ന്യൂഡല്ഹി : നിയസഭാ തെരഞ്ഞെടുപ്പില് വോട്ടര്മാര്ക്ക് പത്ത് വാഗ്ദാനങ്ങളുമായി ഡല്ഹി മുഖ്യമന്ത്രി അരവിന്ദ് കെജ്രിവാള്. 24 മണിക്കൂറും കുടിവെള്ളവും സംസ്ഥാനത്തെ എല്ലാ കുട്ടികള്ക്കും ലോകോത്തര നിലവാരമുള്ള വിദ്യാഭ്യാസവും ഉറപ്പാക്കുമെന്ന് കെജ്രിവാള് പറഞ്ഞു. 500 കിലോമീറ്ററ്റര് കൂടി ഡല്ഹി മെട്രോ വ്യാപിപ്പിക്കും. ഡല്ഹിയിലെ ചേരികളില് കഴിയുന്നവര്ക്ക് ചേരിക്കടുത്ത് തന്നെ വീടുകള് നിര്മ്മിച്ച് നല്കും. സ്ത്രീകള്ക്കും വിദ്യാര്ത്ഥികള്ക്കും സൗജന്യ ബസ് യാത്ര, മലീനീകരണം കുറയ്ക്കും, പൊടി ഒഴിവാക്കുന്നതിനായി വാക്വം ക്ലീനര് ഉപയോഗിക്കും, അധികാരത്തില് വന്നാല് നിലവിലുള്ള എല്ലാ പദ്ധതികളും അടുത്ത അഞ്ചുവര്ഷവും തുടരും, 200 യൂണിറ്റ് വരെ സൗജന്യ വൈദ്യുതി തുടങ്ങിയ വാഗ്ദാനങ്ങളാണ് കെജ്രിവാള് മുന്നോട്ട് വെക്കുന്നത്. കഴിഞ്ഞ നിയമസഭാ തെരഞ്ഞെടുപ്പില് 70 സീറ്റില് 67 സീറ്റുകളില് ആംആദ്മി പാര്ട്ടി വിജയിച്ചിരുന്നു. ഡല്ഹിയില് അധികാരം നിലനിര്ത്താനാകുമെന്നാണ് പാര്ട്ടിയുടെ പ്രതീക്ഷ. മുഴുവന് സ്ഥാനാര്ഥികളെയും പ്രഖ്യാപിച്ച് പ്രചാരണരംഗത്ത് മുന്നേറാന് ആംആദ്മിക്ക് കഴിഞ്ഞിട്ടുണ്ട്. എംഎല്എമാരില് 46 പേരാണ് വീണ്ടും ജനവിധി തേടുന്നത്. സീറ്റ് കിട്ടാത്ത എംഎല്എമാര് പാര്ട്ടിക്കെതിരെ നടത്തുന്ന പ്രചാരണമാണ് ആംഅദ്മിയ്ക്ക് നിലവിലെ ഭീഷണി.
കൂടത്തായി പ്രതി ജോളി ജയിലില് ആത്മഹത്യയ്ക്ക് ശ്രമിച്ചു
പ്രാര്ത്ഥനകള് വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്മോര്ട്ടം പൂര്ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്നര് ലോറിയുടെ ഡ്രൈവര് കീഴടങ്ങി
കോവിഡ് മരണം വീണ്ടും ; ഇന്ത്യയില് മരണം മൂന്നായി