• admin

  • July 26 , 2020

ദുബൈ : ഇന്ത്യയിലേക്കും തിരിച്ചും വന്ദേ ഭാരത് ഒഴിപ്പിക്കല്‍ വിമാനങ്ങള്‍ തുടരും. എയര്‍ ഇന്ത്യ, എയര്‍ ഇന്ത്യ എക്‌സ്പ്രസ് ഈ മാസം അവസാനം വരെയുള്ള ഷെഡ്യൂള്‍ പ്രഖ്യാപിച്ചു. കേരളത്തിലേക്കും എല്ലാ ദിവസവും വിമാനമുണ്ട്. ദുബൈയില്‍ ഇറങ്ങുന്നവരുടെ കൊവിഡ് പരിശോധനാഫലം നെഗറ്റീവ് എങ്കില്‍ 14 ദിവസം ക്വാറന്റൈന്‍ ആവശ്യമില്ല. മറ്റു എമിറേറ്റുകളിലെ താമസക്കാര്‍ ക്വാറന്റൈനില്‍ പോവണം. അതേസമയം, ഇന്ത്യയില്‍ നിന്ന് യു എ ഇയിലേക്ക് പുറപ്പെടുന്ന യാത്രക്കാര്‍ പാലിക്കേണ്ട നിബന്ധനകളില്‍ ചില മാറ്റങ്ങള്‍ ഉണ്ട്. ഇന്നലെ വരെ ഐ സി എ അനുമതി കിട്ടിക്കഴിഞ്ഞാല്‍ കേരളത്തിലെ അംഗീകൃത ലബോറട്ടറികളില്‍ നിന്നും കൊവിഡ് ഇല്ലാ സര്‍ട്ടിഫിക്കറ്റ് കരസ്ഥമാക്കി യാത്ര ചെയ്യാമായിരുന്നു.