കേണിച്ചിറ : മദ്യനിരോധനത്തിനു വേണ്ടി അക്രമരഹിത മാർഗ്ഗത്തിൽ കഴിഞ്ഞ നാലര പതിറ്റാണ്ടായി സന്ധിയില്ലാതെ സമരം ചെയ്യുന്ന മദ്യനിരോധന സമിതിയുടെ സംസ്ഥാന ജാഥ ജില്ലയിൽ പര്യടനം നടത്തി.അതിന്റെ ഭാഗമായി മദ്യം നിരോധന സമിതി കേരളയാത്ര സംഘടിപ്പിച്ചു ജനുവരി 5 മുതൽ ഫെബ്രുവരി 10 വരെയാണ് ജാഥ നടക്കുക മദ്യ നിരോധന സമിതി സംസ്ഥാന അധ്യക്ഷൻ ഈച്ചേരി കുഞ്ഞികൃഷ്ണൻ മാസ്റ്റർ ജനറൽ സെക്രട്ടറി വിൻസെന്റ് മാളിയേക്കൽ എന്നിവരാണ് ജാഥ നയിക്കുന്നത്. സംസ്ഥാന നേതാക്കളായ ഫാദർ വർഗീസ് മുഴുത്തേറ്റ്,അഡ്വക്കേറ്റ് സുജാത എസ് വർമ്മ,ബി ആർ കൈമാൾ കരുമാടി,ഖദീജ നർഗീസ്, ടി ചന്ദ്രൻ കണ്ണൂർ,ശശി വയനാട്,ഇസാബിൻ അബ്ദുൽ കരീം,ഫാദർ ജോൺ വർഗീസ്,ഇയച്ചേരി പത്മിനി തുടങ്ങിയവരും മറ്റു ജനപ്രതിനിധികളും പരിപാടിയിൽ പങ്കെടുത്തു ജാഥ പര്യടനം കേണിച്ചിറ ടൗണിൽ 9 മണിക്ക് ആരംഭിച്ചു.