ന്യൂഡല്ഹി : രാജ്യതലസ്ഥാനത്ത് വീണ്ടും കലാപം പൊട്ടിപ്പുറപ്പെട്ടതായി സന്ദേശങ്ങള് പ്രചരിച്ചതിനെ തുടര്ന്ന് മുന്നറിയിപ്പുമായി ഡല്ഹി പോലീസ്. സമൂഹമാധ്യമങ്ങളില് പ്രചരിക്കുന്നത് വ്യാജസന്ദേശമാണെന്നും ആരും കുപ്രചാരണങ്ങളില് വീഴരുതെന്നും പോലീസ് അറിയിച്ചു. മുന്കരുതലിന്റെ ഭാഗമായി ആറ് മെട്രോ സ്റ്റേഷനുകള് താത്കാലികമായി അടച്ചിരുന്നെങ്കിലും പിന്നീട് ഇവയെല്ലാം തുറന്നു. നങ്ക്ലോയി, സൂരജ്മാള് സ്റ്റേഡിയം, ബദര്പുര്, തുഗ്ലക്കാബാദ്, ഉത്തം നഗര് വെസ്റ്റ്, നവഡ എന്നി മെട്രോ സ്റ്റേഷനുകളാണ് താത്കാലികമായി അടച്ചത്. അഭ്യൂഹങ്ങള് പ്രചരിപ്പിക്കുന്നത് കുറ്റകരമാണെന്നും കര്ശന നടപടിയെടുക്കുമെന്നും പോലീസ് അറിയിച്ചു. ചില മേഖലകളില് അഭ്യൂഹങ്ങളെ തുടര്ന്ന് കടകളടച്ചു. എന്നാല് ഡല്ഹിയില് എല്ലായിടത്തും സ്ഥിതിഗതികള് ശാന്തമാണെന്നും ആരും ഊഹാപോഹങ്ങള് പ്രചരിപ്പിക്കരുതെന്നും പോലീസ് അറിയിച്ചു. ഖൈല രഘുബീര് നഗറില് കലാപസമാനമായ സാഹചര്യമെന്നാണ് വാര്ത്ത പ്രചരിച്ചത്. എന്നാല് ഇവിടം തീര്ത്തും ശാന്തമാണെന്ന് ഡല്ഹി പോലീസ് പറയുന്നു. പോലീസ് എല്ലായിടത്തും പട്രോളിങ് കര്ശനമാക്കിയിട്ടുണ്ട്. പലരും ഭയന്ന് പോലീസിനെ വിളിക്കുന്നുണ്ടെന്നും എന്നാല് ഒട്ടും ആശങ്കപ്പെടേണ്ടെന്നും പോലീസ് അറിയിച്ചു.
കൂടത്തായി പ്രതി ജോളി ജയിലില് ആത്മഹത്യയ്ക്ക് ശ്രമിച്ചു
പ്രാര്ത്ഥനകള് വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്മോര്ട്ടം പൂര്ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്നര് ലോറിയുടെ ഡ്രൈവര് കീഴടങ്ങി
കോവിഡ് മരണം വീണ്ടും ; ഇന്ത്യയില് മരണം മൂന്നായി