കൊച്ചി: സ്വര്‍ണവില പവന് 320 രൂപ കുറഞ്ഞ് 29,400 രൂപയായി. 3675 രൂപയാണ് ഗ്രാമിന്റെ വില. അഞ്ചുദിവസംകൊണ്ട് പവന്റെ വിലയില്‍ 1000 രൂപയാണ് കുറഞ്ഞത്.
എക്കാലത്തെയും ഉയര്‍ന്ന വിലയായ 30,400 രേഖപ്പെടുത്തിയത് ജനുവരി എട്ടിനാണ്. ഇറാന്‍-യുഎസ് സംഘര്‍ഷം രൂപപ്പെട്ടതാണ് സ്വര്‍ണവിലയില്‍ വന്‍ വര്‍ധനയുണ്ടാകാനിടയാക്കിയത്.
സംഘര്‍ഷത്തിന് അയവു വന്നതോടെ വില കുറയാനും തുടങ്ങി. ദേശീയ വിപണിയില്‍ തുടര്‍ച്ചയായി രണ്ടാമത്തെ ദിവസമാണ് സ്വര്‍ണവില കുറയുന്നത്.
ഓഹരികള്‍ മികച്ച നേട്ടമുണ്ടാക്കിയതോടെയാണ് ആഗോള വിപണിയില്‍ സ്വര്‍ണവില താഴാന്‍ തുടങ്ങിയത്. ഒരു ഔണ്‍സിന് 1,537.67 ഡോളറാണ് അന്താരാഷ്ട വിപണിയിലെ നിലവിലെ വില.
