കൽപ്പറ്റ : "ബിജെപി വംശഹത്യാ രാഷ്ട്രീയത്തിനെതിരേ ഐക്യപ്പെടുക, ഇരകളും വേട്ടക്കാരും തുല്യരല്ല" എന്ന പ്രമേയമുയർത്തി എസ്ഡിപിഐ മെയ് 10 മുതൽ 31 വരെ നടത്തുന്ന സംസ്ഥാന കാമ്പയിൻ്റെ ഭാഗമായി വയനാട്ടിൽ വിപുലമായ പ്രചാരണ പരിപാടികൾ നടത്തും. സാമ്പ്രദായിക രാഷ്ട്രീയ പാര്‍ട്ടികളും പ്രസ്ഥാനങ്ങളും ആര്‍എസ്എസ്സിനെയും എസ്ഡിപിഐയെയും സമീകരിക്കാന്‍ നടത്തുന്ന അമിതാവേശത്തെ തുറന്നുകാണിക്കുന്നതിനാണ് സംസ്ഥാന തലത്തിൽ കാമ്പയിൻ നടത്തുന്നത്. പരിപാടിയുടെ ഭാഗമായി ജില്ലയിൽ വിപുലമായ പരിപാടികൾ സംഘടിപ്പിക്കുമെന്ന് എസ്ഡിപിഐ ജില്ലാപ്രസിഡന്റ് അഡ്വ. കെ. എ.അയ്യൂബ് വാര്‍ത്താ സമ്മേളനത്തില്‍ പറഞ്ഞു. പരിപാടിയുടെ ജില്ലാതല ഉദ്ഘാടനം മെയ് 16ന് മാനന്തവാടിയിൽ സംസ്ഥാന ജനറൽ സെക്രട്ടറി പി.കെ ഉസ്മാൻ നിർവ്വഹിക്കും. 1925 ല്‍ രൂപീകൃതമായ ആര്‍എസ്എസ്സിന് രാജ്യവ്യാപക വംശീയ ഉന്മൂലന കലാപത്തിന്റെയും അക്രമങ്ങളുടെ ചരിത്രം മാത്രമാണ് പറയാനുള്ളത്. രാഷ്ട്രപിതാവിന്റെ രക്തക്കറ പേറുന്ന സംഘപരിവാരം രാജ്യം നേരിടുന്ന ഏറ്റവും വലിയ വെല്ലുവിളിയാണ്. കേന്ദ്രഭരണം കൈക്കലാക്കിയതു മുതല്‍ രാജ്യത്തിന്റെ ഭരണഘടനയും ജനാധിപത്യവും ഫെഡറലിസവും സമ്പൂര്‍ണമായി അട്ടിമറിക്കാനുള്ള ശ്രമമാണ് ഫാഷിസ്റ്റുകൾ നടത്തുന്നത്. വിമര്‍ശിക്കുന്നവരെ തോക്കിന്‍ കുഴലിലൂടെയും തടവറകളിലടച്ചും നിശബ്ദമാക്കുകയാണ്. മുസ്ലിംകള്‍, ക്രൈസ്തവര്‍, ആദിവാസികള്‍, ദലിതുകള്‍ ഉള്‍പ്പെടെയുള്ള ദുര്‍ബല ജനവിഭാഗങ്ങളെയെല്ലാം അക്രമിച്ചും വേട്ടയാടിയും ഹിംസാല്‍മക ഹിന്ദുത്വം അടിച്ചേല്‍പ്പിക്കുകയാണ്. ആഘോഷങ്ങളെ പോലും അക്രമത്തിനും വംശഹത്യക്കുമുള്ള അവസരമായി വിനിയോഗിക്കുകയാണ്. അവസാനമായി ന്യൂനപക്ഷ വിഭാഗങ്ങള്‍ അധിവസിക്കുന്ന മേഖലകളില്‍ കടന്നു കയറി വീടുകളും ആരാധനാലയങ്ങളും വ്യാപാര സ്ഥാപനങ്ങളും ബുള്‍ഡോസര്‍ ഉപയോഗിച്ച് തകര്‍ത്തെറിയുകയാണ്. ഇത്തരത്തില്‍ രാജ്യത്തെ ബഹുഭൂരിപക്ഷം വരുന്ന ജനവിഭാഗങ്ങളുടെ പേടിസ്വപ്‌നമായി മാറിയിരിക്കുന്ന ആര്‍എസ്എസ്സിനെയും അവരുടെ അക്രമത്തിന് ഇരയാകുന്നവരെയും സമീകരിക്കാനുള്ള ശ്രമങ്ങൾ ഏറെ അപകടകരമാണ്. ഈ പശ്ചാത്തലത്തിലാണ് വേട്ടക്കാരും ഇരകളും തുല്യരല്ലെന്നു പൊതുസമൂഹത്തെ ബോധ്യപ്പെടുത്തുന്നതിനും അക്രമികള്‍ക്കെതിരായി ജനാധിപത്യ ചെറുത്തുനില്‍പ്പിന് പൗരസമൂഹത്തെ ബോധവൽക്കരിക്കുന്നതിനുമായ് എസ്ഡിപിഐ സംസ്ഥാന വ്യാപകമായി കാംപയിന്‍ നടത്തുന്നത്. കാംപയിന്റെ ഭാഗമായി പൊതുസമ്മേളനങ്ങള്‍, ലഘുലേഖ വിതരണം, ഹൗസ് കാംപയിന്‍, പോസ്റ്റര്‍ പ്രചാരണം ഉള്‍പ്പെടെയുള്ള പ്രചാരണ പരിപാടികള്‍ സംഘടിപ്പിക്കുമെന്നും ജില്ലാ പ്രസിഡന്റ് അഡ്വ:കെ.എ. അയ്യൂബ് പറഞ്ഞു. വാര്‍ത്താസമ്മേളനത്തില്‍ എസ്ഡിപിഐ ജില്ലാ ജനറല്‍ സെക്രട്ടറി ടി. നാസർ, ജില്ലാ ട്രഷറർ കെ.മഹ്റുഫ്, ജില്ലാ മീഡിയ കോ:ഓർഡിനേറ്റർ ടി.പി. റസാക്ക് തുടങ്ങിയവർ പങ്കെടുത്തു.
കൂടത്തായി പ്രതി ജോളി ജയിലില്‍ ആത്മഹത്യയ്ക്ക് ശ്രമിച്ചു
പ്രാര്‍ത്ഥനകള്‍ വിഫലം; ദേവനന്ദയുടെ മൃതദേഹം കണ്ടെത്തി
പോസ്റ്റ്‌മോര്‍ട്ടം പൂര്‍ത്തിയായി; ദേവനന്ദയുടേത് മുങ്ങിമരണമെന്ന് പ്രാഥമിക നിഗമനം
കേരളത്തിലും കൊറോണ
അപകടമുണ്ടാക്കിയ കണ്ടെയ്‌നര്‍ ലോറിയുടെ ഡ്രൈവര്‍ കീഴടങ്ങി
കോവിഡ് മരണം വീണ്ടും ; ഇന്ത്യയില്‍ മരണം മൂന്നായി
