പനമരം : പനമരം ബ്ലോക്ക് പഞ്ചായത്തിന്റെ കീഴിലുള്ള പനമരം കമ്മ്യൂണിറ്റി ഹെൽത്ത് സെന്റർ ഇ -ഹെൽത്ത് സംവിധാനത്തിലേക്ക് മാറുന്നു. ഇതിന്റെ ആദ്യഘട്ടമായി ഏകീകൃത ആരോഗ്യ തിരിച്ചറിയൽ കാർഡ് ( യു.എച്ച്. ഐ.ഡി ) വിതരണം പനമരം ബ്ലോക്ക് പഞ്ചായത്ത് വൈസ് പ്രസിഡണ്ട് അബ്ദുൽ ഗഫൂർ കാട്ടിയുടെ അധ്യക്ഷതയിൽ പനമരം ബ്ലോക്ക് പഞ്ചായത്ത് പ്രസിഡന്റ് ഗിരിജ കൃഷ്ണൻ നിർവഹിച്ചു. ഇ -ഹെൽത്ത് സംവിധാനം നിലവിൽ വരുന്നതോടെ സി എച്ച് സിയിൽ വരുന്ന രോഗികളുടെ ആരോഗ്യ വിവരങ്ങൾ ഓൺലൈൻ ആയി സൂക്ഷിക്കുകയും, കാർഡിലെ ബാർകോഡ് സ്കാൻ ചെയ്യുമ്പോൾ ഡോക്ടർക്ക് എളുപ്പത്തിൽ ഈ വിവരങ്ങൾ ലഭ്യമാവുകയും, ചികിത്സ കൂടുതൽ ഫലപ്രദമാവുകയും ചെയ്യും. രോഗികളുടെ അസുഖത്തിന്റെ വിവരങ്ങൾ, മരുന്നിന്റെ വിവരങ്ങൾ, മറ്റ് പരിശോധന ഫലങ്ങൾ, എന്നിവ ഓൺലൈൻ ആയി സൂക്ഷിക്കുന്നത് മൂലം രോഗിക്ക് ഇത്തരം വിവരങ്ങൾ അടങ്ങിയ പേപ്പറുകൾ കൊണ്ടുപോകാതെ തന്നെ കേരളത്തിന്റെ ഈ ഹെൽത്ത് നടപ്പിലാക്കിയ എല്ലാ ആശുപത്രികളിലും എളുപ്പത്തിൽ ചികിത്സ ലഭ്യമാക്കാൻ കഴിയും. രോഗിയുടെ ഏറ്റവും അടുത്തുള്ള ഇ -ഹെൽത്ത് നടപ്പിലാക്കിയിട്ടുള്ള ആശുപത്രിയിൽ പോയാൽ മെഡിക്കൽ കോളേജ് ആശുപത്രികൾ മുതൽ കേരളത്തിലെ മറ്റ് എല്ലാ ആശുപത്രികളിലേക്ക് ഉള്ള ഡോക്ടർമാരുടെ അപ്പോയിൻമെന്റും ലഭ്യമാകും. സാംക്രമിക രോഗങ്ങൾ നിയന്ത്രിക്കുന്നതിന് ഇ -ഹെൽത്ത് സംവിധാനം വളരെ ഗുണം ചെയ്യും.രോഗികളുടെ മുൻകാല രോഗ വിവരങ്ങൾ, കുടുംബത്തിലെ പാരമ്പര്യ അസുഖ വിവരങ്ങൾ,താമസസ്ഥലത്ത് കുടിവെള്ള വിവരങ്ങൾ, മാലിന്യങ്ങളുടെ വിവരങ്ങൾ, തുടങ്ങിയ വിശദാംശങ്ങൾ ശേഖരിക്കുന്നതുമൂലം പൊതു ആരോഗ്യരംഗത്ത് വലിയ മുന്നാറ്റം ഉണ്ടാക്കുവാൻ കഴിയും. ആധാർ അടിസ്ഥാനമാക്കിയാണ് യു.എ.ച്ച്.ഐ.ഡി കാർഡ് നൽകുന്നത്. ജില്ലയിൽ ആദ്യമായായാണ് ഒരു തദ്ദേശ സ്വയംഭരണ സ്ഥാപനം പനമരം ബ്ലോക്ക് പഞ്ചായത്ത് ധനകാര്യ കമ്മീഷൻ ഗ്രാൻഡ് ഉപയോഗിച്ചുകൊണ്ട്‌ ഇ -ഹെൽത്തിനു വേണ്ടി പ്രോജക്ട് വെച്ചിട്ടുള്ളത് പനമരം ബ്ലോക്ക് പഞ്ചായത്തിന്റെ കീഴിലുള്ള പനമരം സാമൂഹിക ആരോഗ്യ കേന്ദ്രത്തിൽ രാവിലെ 10 മണി മുതൽ 10 രൂപ ഫീസ് നൽകി പനമരം സി എച്ച് സിയെ ആശ്രയിക്കുന്ന എല്ലാ പ്രദേശവാസികൾക്കും കാർഡുകൾ നൽകുന്നതിനുള്ള സംവിധാനം ഒരുക്കിയിട്ടുണ്ട് ഇത് പരമാവധി പ്രയോജനപ്പെടുതാവുന്നതാണ്. ഇതോടൊപ്പം എച്ച്എംസി മെമ്പർമാർക്കുള്ള ഐഡി കാർഡ് വിതരണവും പ്രസിഡണ്ട് ഗിരിജാ കൃഷ്ണൻ നിർവഹിച്ചു.യോഗത്തിൽ ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ നിത്യ ബിജു കുമാർ വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ മേഴ്സി ബെന്നി, ഡിവിഷൻ മെമ്പർ സജേഷ് സെബാസ്റ്റ്യൻ, വാർഡ് മെമ്പർ സുനിൽകുമാർ, ജില്ലാ മാസ് മീഡിയ ഓഫീസർ ഹംസ ഇസ്മാലി ഈ ഹെൽത്ത് കോഡിനേറ്റർ ഷിന്റോ, മെഡിക്കൽ ഓഫീസർ പി.വത്സല, കണ്ണോളി മുഹമ്മദ്,എച്ച് എം സി അംഗങ്ങൾ, ഹെഡ് നേഴ്സ് ഷീന ജോർജ് തുടങ്ങിയവർ സംസാരിച്ചു.
