പനമരം : പനമരത്ത് ബൈക്ക് പൂർണ്ണമായും കത്തിനശിച്ചു.കണിയാമ്പറ്റ മില്ലുമുക്ക് സ്വദേശിയുടെ ബൈക്കാണ് അപകടത്തിൽപ്പെട്ടത്.യാത്രയ്ക്കിടെ പെട്രോൾ തീർന്നതിനെ തുടർന്ന് കുപ്പിയിൽ പെട്രോൾ വാങ്ങി ടാങ്കിൽ ഒഴിച്ച് വാഹനം സ്റ്റാർട്ട് ചെയ്യാൻ ശ്രമിക്കുന്നതിനിടെയാണ് തീപിടുത്തമുണ്ടായത്.പെട്ടെന്ന് തീ ആളിപ്പടരുകയായിരുന്നു.യാത്രക്കാരൻ അത്ഭുതകരമായി രക്ഷപ്പെട്ടു;ആർക്കും പരിക്കില്ല. വിവരമറിഞ്ഞ് അഗ്നിരക്ഷാ സേന സ്ഥലത്തെത്തിയാണ് തീയണച്ചത്.
