തിരുവനന്തപുരം : സംസ്ഥാനത്ത് ആറു പേര്ക്കു കൂടി കോവിഡ്-19 സ്ഥിരീകരിച്ചു. രോഗം സ്ഥിരീകരിച്ച ആറുപേരും കണ്ണൂര് സ്വദേശികളാണ്. ഇവരില് അഞ്ചുപേരും വിദേശത്തു നിന്നു വന്നവരാണ്. ഒരാള്ക്ക് സമ്പര്ക്കം മൂലമാണ് രോഗം ബാധിച്ചത്. 21 പേര്ക്ക് ഇന്ന് പരിശോധനാഫലം നെഗറ്റീവായി. കാസര്കോട് 19 പേര്ക്കും ആലപ്പുഴയില് രണ്ടുപേര്ക്കുമാണ് ഫലം നെഗറ്റീവായത്. 408 പേര്ക്കാണ് ആകെ രോഗം സ്ഥിരീകരിച്ചത്. ഇതില് 114 പേര് ചികിത്സയിലാണ്. സംസ്ഥാനത്ത് ആകെ നിരീക്ഷണത്തിലുള്ളത് 46,323 പേരാണ്. 45,925 പേര് വീടുകളിലാണ് നിരീക്ഷണത്തിലുള്ളത്. 398 പേര് ആശുപത്രികളിലാണുള്ളത്. ഇന്ന് 62 പേരെ ആശുപത്രിയില് പ്രവേശിപ്പിച്ചു. ഇതുവരെ 19,756 സാമ്പിളുകള് പരിശോധനയ്ക്ക് അയച്ചു. 19,074 സാമ്പിളുകള് രോഗബാധയില്ലെന്ന് ഉറപ്പുവരുത്തി. ആശുപത്രിയില് ക്വാറന്റൈനിലുള്ള മുഴുവന് പേരെയും പരിശോധിക്കാനാണ് ഉദ്ദേശിക്കുന്നതെന്നും രണ്ടുമൂന്നുദിവസം കൊണ്ട് ഇത് പൂര്ത്തിയാക്കാന് കഴിയുമെന്നും മുഖ്യമന്ത്രി പറഞ്ഞു.
കൂടത്തായി പ്രതി ജോളി ജയിലില് ആത്മഹത്യയ്ക്ക് ശ്രമിച്ചു
പ്രാര്ത്ഥനകള് വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്മോര്ട്ടം പൂര്ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്നര് ലോറിയുടെ ഡ്രൈവര് കീഴടങ്ങി
കോവിഡ് മരണം വീണ്ടും ; ഇന്ത്യയില് മരണം മൂന്നായി