മുട്ടിൽ : വയനാട് എക്സൈസ് എൻഫോഴ്സ്മെന്റ് ആൻഡ് അന്റീ നാർകോട്ടിക്സ് സ്പെഷ്യൽ സ്ക്വാഡ് എക്സൈസ് ഇൻസ്പെക്ടർ സജിൻ എം ജെ യുടെ നേതൃത്വത്തിൽ വൈത്തിരി താലൂക്കിൽ മുട്ടിൽ ഭാഗത്തു നടത്തിയ പരിശോധനയിൽ വയനാട് എക്സൈസ് സൈബർസെല്ലിന്റെ സഹായത്തോടെ വൈത്തിരി താലൂക്കിൽ മുട്ടിൽ സൗത്ത് വില്ലേജിൽ ആനപ്പാറവയൽ ഭാഗത്തു കൊട്ടാരം വീട്ടിൽ ഹംസ മകൻ അജ്മൽ പി വി (വയസ്സ് 33/26) എന്നയാളുടെ കൈവശത്തുനിന്നും 90.725 ഗ്രാം മെത്തംഫിറ്റാമിൻ പിടികൂടി.പാർട്ടിയിൽ പ്രിവെന്റീവ് ഓഫീസർമാരായ വിജിത്ത് കെ ജി,രഘു വി,സിവിൽ എക്സൈസ് ഓഫീസർമാരായ സനൂപ് എം സി,സുദീപ് ബി,വയനാട് എക്സൈസ് സൈബർസെൽ സിവിൽ എക്സൈസ് ഓഫീസർ അർജുൻ കെ എ,വനിതാ സിവിൽ എക്സൈസ് ഓഫീസർ ഫസീല ടി എന്നിവരും പങ്കെടുത്തു.
