കൽപ്പറ്റ : ‘കൈയോട് കൈ സ്വച്ഛതാ ഹി സേവ 2026’ ക്യാമ്പയിന്റെ ഭാഗമായി വയനാട് ജില്ലാ പോലീസ് ഓഫീസിൽ ശുചീകരണ പ്രവർത്തനങ്ങൾ നടത്തി.ഓഫീസിൽ എഫ്.ടി.എസ്,പി.ടി.എസ് ജോലി ചെയ്തു വരുന്ന ജീവനക്കാരെ ജില്ലാ പോലീസ് മേധാവി ദേവമനോഹർ ഐ.പി.എസിന്റെ നേതൃത്വത്തിൽ ആദരിച്ചു.എഫ്.ടി.എസ് സി.രമണി, പി.ടി.എസ് മാരായ സി.എസ്.സുമ,ആർ.ദിനേശ് എന്നിവരെയാണ് പൊന്നാടയണിയിച്ചും സ്നേഹോപഹാരം നൽകിയും ആദരിച്ചത്. അഡിഷണൽ എസ്.പി എൻ.ആർ ജയരാജ്, ഡി.സി.ആർ.ബി ഡി.വൈ.എസ്.പി കെ.ജി പ്രവീൺ കുമാർ,ഡി.പി.ഓ മാനേജർ സി.കെ മനേഷ്,മറ്റു പോലീസ് ഉദ്യോഗസ്ഥർ,മിനിസ്റ്റീരിയൽ ഉദ്യോഗസ്ഥർ തുടങ്ങിയവർ പങ്കെടുത്തു.
