മലപ്പുറം : വനിതാ വികസന കോര്‍പ്പറേഷന്‍ സംസ്ഥാനത്ത് ആദ്യമായി നിര്‍മ്മിക്കുന്ന വനിതാ ഹോസ്റ്റല്‍ നിര്‍മ്മാണം പുരോഗമിക്കുന്നു. സാമൂഹ്യനീതി വകുപ്പിന്റെ കീഴില്‍ പെരിന്തല്‍മണ്ണ നഗരസഭ രജതജൂബിലി മിഷന്‍ പദ്ധതിയിലുള്‍പ്പെടുത്തിയാണ് ഹോസ്റ്റല്‍ നിര്‍മ്മിക്കുന്നത്. നഗരസഭയുടെ എരവിമംഗലം മേലേപറമ്പ് കോളനിയിലെ 50 സെന്റ് സ്ഥലത്ത് എട്ട് കോടി രൂപ ചെലവിലാണ് നിര്‍മ്മാണം. ചുരുങ്ങിയ ചെലവില്‍ മികച്ച സൗകര്യങ്ങളോട് കൂടി 80 പേര്‍ക്ക് താമസിക്കാവുന്ന രീതിയിലാണ് നിര്‍മ്മാണം പുരോഗമിക്കുന്നത്. വിവിധ തരത്തിലുള്ള 12 റൂമുകളും, എട്ട് ഡോര്‍മെട്രികളും, ഗസ്റ്റ്‌റൂം, അടുക്കള, തുടങ്ങിയ അനുബന്ധ സൗകര്യങ്ങളോടു കൂടിയാണ് ഹോസ്റ്റല്‍ നിര്‍മ്മിക്കുന്നത്. സംസ്ഥാനത്തിന്റെ വിവിധയിടങ്ങളില്‍ നിന്നും പെരിന്തല്‍മണ്ണയിലെത്തി ജോലി ചെയ്യുന്ന സ്ത്രീകള്‍ക്ക് സുരക്ഷിതവും ചെലവ് കുറഞ്ഞതുമായ താമസ സൗകര്യം ഒരുക്കുക എന്നതാണ് ഹോസ്റ്റല്‍ നിര്‍മ്മാണത്തിലൂടെ വനിതാ വികസന കോര്‍പ്പറേഷന്‍ ലക്ഷ്യമിടുന്നത്.ജൂണ്‍ മാസത്തോടെ ഹോസ്റ്റല്‍ നിര്‍മ്മാണം പൂര്‍ത്തിയാക്കി നാടിന് സമര്‍പ്പിക്കാനാണ് തീരുമാനം.
കൂടത്തായി പ്രതി ജോളി ജയിലില്‍ ആത്മഹത്യയ്ക്ക് ശ്രമിച്ചു
പ്രാര്‍ത്ഥനകള്‍ വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്‌മോര്‍ട്ടം പൂര്‍ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്‌നര്‍ ലോറിയുടെ ഡ്രൈവര്‍ കീഴടങ്ങി
കോവിഡ് മരണം വീണ്ടും ; ഇന്ത്യയില്‍ മരണം മൂന്നായി
