പടിഞ്ഞാറത്തറ : ഇന്ത്യൻ നാഷ്ണൽകോൺഗ്രസ് പടിഞ്ഞാറത്തറ മണ്ഡലം കമ്മിറ്റിയുടെ നേതൃത്വത്തിൽ നാളെ (നവംബർ 4) ഗ്രാമ സന്ദേശ യാത്ര നടത്തും.
കേന്ദ്ര-സംസ്ഥാന സർക്കാരുടെ ജനദ്രോഹനടപടികൾക്കും വർഗ്ഗീയ ധ്രുവീകരണത്തിനെതിരെയും,അമിതമായ നികുതിവർദ്ധനവിനും വിലക്കയറ്റത്തിനുമെതിരെയുമാണ് യാത്ര നടത്തുന്ന തെന്ന് മണ്ഡലം പ്രസിഡൻ്റ് പി.കെ വർഗീസ് അറിയിച്ചു.രാവിലെ 9 മണിക്ക് 16-ാം മൈലിൽ ഡി.സി.സി പ്രസിഡൻ്റ് അഡ്വ : ടി.ജെ ഐസക് യാത്ര ഉദ്ഘാടനം ചെയ്യും.
തുടർന്ന് പഞ്ചായത്തിലെ വിവിധ കേന്ദ്രങ്ങളിൽ സ്വീകരണമുണ്ടാകും.കോൺഗ്രസ് നേതാക്കളായ പി.പി ആലി, എം.എ ജോസഫ് പി.കെ അബ്ദുറഹ്മാൻ,പോൾസൺ കൂവക്കൽ എന്നിവർ പങ്കെടുക്കും.ജില്ലാ – ബ്ലോക്ക് മണ്ഡലം നേതാക്കൾ നേതൃത്വം നൽകും.വൈകിട്ട് 5.30 ന് പടിഞ്ഞാറത്തറയിൽ നടക്കുന്ന സമാപന സമ്മേളനത്തിൽ എം.എൽ.എമാരായ ചാണ്ടി ഉമ്മൻ,ടി.സിദ്ധീഖ്,എ.ഫൈസൽ ബാബു എന്നിവർ സംസാരിക്കും.
