• admin

  • June 27 , 2020

കൊച്ചി : രാജ്യത്ത് തുടർച്ചയായ 21-ാം ദിവസും  ഇന്ധന വില വർധിപ്പിച്ചു. പെട്രോളിന് 25 പൈസയും ഡീസലിന് 20 പൈസയും ശനിയാഴ്ച കൂട്ടി. കഴിഞ്ഞ മൂന്നാഴ്ചക്കിടെ ഒരു ലിറ്റർ ഡീസലിന് 10.45 രൂപയും പെട്രോൾ ലിറ്ററിന് 9.17 രൂപയുമാണ് എണ്ണ കമ്പനികൾ വർധിപ്പിച്ചത്. കോഴിക്കോട് ഒരു ലിറ്റർ പെട്രോളിന് 80.38 രൂപയാണ് ഇന്നത്തെ വില. ഡീസലിന് 76.42 രൂപയും. ഡൽഹിയിൽ പെട്രോൾ, ഡീസൽ വില തമ്മിൽ 2 പൈസയുടെ അന്തരം മാത്രമാണുള്ളത്. പെട്രോൾ ലിറ്ററിന് 80.38 രൂപയും ഡീസലിന് 80.40 രൂപയുമാണ് വില. 82 ദിവസത്തെ ഇടവേളയ്ക്കുശേഷം ജൂൺ ഏഴ് മുതൽ പെട്രോൾ, ഡീസൽ വില പ്രതിദിനം പരിഷ്കരിക്കാൻ തുടങ്ങിയപ്പോഴാണ് വില കുത്തനെ ഉയരാൻ തുടങ്ങിയത്. രാജ്യാന്തര വിപണിയിൽ വിലത്തകർച്ച വന്ന ഘട്ടത്തിൽ കേന്ദ്ര സർക്കാർ എക്സൈസ് തീരുവ 13 രൂപവരെ ഉയർത്തിയത് തിരിച്ചടിയായി. അന്താരാഷ്ട്ര വിപണിയിലെ ക്രൂഡ് ഓയിൽ വിലയിലെ കുറവ് രാജ്യത്തെ ഉപഭോക്താവിന് ഇതോടെ ലഭിക്കാതായി.