കാസര്‍കോട് : അഡ്വ. കെ. ശ്രീകാന്തിനെ വീണ്ടും ജില്ലാ അധ്യക്ഷനായി നിയമിച്ചതിനു പിന്നാലെ കാസര്‍കോട് ബി.ജെ.പി.യില്‍ പൊട്ടിത്തെറി. ശ്രീകാന്തിന്റെ നിയമനത്തില്‍ പ്രതിഷേധിച്ച് ജില്ലയിലെ പ്രമുഖ നേതാവ് രവീശതന്ത്രി കുണ്ടാര്‍ പാര്‍ട്ടി സംസ്ഥാന സമിതി അംഗത്വം രാജിവെച്ചു. രാജിക്കത്ത് തിങ്കളാഴ്ച സംസ്ഥാന അധ്യക്ഷന്‍ കെ സുരേന്ദ്രന് അയച്ചുകൊടുക്കുമെന്ന് രവീശ തന്ത്രി കുണ്ടാര്‍ പറഞ്ഞു. അതേസമയം ബി.ജെ.പി.അംഗത്വം രാജി വയ്ക്കുന്നില്ലെന്നും പാര്‍ട്ടി പ്രവര്‍ത്തകനായി തുടരുമെന്നും അദ്ദേഹം കൂട്ടിച്ചേര്‍ത്തു. ശ്രീകാന്തിനെ വീണ്ടും അധ്യക്ഷനാക്കിയതില്‍ വ്യക്തിപരമായ വിദ്വേഷമൊന്നുമില്ലെന്ന് രവീശതന്ത്രി പറഞ്ഞു. കാസര്‍കോടും മഞ്ചേശ്വരത്തും മറ്റും നിലനില്‍ക്കുന്ന പാര്‍ട്ടിയിലെ പ്രശ്നങ്ങള്‍ ചര്‍ച്ച ചെയ്ത് പരിഹരിക്കാതെ ജില്ലാ അധ്യക്ഷ സ്ഥാനത്ത് നിയമനം നടത്തിയതിലാണ് പ്രതിഷേധം. അടുത്ത ദിവസം തന്നെ പാര്‍ട്ടിയുടെ മഞ്ചേശ്വരം നിയോജക മണ്ഡലം കണ്‍വീനര്‍ സ്ഥാനം ഒഴിയുമെന്നും രവീശ തന്ത്രി കൂട്ടിച്ചേര്‍ത്തു. ജില്ലാ അധ്യക്ഷ സ്ഥാനത്തേക്കുള്ള പേരുകളില്‍ ശ്രീകാന്തിനൊപ്പം ഉയര്‍ന്നുവന്ന പേരായിരുന്നു രവീശതന്ത്രിയുടേതും. എന്നാല്‍ അവസാന നിമിഷം ശ്രീകാന്തിന് നറുക്കുവീഴുകയായിരുന്നു. കഴിഞ്ഞ നിയമസഭാ തിരഞ്ഞെടുപ്പില്‍ കാസര്‍കോട് നിയമസഭാ മണ്ഡലം സ്ഥാനാര്‍ഥിയായി രവീശതന്ത്രി മത്സരിച്ചിരുന്നു. ഇക്കഴിഞ്ഞ ലോകസഭാ തിരഞ്ഞെടുപ്പില്‍ കാസര്‍കോട് മണ്ഡലത്തിലും പിന്നാലെ നടന്ന മഞ്ചേശ്വരം ഉപതിരഞ്ഞെടുപ്പിലും ബി.ജെ.പിക്കു വേണ്ടി രവീശ തന്ത്രി കളത്തിലിറങ്ങിയിരുന്നു.
കൂടത്തായി പ്രതി ജോളി ജയിലില്‍ ആത്മഹത്യയ്ക്ക് ശ്രമിച്ചു
പ്രാര്‍ത്ഥനകള്‍ വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്‌മോര്‍ട്ടം പൂര്‍ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്‌നര്‍ ലോറിയുടെ ഡ്രൈവര്‍ കീഴടങ്ങി
കോവിഡ് മരണം വീണ്ടും ; ഇന്ത്യയില്‍ മരണം മൂന്നായി
നടിയെ ആക്രമിച്ച കേസ്; വസ്തുതാന്വേഷണ റിപ്പോർട്ടിലെ സാക്ഷി മൊഴി അതിജീവിതയ്ക്ക് നൽകുന്നതിനെതിരായ ദിലീപിന്റെ ഹർജി ഉത്തരവിനായി മാറ്റി
ഇറാൻ പിടിച്ചെടുത്ത കപ്പലിലുള്ള ഇന്ത്യൻ ജീവനക്കാരെ മോചിപ്പിക്കണം; രാഹുൽ ഗാന്ധി വിദേശകാര്യ മന്ത്രിക്ക് കത്തയച്ചു