തിരുവനന്തപുരം : എസ്എസ്എല്സി, ഹയര്സെക്കന്ഡറി പരീക്ഷകള് നാളെ തന്നെ ആരംഭിക്കും.13 ലക്ഷം കുട്ടികള് പരീക്ഷയെഴുതുമെന്ന് പൊതുവിദ്യാഭ്യാസ ഡയറക്ടര് അറിയിച്ചു. എല്ലാ സ്കൂളുകള്ക്കും പ്രത്യേക ജാഗ്രതാ നിര്ദേശം നല്കിയിട്ടുണ്ട്. പത്തനംതിട്ട ജില്ലയില് പ്രത്യേകം ശ്രദ്ധചെലുത്തും. ഐസലോഷനിലുള്ളവര്ക്ക് സേ പരീക്ഷയ്ക്ക് അവസരമൊരുക്കുമെന്നും പൊതുവിദ്യാഭ്യാസ ഡയറക്ടര് അറിയിച്ചു. രോഗബാധിതരുമായി അടുത്തിടപഴകി രോഗ ലക്ഷണമുള്ള കുട്ടികള് പരീക്ഷ എഴുതാന് പാടുള്ളതല്ലെന്ന് പത്തനംതിട്ട ജില്ലാ കലക്ടര് പി ബി നൂഹ് പറഞ്ഞു. ഇവര്ക്ക് സേ പരീക്ഷ എഴുതാനുള്ള സൗകര്യം ഒരുക്കും. രോഗബാധിതരുമായി അകന്ന് ഇടപഴകിയവര്ക്ക് അതേ സ്കൂളില് പ്രത്യേകം പരീക്ഷ എഴുതാനുള്ള സൗകര്യം ഒരുക്കും. പരീക്ഷ സെന്ററുകളില് മാസ്കും സാനിറ്റൈസറും ലഭ്യമാക്കും. സര്ക്കാര് വിദ്യാഭാസ സ്ഥാപനങ്ങളില് പി.ടി.എ യുടെ നേതൃത്വത്തില് മാസ്കും സാനിട്ടൈസറും ലഭ്യമാക്കണം. സ്വകാര്യ വിദ്യാഭ്യാസ സ്ഥാപനങ്ങളില് നിര്ബന്ധമായും മാസ്കും സാനിട്ടൈസറും ലഭ്യമാക്കണമെന്നും കലക്ടര് അറിയിച്ചു.
കൂടത്തായി പ്രതി ജോളി ജയിലില് ആത്മഹത്യയ്ക്ക് ശ്രമിച്ചു
പ്രാര്ത്ഥനകള് വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്മോര്ട്ടം പൂര്ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്നര് ലോറിയുടെ ഡ്രൈവര് കീഴടങ്ങി
കോവിഡ് മരണം വീണ്ടും ; ഇന്ത്യയില് മരണം മൂന്നായി