കൽപ്പറ്റ : കാട്ടാനയുടെ ആക്രമണത്തില്‍ യുവതി മരിച്ചു.സഹോദരിക്ക് പരിക്ക് .സഹോദരൻ ഓടി രക്ഷപ്പെട്ടു.     പുല്‍പ്പള്ളി ചെതലയം റേഞ്ചിലെ മൂഴിമല പുതിയിടം കാട്ടുനായ്ക്ക കോളനിയോട് ചേര്‍ന്ന വനത്തില്‍ വിറക് ശേഖരിക്കാന്‍ പോയ ഇതേ കോളനിയിലെ ബസവി എന്ന ശാന്ത (45 )യാണ് കാട്ടാനയുടെ ആക്രമണത്തില്‍ കൊല്ലപ്പെട്ടത്. ഇന്ന് വൈകിട്ടോടെയായിരുന്നു സംഭവം. കുടെയുണ്ടായിരുന്ന സഹോദരി മാച്ചി (47 )യെ പരിക്കുകളോടെ പുല്‍പ്പള്ളി ഗവ.ആശുപത്രിയില്‍ പ്രവേശിപ്പിച്ചു. ഒപ്പമുണ്ടായിരുന്ന സഹോദരന്‍ ബൈരന്‍ ഓടി രക്ഷപ്പെടുകയായിരുന്നു. മൃതദേഹം ബത്തേരി താലൂക്ക് ആശുപത്രിയിലേക്ക് മാറ്റി