലെ ശ്മശാനത്തിലാണ് സംസ്കരിച്ചിട്ടുള്ളത്. ദുരന്തബാധിതരില്
സംസ്ഥാനദുരന്ത നിവാരണ അതോറിറ്റിയിൽ നിന്നുള്ള അറിയിപ്പ്
തിരുവനന്തപുരം : കേന്ദ്ര കാലാവസ്ഥ വകുപ്പ് കോഴിക്കോട്, വയനാട്, കണ്ണൂർ, കാസറഗോഡ് എന്നീ ജില്ലകളിൽ റെഡ് അലേർട്ട് പ്രഖ്യപിച്ചിരിക്കുകയാണ്.*ഒറ്റപ്പെട്ടയിടങ്ങളിൽ അതിതീവ്രമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 204.4 mm യിൽ കൂടുതൽ മഴ ലഭിക്കുമെന്നാണ് അതിതീവ്രമായ മഴ (Extremely Heavy Rainfall) എന്നത് കൊണ്ട് കാലാവസ്ഥ വകുപ്പ് അർത്ഥമാക്കുന്നത്. ആയതിനാൽ *ഇന്ന് (20.05.2025) വെകുന്നേരം 5 മണിക്ക് മേല്പറഞ്ഞ ജില്ലകളിൽ മുന്നറിയിപ്പിന്റെ ഭാഗമായി ജില്ലയിലെ കവചം മുന്നറിയിപ്പ് സംവിധാനത്തിന്റെ ഭാഗമായുള്ള സൈറണുകൾ മുഴങ്ങുന്നതായിരിക്കും.* KSDMA, 20.05.2025,
എം.ഡി.എം.എയും കഞ്ചാവുമായി യുവാവ് പിടിയില്
ബത്തേരി : മാരക മയക്കുമരുന്നായ എം.ഡി.എം.എയായും കഞ്ചാവുമായും യുവാവ് പിടിയില്.മലപ്പുറം,ആനക്കയം, ചോഴിയേങ്കല്തോട്ടത്തില് വീട്ടില് സുരേഷ്കുമാര്(30)നെയാണ് ബത്തേരി പോലീസും ലഹരി വിരുദ്ധ സ്ക്വാഡും പിടികൂടിയത്.19.05.2025 തീയതി വൈകീട്ടോടെ മുത്തങ്ങ ചെക്ക്പോസ്റ്റില് നടത്തിയ വാഹന പരിശോധനക്കിടെയാണ് ഇവര് പിടിയിലാകുന്നത്്. ഗുണ്ടല്പേട്ട ഭാഗത്ത് നിന്ന് ബത്തേരി ഭാഗത്തേക്ക് വന്ന കെ.എല് 44 എഫ്. 7111 കാറില് യാത്ര ചെയ്യുകയായിരുന്ന ഇയാളുടെ പാന്റിന്റെ പോക്കറ്റില് നിന്നാണ് മയക്കുമരുന്ന് കണ്ടെടുത്തത്. രണ്ട് കവറുകളിലായി 0.08 ഗ്രാം എം.ഡി.എം.എയും 16.5 ഗ്രാം കഞ്ചാവുമാണ് കണ്ടെടുത്തത്.എസ്.ഐമാരായ സോബിന്,
പ്ലസ് വണ് പ്രവേശനം:ഓണ്ലൈന് അപേക്ഷ ഇന്ന് വൈകുന്നേരം അഞ്ചുമണി വരെ
തിരുവനന്തപുരം : കേരളത്തിലെ ഹയര് സെക്കന്ഡറി സ്കൂളുകളിലെ പ്ലസ് വണ് 2025-26 പ്രവേശനത്തിന് ഇന്ന് (മെയ് 20) വൈകുന്നേരം അഞ്ചുമണി വരെ ഓണ്ലൈനായി അപേക്ഷിക്കാം. മോഡല് റെസിഡന്ഷ്യല് സ്കൂളുകളിലേയ്ക്കുള്ള ഓണ്ലൈന് അപേക്ഷാ സമര്പ്പണവും ഇന്ന് വൈകുന്നേരം അഞ്ചു മണി വരെയാണ്. അപേക്ഷകള് പരിഗണിച്ചു കൊണ്ടുള്ള ട്രയല് അലോട്ട്മെന്റ് മെയ് 24ന് വൈകുന്നരം നാലു മണിക്ക് പ്രസിദ്ധികരിക്കും. പൊതുവിദ്യാഭ്യാസ വകുപ്പിന്റെ ഹയര്സെക്കന്ഡറി പ്രവേശന വെബ്സൈറ്റായ https;//hscap.kerala.gov.in/ ലെ CREATE CANDIDATE LOGIN – SWS ലിങ്കിലൂടെ വിദ്യാര്ഥികള്ക്ക് കാന്ഡിഡേറ്റ്
റിസോർട്ടിലെ അപകടമരണം:അന്വേഷണത്തിന് മനുഷ്യാവകാശ കമ്മീഷൻ ഉത്തരവിട്ടു
വയനാട് : 900 കണ്ടിയിലെ റിസോർട്ടിൽ താത്കാലികമായി നിർമ്മിച്ച ഷെൽട്ടർ തകർന്നു വീണ് യുവതി മരിച്ച സംഭവത്തിൽ മനുഷ്യാവകാശ കമ്മീഷൻ ജുഡീഷ്യൽ അംഗം കെ. ബൈജുനാഥ് കേസെടുത്ത് അന്വേഷണത്തിന് ഉത്തരവിട്ടു.ജില്ലാ കളക്ടറും ജില്ലാ പോലീസ് മേധാവിയും സംഭവത്തെക്കുറിച്ച് അന്വേഷിച്ച് 15 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മീഷൻ ആവശ്യപ്പെട്ടു. അടുത്ത മാസം സുൽത്താൻ ബത്തേരിയിൽ നടക്കുന്ന സിറ്റിംഗിൽ കേസ് പരിഗണിക്കും. ഉറക്കത്തിനിടെയാണ് അപകടമുണ്ടായത്.റിസോർട്ട് അടച്ചിടാൻ പോലീസ് നിർദ്ദേശം നൽകിയതായി പറയുന്നു. റിസോർട്ടിന് അനുമതിയില്ലെന്നും പഞ്ചായത്ത് പറയുന്നു.വയ്ക്കോൽ മേഞ്ഞ ടെന്റിലാണ്
ഡോ:മൂപ്പൻസ്ന നഴ്സിംഗ് കോളേജിൽ ബിരുദദാനം
മേപ്പാടി : ഡോ.മൂപ്പൻസ് അക്കാദമിയുടെ കീഴിൽ പ്രവർത്തിച്ചു വരുന്ന ഡോ. മൂപ്പൻസ് നഴ്സിംഗ് കോളേജിലെ ഏഴാം ബാച്ച് ബി എസ് സി നഴ്സിംഗ് വിദ്യാർത്ഥികളുടെ ബിരുദദാനം നടന്നു. കോളേജ് ക്യാമ്പസിൽ വെച്ച് നടന്ന ചടങ്ങ് ചൈൽഡ് ഹെൽത്ത് നഴ്സിംഗ് പ്രൊഫസറും മണിപ്പാൽ കോളേജ് ഓഫ് നഴ്സിംഗിന്റെ മുൻ ഡീനുമായ ഡോ. ആനിസ് ജോർജ് ഭദ്രദീപം കൊളുത്തി ഉദ്ഘാടനം നിർവ്വഹിച്ചു. ചടങ്ങിൽ ഡോ. മൂപ്പൻസ് മെഡിക്കൽ കോളേജ് ഡീൻ ഡോ. എ പി കാമത്, ഡോ.മൂപ്പൻസ് നഴ്സിംഗ് കോളേജ്
വയനാട് ലക്കിടിയിൽ കാറിന് തീ പിടിച്ചു
കൽപ്പറ്റ : വയനാട് ലക്കിടിയിൽ കാറിന് തീ പിടിച്ചു. വേങ്ങര സ്വദേശി മൻസൂർ എന്നയാളുടെ KL 65 E 2500 നമ്പർ നിസാൻ ടെറാനോ കാറിനാണ് തീ പിടിച്ചത് ഇദ്ദേഹവും കുടുബവും മൈസൂരിൽ പോയി തിരികെ വരികയായിരുന്നു ഭാര്യയും മൂന്ന് കുട്ടികളുമാണ് കൂടെയുണ്ടായിരുന്നത് ലക്കിടിയിൽ കാർ നിർത്തി ചായ കുടിക്കാൻ പോയ സമയത്താണ് കാറിൽ നിന്നും തീ കണ്ടത് കാർ പൂർണ്ണമായും കത്തി നശിച്ചു.ഫയർഫോഴ് എത്തിയാണ് തീയണച്ചത്. ഇന്ന് പുലർച്ചെയാണ് സംഭവം.
ഏഷ്യൻ മെഡൽ ജേതാക്കൾക്ക് ആവേശോജ്വല സ്വീകരണം നൽകി വയനാട്
കൽപ്പറ്റ : മെയ് 3 മുതൽ 10 വരെ ഡൽഹി യിൽ ലീല അംബിയൻസ് ഹോട്ടലിൽ വച്ച് നടന്ന ഇരുപത്തി മൂന്നാമത് ഏഷ്യൻ പഞ്ചഗുസ്തി ചാമ്പ്യൻഷിപ്പിൽ രണ്ട് സ്വർണ്ണവും , മൂന്ന് വെള്ളിയും മൂന്ന് വെങ്കലവുമടക്കം 8 അന്തർ ദേശീയ മെഡലുകൾ രാജ്യത്തിന് വേണ്ടി നേടി വയനാടിന് ചരിത്ര നേട്ടം സമ്മാനിച്ച പഞ്ചഗുസ്തി താരങ്ങളെ ജില്ലാ പഞ്ചഗുസ്തി അസ്സോസിയേഷന്റെ നേതൃത്വത്തിൽ അനുമോദിച്ചു . 50 കിലോ സബ് ജൂനിയർ പെൺ കുട്ടികളുടെ വിഭാഗത്തിൽ സ്വർണ്ണവും വെങ്കലവും നേടിയ
വെള്ളമുണ്ട സ്മാർട്ട് വില്ലേജ്ഓഫീസിന് ഘടികാരവും പുസ്തകങ്ങളും നൽകി
വെള്ളമുണ്ട : വെള്ളമുണ്ട സ്മാർട്ട് വില്ലേജ് ഓഫീസിൽ പൊതു ജനങ്ങൾക്കായി ക്രമീകരിച്ച സന്ദർശക മുറിയിലേക്ക് ആവശ്യമായ ഘടികാരവും വായനക്കുള്ള പുസ്തകങ്ങളും ജില്ലാ പഞ്ചായത്ത് വെള്ളമുണ്ട ഡിവിഷന്റെ ആഭിമുഖ്യത്തിൽ നൽകി.വില്ലേജ് ജനകീയ സമിതി യോഗത്തിൽ നടന്ന ചടങ്ങിൽ വയനാട് ജില്ലാപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി,വില്ലേജ് ഓഫീസർ ദിനേശ് എം.പിക്ക് കൈമാറി. ജനകീയസമിതി അംഗങ്ങളായ മോയി ആറങ്ങാടൻ, നിസാർ കെ.കെ,പുത്തൂർ ഉമ്മർ സ്റ്റാഫ് അംഗങ്ങളായ അമൽ എം,കേളു എ.കെ തുടങ്ങിയവർ സംബന്ധിച്ചു.
കാട്ടുപന്നിയുടെ ആക്രമണത്തിൽ തൊഴിലുറപ്പ് തൊഴിലാളിയായ വീട്ടമ്മക്ക് പരിക്കേറ്റു
പനമരം : നടവയൽ ആലുമൂല കൂവളത്തുംകാട്ടിൽ സരിത (37) ക്കാണ് പരിക്കേറ്റത്.ഇന്ന് രാവിലെ ആലുമൂല ചെക്ക് ഡാമിന് സമീപമുള്ള തോടിലെ കാട് വെട്ടുന്നതിനിടെയാണ് ആക്രമണം ഉണ്ടായത്. പരിക്കേറ്റ ഇവരെ കേണിച്ചിറ ഗവ:ആശുപത്രിയിലും തുടർന്ന് സുൽത്താൻ ബത്തേരി താലൂക്ക് ആശുപത്രിയിലും പ്രവേശിപ്പിച്ചു.
ആന്തരിക അവയവങ്ങള്ക്ക് മാത്രം പരിക്ക്, ഒപ്പമുള്ളവര്ക്ക് പോറല്പോലുമില്ല;യുവതിയുടെ മരണത്തില് ദുരൂഹതയെന്ന് കുടുംബം
കല്പ്പറ്റ : വയനാട് 900 കണ്ടിയിലെ എമറാള്ഡ് വെഞ്ചേഴ്സ് റിസോര്ട്ടില് ഷെഡ് തകര്ന്ന് വീണ് വിനോദ സഞ്ചാരിയായ യുവതി മരിച്ച സംഭവത്തില് ദുരൂഹത ആരോപിച്ച് കുടുംബം. ഹട്ട് തകര്ന്ന് വീണിട്ടും അപകടത്തില് പരിക്കേറ്റത് മരിച്ച നിഷ്മക്ക് മാത്രമാണെന്ന് കുടുംബം ആരോപിച്ചു. കൂടെ ഉണ്ടായിരുന്ന 16 പേരില് ഒരാള്ക്കും ഒരു പോറല് പോലും ഏറ്റിട്ടില്ലെന്നും കുടുംബം ആരോപിക്കുന്നു. പ്രത്യേക സംഘത്തെ വെച്ച് അന്വേഷണം നടത്തണമെന്ന് നിഷ്മയുടെ മാതാവ് റിപ്പോര്ട്ടറിലൂടെ ആനശ ഹട്ട് തകര്ന്ന് വീണിട്ടും നിഷ്മയുടെ ശരീരത്തില് ബാഹ്യ
എസ്.കെ.എസ്.എസ്.എഫ് കരിയർ ഫെസ്റ്റ്
മാനന്തവാടി : വയനാട് ജില്ല എസ്.കെ.എസ്.എസ്.എഫ് TREND കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന വിദ്യാർത്ഥികൾക്കുള്ള കരിയർ ഫെസ്റ്റ് മെയ് 17 ശനിയാഴ്ച രാവിലെ 10 മണി മുതൽ മാനന്തവാടി ടൗൺ മദ്രസയിൽ നടക്കും. ജനറൽ കരിയർ, വിദേശ പഠനവും സാധ്യതകളും ,ഷോർട്ട് ടൈം കോഴ്സുകൾ & ആപ്റ്റിറ്റ്യൂഡ് ടെസ്റ്റ് തുടങ്ങിയ വിവിധ സെഷനുകളിൽ ക്ലാസുകൾ നടക്കും. അഡ്വ: അംജദ് ഫൈസി, ജെറീഷ് മാസ്റ്റർ, അജ്മൽ മാസ്റ്റർ, ലത്തീഫ് ദാരിമി തുടങ്ങിയവർ ക്ലാസിന് നേതൃത്വം നൽകും.
ചികിത്സാ രംഗത്ത് കൈകോർത്ത് വയനാട് ജില്ല പോലീസും ഡോ. മൂപ്പൻസ് മെഡിക്കൽ കോളേജും
മേപ്പാടി : വയനാട് ജില്ലയിലെ പോലീസ് ഉദ്യോഗസ്ഥർക്കും അവരുടെ കുടുംബാംഗങ്ങൾക്കുമായി കുറഞ്ഞ നിരക്കിലുള്ള ആരോഗ്യ പരിശോധനാ ക്യാമ്പും സ്പെഷ്യൽ പ്രിവിലേജ് കാർഡ് വിതരണവും സംഘടിപ്പിച്ച് ഡോ. മൂപ്പൻസ് മെഡിക്കൽ കോളേജ്. കോളേജ് കാമ്പസിൽ വെച്ച് നടന്ന ചടങ്ങിൽ പ്രിവിലേജ് കാർഡ് വിതരണോദ്ഘാടനം വയനാട് ജില്ലാ പോലീസ് മേധാവി ശ്രീ. തപോഷ് ബസുമതാരി ഐ.പി.എസിന് നൽകികൊണ്ട് ഡോ. മൂപ്പൻസ് മെഡിക്കൽ കോളേജ് എക്സിക്യൂട്ടീവ് ട്രസ്റ്റി യു. ബഷീർ നിർവഹിച്ചു. സുൽത്താൻ ബത്തേരി ഡി വൈ എസ് പി കെ
സി.പി.ഐ എം വയനാട് മാർച്ച് മെയ് 18 മുതൽ 27 വരെ
കൽപ്പറ്റ : ജില്ലയുടെ വികസന ആവശ്യമുയർത്തിയും കേന്ദ്രാവഗണനക്കെതിരെയും സിപിഐ എം ജില്ലാ കമ്മിറ്റി മെയ് 18 മുതൽ 27 വരെ കാൽനടയായി ‘വയനാട് മാർച്ച്’ നടത്തും. ജില്ലാ സെക്രട്ടറി കെ റഫീഖ് ക്യാപ്റ്റനും ബീനാ വിജയൻ വൈസ് ക്യാപ്റ്റനും പി കെ സുരേഷ് മാനേജറുമായ മാർച്ച് 18ന് വൈകിട്ട് നാലിന് കാട്ടിക്കുളത്ത് സംസ്ഥാന സെക്രട്ടറി എം വി ഗോവിന്ദൻ ഉദ്ഘാടനം ചെയ്യും. പത്തുദിവസം നീളുന്ന കാൽനട ജാഥയിലൂടെ ജില്ലയുടെ നീറുന്ന പ്രശ്നങ്ങൾ അധികൃതരുടെ മുമ്പിലെത്തിക്കും. എട്ട് ഏരിയകളിൽ
പ്രിയങ്ക ഗാന്ധിയുടെ ഇടപെടൽ ഫലം കണ്ടു കോട്ടയം:നിലമ്പൂർ-കോട്ടയം എക്സ്പ്രസ് അധിക കോച്ചുകൾ അനുവദിച്ചു
മുക്കം : കോട്ടയം-നിലമ്പൂർ ട്രെയിനിന് രണ്ട് അധിക കോച്ചുകൾ കൂടി അനുവദിച്ചു കൊണ്ട് ദക്ഷിണ റെയിൽവേ ഉത്തരവായി.ഈ മാസം 22ന് ഇത് പ്രാബല്യത്തിൽ വരും. കഴിഞ്ഞ ദിവസം പ്രിയങ്ക ഗാന്ധി എം.പി വണ്ടൂരിൽ വിളിച്ച് ചേർത്ത റെയിൽവേ ഉന്നത ഉദ്യോഗസ്ഥരുടെ യോഗത്തിൽ അവർ മുന്നോട്ട് വച്ച പ്രധാനപ്പെട്ട ആവശ്യമായിരുന്നു ഇത്. ഇതോടെ യാത്രക്കാരുടെ ദീർഘകാലത്തെ ആവശ്യമാണ് ഭാഗികമായെങ്കിലും പരിഹരിക്കപ്പെടുന്നത്.12 കോച്ചുകളുണ്ടായിരുന്ന ഈ ട്രെയിൻ ഇനി മുതൽ ഒരു ജനറൽ കോച്ചും ഒരു നോൺ എ.സി.ചെയർ കാറും കൂട്ടി
ചുരത്തിലെ ഗതാഗത കുരുക്ക്:മണിക്കൂറുകളോളം ജലപാനമില്ലാതെ ജനങ്ങൾ യാത്രാക്ലേശത്തിൽ
കൽപ്പറ്റ : അടിസ്ഥാന യാത്ര സൗകര്യങ്ങളുടെ കാര്യത്തിൽ ഏറെ പിന്നിൽ നിൽക്കുന്ന ജില്ലയായ വയനാട്, ഗതാഗത സൗകര്യങ്ങളില്ലാതെ വീർപ്പ്മുട്ടുകയാണ്. ചുരത്തിലെ ഗതാഗത തടസ്സം മൂലം കോഴിക്കോട് മെഡിക്കൽ കോളേജിലേക്കും മറ്റ് ആധുനിക സൗകര്യങ്ങളുള്ള ആശുപത്രികളിലേക്കും കൊണ്ട് പോകുന്ന അത്യാസന്ന നിലയിലുള്ള രോഗികൾക്ക് തുടർച്ചയായി ജീവൻ നഷ്ടപ്പെട്ടിട്ട് പോലും അധികൃതർ അനങ്ങാപ്പാറ നയം തുടരുകയാണ്. മൂന്ന് ഭാഗങ്ങളിലും മലനിരകളാൽ ചുറ്റപ്പെട്ട് കിടക്കുന്നതിനാൽ ഇടുങ്ങിയ ചുരം റോഡിൽ താങ്ങാവുന്നതിനേക്കാൾ പതിന്മടങ്ങ് വാഹനങ്ങളാണ് ദിനംപ്രതി കടന്നുപോകുന്നത്. എ.കെ. ആâണി മുഖ്യമന്ത്രിയായിരുന്ന കാലത്തും
കാട്ടുപോത്തിന്റെ ആക്രമണത്തിൽ ഒരാൾക്ക് പരിക്ക്
ബത്തേരി : കാട്ട്പോത്തിന്റെ ആക്രമണത്തിൽ വീട്ടമ്മയ്ക്ക് പരിക്ക്. പാമ്പ്ര ഓർക്കടവ് പുനത്തിൽ പ്രേമകുമാരി (54) ആണ് പരിക്കേറ്റത് പുൽപ്പള്ളിയിൽ ജോലി കഴിഞ്ഞ് പാമ്പ്ര എസ്റ്റേറ്റ് വഴി വീട്ടിലേക്ക് പോകുമ്പോഴാണ് കാട്ട് പോത്തിന്റെ ആക്രമണം ഉണ്ടായത്. കഴുത്തിന് പരിക്കേറ്റ പ്രേമയെ ആദ്യം സുൽത്താൻ ബത്തേരിയിലെ സ്വകാര്യ ആശുപത്രിയിലും പിന്നിട് കോഴിക്കോട് സ്വകാര്യ മെഡിക്കൽ കോളജ് ആശുപത്രിയിലേക്കും മാറ്റി.
മാറ്റത്തിനൊപ്പം സഞ്ചരിക്കാന് യൂത്ത് സിനഡ്
ദ്വാരക : യുവജനങ്ങള് ലക്ഷ്യത്തിലൂന്നി ഒരുമിച്ച് നടക്കണമെന്ന് മാനന്തവാടി രൂപതാധ്യക്ഷന് മാര് ജോസ് പൊരുന്നേടം പറഞ്ഞു. മാറ്റങ്ങളെ കുറിച്ച് ചിന്തിക്കാനും നടപ്പാക്കാനും സാധിക്കണമെന്നും അദ്ദേഹം അഭിപ്രായപ്പെട്ടു. മാനന്തവാടി രൂപതാ കെ.സി.വൈ.എം. സംഘടിപ്പിക്കുന്ന യൂത്ത് സിനഡ് 2025 ഉദ്ഘാടനം ചെയ്യുകയായിരുന്നു അദ്ദേഹം. യുവജനമുന്നേറ്റം ലക്ഷ്യമാക്കി രൂപതയുടെ ചരിത്രത്തിലാദ്യമായാണ് ഇത്തരമൊരു സിനഡ് സംഘടിപ്പിക്കുന്നത്.യുവാവായ ക്രിസ്തുവിനെ മാതൃകയാക്കി ഏവരും മാറ്റത്തിന്റെ ശബ്ദമായി ഉയരണമെന്ന് മുഖ്യപ്രഭാഷണം നടത്തിയ കെ.സി.വൈ.എം.സംസ്ഥാന പ്രസിഡന്റ് എബിന് കണിവയലില് ആഹ്വാനം ചെയ്തു. മാനന്തവാടി രൂപതയിലെ എല്ലാ ഇടവകകളില് നിന്നുമായി
കെട്ടിട നിർമ്മാണ തൊഴിലാളി സെസ് പിരിവ്, പഞ്ചായത്തുകളെ ഒഴിവാക്കണം:കേരള ഗ്രാമപഞ്ചായത്ത് അസോസിയേഷൻ
കൽപ്പറ്റ : കെട്ടിട നിർമ്മാണ തൊഴിലാളി സെസ് പിരിച്ചെടുക്കുവാൻ ഗ്രാമപഞ്ചായത്തുകളെ ചുമതലപ്പെടുത്തിയ നടപടി അടിയന്തിരമായി പിൻവലിക്കണമെന്നും പ്രാദേശിക സർക്കാർ എന്ന നിലയിൽ ഭാരിച്ച ഉത്തരവാദിത്വങ്ങളും ചുമതലകളും നിർവ്വഹിക്കാനുണ്ടെന്നിരിക്കെ ഇതര വകുപ്പുകൾ ചെയ്യേണ്ട ജോലികൾ അടിച്ചേൽപ്പിക്കുന്ന നടപടികൾ അവസാനിപ്പിക്കണമെന്നും കേരള ഗ്രാമപഞ്ചായത്ത് അസോസിയേഷൻ വയനാട് ജില്ല ജനറൽബോഡി യോഗം ആവശ്യപ്പെട്ടു. തൊഴിൽ വകുപ്പ് നേരിട്ട് കൈകാര്യം ചെയ്തിരുന്ന സെസ് പിരിവ് ഇടക്കാലത്താണ് യാതൊരു വിധ കൂടിയാലോചനയും കൂടാതെ ഗ്രാമപഞ്ചായത്തുകളുടെ ചുമതലയിലേക്ക് മാറ്റിയത്. ഇത് ഗ്രാമപഞ്ചായത്തുകളുടെ പ്രവർത്തനങ്ങളിൽ വലിയ പ്രതിസന്ധി
വനത്തിനുള്ളില് കാണാതായ വയോധികയെ കണ്ടെത്തി
മാനന്തവാടി : മാനന്തവാടി പിലാക്കാവ്, മണിയന്കുന്ന് ,ഊന്ന് കല്ലിങ്കല് ലീല (77) നെയാണ് മണിയന് കുന്ന് മലയില് വനമേഖലയില് നിന്നും ആര്ആര്ടിസംഘം കണ്ടെത്തിയത്.തിങ്കളാഴ്ച വൈകീട്ട് 3.30 മുതലാണ് മാനസിക അസ്വാസ്ഥ്യമുള്ള ഇവരെ കാണാതായത്. തുടര്ന്ന് നടത്തിയ തിരച്ചിലില് സമീപത്തെ വനമേഖലയില് വനം വകുപ്പ് സ്ഥാപിച്ച ക്യാമറയില് ഇവരുടെ ചിത്രം പതിഞ്ഞതായി കണ്ടെത്തിയിരുന്നു
സമഗ്ര ശുചീകരണവുമായി തരിയോട് ഗ്രാമപഞ്ചായത്ത്
കാവുംമന്ദം : മഴക്കാലത്തിനു മുന്നോടിയായി തരിയോട് ഗ്രാമപഞ്ചായത്തിന്റെ ആഭിമുഖ്യത്തിൽ മുഴുവൻ വാർഡുകളിലും സമഗ്ര ശുചീകരണ പരിപാടി സംഘടിപ്പിച്ചു. പരിപാടിയുടെ പഞ്ചായത്ത് തല ഉദ്ഘാടനം കാവുംമന്ദം ടൗണിൽ ഗ്രാമപഞ്ചായത്ത് പ്രസിഡൻറ് ഷമീം പാറക്കണ്ടി നിർവഹിച്ചു. വൈസ് പ്രസിഡണ്ട് പുഷ്പ മനോജ് അധ്യക്ഷത വഹിച്ചു. നാടിൻറെ ഹരിതഭംഗി നിലനിർത്തുന്നതിനും മൺസൂൺ കാലത്ത് പിടിപെടാൻ സാധ്യതയുള്ള പകർച്ചവ്യാധികൾ തടയുന്നതിനും ലക്ഷ്യമിട്ടുകൊണ്ടാണ് മുഴുവൻ വാർഡുകളിലുമായി മഴക്കാലപൂർവ്വ ശുചീകരണ പരിപാടി വിപുലമായി സംഘടിപ്പിച്ചത്. ഗ്രാമപഞ്ചായത്ത് സ്ഥിരം സമിതി അധ്യക്ഷരായ ഷീജ ആൻറണി, രാധ പുലിക്കോട്,
മാനന്തവാടിയില് വൃദ്ധയെ കാട്ടില് കാണാതായി ; തെരച്ചില് നടത്തി വനംവകുപ്പും പോലീസും നാട്ടുകാരും.
മാനന്തവാടി : മാനന്തവാടിയില് കാടിനോട് ചേര്ന്ന പ്രദേശത്ത് വയോധികയെ കാണ്മാനില്ല. പിലാക്കാവ് മണിയന്കുന്ന് ഊന്നുകല്ലില് ലീലയെന്ന 72 കാരിയെയാണ് കാണാതായത്. ഇവര്ക്ക് വേണ്ടി പോലീസും തണ്ടര്ബോള്ട്ടും രണ്ടുദിവസമായി കാട്ടില് തെരച്ചിലിലാണ്. ഞായറാഴ്ച വൈകിട്ടാണ് മാനന്തവാടിയിലെ വനത്തിന് സമീപമുള്ള വീട്ടില് നിന്നും ലീലയെ കാണാതായത്. ലീല വനത്തിനുള്ളില്േക്ക് പോകുന്ന ദൃശ്യങ്ങള് വനംവകുപ്പിന്റെ ക്യാമറയില് പതിഞ്ഞിട്ടുണ്ട്. തിങ്കളാഴ്ച വൈകിട്ട് നാലുമണിയോട് കൂടി വനത്തിലൂടെ പോകുന്ന ദൃശ്യങ്ങളാണ് ലഭിച്ചത്. ദൃശ്യങ്ങളില് ലീലയെ കണ്ട മേഖല കേന്ദ്രീകരിച്ചുള്ള അന്വേഷണമാണ് നടക്കുന്നത്. ഞായറാഴ്ച ലീലയെ
