കണിയാമ്പറ്റ : സെൻ്റ് ജോർജ് യാക്കോബായ സുറിയാനി പള്ളിയിൽ സെൻ്റ് ജോർജ് ചാരിറ്റബിൾ സൊസൈറ്റിയും ടീം ജ്യോതിർഗമയയും ചേർന്ന് രക്തദാന ക്യാപ് നടത്തി. ബത്തേരി താലൂക്ക് ആശുപത്രി ബ്ലഡ് ബാങ്കുമായി സഹകരിച്ച് നടത്തിയ ക്യാംപിൽ നിരവധിപേർ രക്തം ദാനം ചെയ്തു. ടീം ജ്യോതിർഗമയ കോ-ഓർഡിനേറ്റർ കെ.എം. ഷിനോജ് കോപ്പുഴ ക്യാംപ് ഉദ്ഘാടനം ചെയ്തു. വികാരി ഫാ. സിനു ചാക്കോ അധ്യക്ഷത വഹിച്ചു. ട്രസ്റ്റി ഇ.പി. ഫിലിപ്കുട്ടി ഇരട്ടിയാനിക്കൽ, സെക്രട്ടറി സ്നിജേഷ് ചങ്ങനാ മoത്തിൽ, സെൻ്റ് ജോർജ് ചാരിറ്റബിൾ സൊസൈറ്റി സെക്രട്ടറി റെജി നെല്ലിമറ്റത്തിൽ എന്നിവർ പ്രസംഗിച്ചു. ക്യാംപിന് ബത്തേരി താലൂക്ക് ആശുപത്രി സൂപ്രണ്ട് ഡോ. എം. മോഹൻരാജ്, കെ.ജി. ബീന, എസ്.വി. അഭിൻ, കെ.ഫവാദ് എന്നിവർ നേതൃത്വം നൽകി.
