കാവുംമന്ദം : മഴക്കാലത്തിനു മുന്നോടിയായി തരിയോട് ഗ്രാമപഞ്ചായത്തിന്റെ ആഭിമുഖ്യത്തിൽ മുഴുവൻ വാർഡുകളിലും സമഗ്ര ശുചീകരണ പരിപാടി സംഘടിപ്പിച്ചു. പരിപാടിയുടെ പഞ്ചായത്ത് തല ഉദ്ഘാടനം കാവുംമന്ദം ടൗണിൽ ഗ്രാമപഞ്ചായത്ത് പ്രസിഡൻറ് ഷമീം പാറക്കണ്ടി നിർവഹിച്ചു. വൈസ് പ്രസിഡണ്ട് പുഷ്പ മനോജ് അധ്യക്ഷത വഹിച്ചു. നാടിൻറെ ഹരിതഭംഗി നിലനിർത്തുന്നതിനും മൺസൂൺ കാലത്ത് പിടിപെടാൻ സാധ്യതയുള്ള പകർച്ചവ്യാധികൾ തടയുന്നതിനും ലക്ഷ്യമിട്ടുകൊണ്ടാണ് മുഴുവൻ വാർഡുകളിലുമായി മഴക്കാലപൂർവ്വ ശുചീകരണ പരിപാടി വിപുലമായി സംഘടിപ്പിച്ചത്. ഗ്രാമപഞ്ചായത്ത് സ്ഥിരം സമിതി അധ്യക്ഷരായ ഷീജ ആൻറണി, രാധ പുലിക്കോട്, വി ജി ഷിബു, അംഗങ്ങളായ കെ വി ഉണ്ണികൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസൺ, വിജയൻ തോട്ടുങ്കൽ, വത്സല നളിനാക്ഷൻ, സിബിൽ എഡ്വേർഡ്, കെ എൻ ഗോപിനാഥൻ, ഹെഡ് ക്ലർക്ക് ബിനീഷ് വർഗീസ്, മെഡിക്കൽ ഓഫീസർ ഡോ ദിവ്യകല, ഹെൽത്ത് ഇൻസ്പെക്ടർമാരായ ടി അശോകൻ, ഷെറിൻ സഹല, വിവിധ സ്ഥാപന മേധാവികൾ, ജീവനക്കാർ, കുടുംബശ്രീ, ഹരിതകർമ്മ സേന, നിർവഹണ ഉദ്യോഗസ്ഥർ, ഗ്രാമപഞ്ചായത്ത് ജീവനക്കാർ, അംഗൻവാടി ജീവനക്കാർ, തൊഴിലുറപ്പ് തൊഴിലാളികൾ, ആരോഗ്യ പ്രവർത്തകർ, ആശാവർക്കർമാർ, വ്യാപാരികൾ, മറ്റ് തൊഴിലാളികൾ, പൊതുജനങ്ങൾ തുടങ്ങിയവർ പങ്കാളികളായി.
