കണിയാമ്പറ്റ : വർദ്ധിച്ചു വരുന്ന വന്യമൃഗ അതിക്രമത്തിൽ സർക്കാർ കാണിക്കുന്ന നിസംഗതിക്കെതിരെ, സംസ്ഥാന ബജറ്റിലെ ജനദ്രോഹ നിർദ്ദേശങ്ങൾക്കും ഭൂനികുതിവർധനവിനെതിരെ കണിയമ്പറ്റ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ കണിയമ്പറ്റ വില്ലേജ് ഓഫീസിന് മുൻപിൽ പ്രതിഷേധ ധർണ്ണ സമരം നടത്തി. മണ്ഡലം പ്രസിഡണ്ട്‌ സി. സുരേഷ്ബാബു അധ്യക്ഷത വഹിച്ച ധർണ്ണ സമരം ഡി.സി.സി സെക്രട്ടറി മോയിൻ കടവൻ ഉദ്ഘാടനം ചെയ്തു.ഡി.സി.സി സെക്രട്ടറി നജീബ് കരണി, പി.കെ ജോർജ്, യൂത്ത് കോൺഗ്രസ് ജില്ലാ ജനറൽ സെക്രട്ടറി മുത്തലിബ് പഞ്ചാര, യൂത്ത് കോൺഗ്രസ് മണ്ഡലം പ്രസിഡണ്ട്‌ ആഷിഖ് മൻസൂർ, മഹിളാ കോൺഗ്രസ് മണ്ഡലം പ്രസിഡണ്ട്‌ ശകുന്തള സജീവൻ, തുടങ്ങിയവർ സംസാരിച്ചു.ഐ.എൻ.ടി.യു.സി ജില്ലാ ജനറൽ സെക്രട്ടറി താരീഖ് കടവൻ, യൂത്ത് വിംഗ് സംസ്ഥാന കമ്മിറ്റിഅംഗം സുഹൈൽ കെ.പി, മോഹനൻ കണിയാമ്പറ്റ, ടി.ടി ദേവസ്യ, റസാക്ക് നെല്ലിയമ്പം, രമേശൻ അരിമുള, സണ്ണി ഐക്കരക്കുടി, എം.എ മജീദ്, കെ മമ്മു, രമ്യ ശിവാദസൻ തുടങ്ങിയവർ നേതൃത്വം നൽകി.
