കൽപ്പറ്റ : മോഡൽ റസിഡൻഷ്യൽ സ്കൂളുകളുടെ (എംആർഎസ്) സംസ്ഥാനതല പ്രവേശനോത്സവം കണിയാമ്പറ്റ ജിഎംആർഎസിൽ നാളെ (ജൂൺ 2) രാവിലെ 11 ന് പട്ടികജാതി- പട്ടികവർഗ-പിന്നാക്ക ക്ഷേമ വകുപ്പ് മന്ത്രി ഒ ആർ കേളു ഉദ്ഘാടനം ചെയ്യും. ജില്ലാ കളക്ടർ ഡി ആർ മേഘശ്രീ അധ്യക്ഷയാകുന്ന പരിപാടിയിൽ എഡിഎം കെ ദേവകി, കണിയാമ്പറ്റ ഗ്രാമപഞ്ചായത്ത് പ്രസിഡൻ്റ് കെ വി രജിത, ഐടിഡിപി പ്രോജക്ട് ഓഫീസർ ജി പ്രമോദ്, ഡിഡിഇ ശശീന്ദ്ര വ്യാസ് എന്നിവർ മുഖ്യാതിഥികളാകും. ഗ്രാമപഞ്ചായത്ത് സ്റ്റാൻ്റിംഗ് കമ്മിറ്റി
Category: Wayanad
ആശ്രയ ബാലിക സദനത്തിന് പഠന ഉപകരണങ്ങൾ നൽകി
പയ്യമ്പള്ളി : കേരള ബാങ്ക് കാട്ടിക്കുളം ബ്രാഞ്ചിന്റെ നേതൃത്വത്തിൽ ആശ്രയ ബാലിക സദനത്തിലെ കുട്ടികൾക്ക് പഠന ഉപകരണങ്ങൾ വിതരണം ചെയ്തു.ബാങ്ക് മാനേജർ സന്തോഷ്, ജീവനക്കാരായ ജിംനേഷ് നൗഫൽ എന്നിവർ ആശ്രയ ബാലിക സദനംസെക്രട്ടറി അരീക്ഷ പി അശോക്,അധ്യാപിക ദിവ്യ T K എന്നിവർക്ക് കൈമാറി.
ഫോക്ക് വിദ്യാഭ്യാസ ധനസഹായം വിതരണം ചെയ്തു
കൽപ്പറ്റ : കുവൈത്തിലെ കണ്ണൂർ ജില്ലക്കാരുടെ കൂട്ടായ്മയായ ഫ്രണ്ട്സ് ഓഫ് കണ്ണൂർ കുവൈറ്റ് എക്സ്പാറ്റ്സ് അസോസിയേഷൻ (ഫോക്ക്), വയനാട് ചൂരൽമല ദുരന്തത്തിൽ ആശ്രിതർ നഷ്ടപ്പെട്ട കുട്ടികൾക്ക് വിദ്യാഭ്യാസ ധനസഹായം നൽകി. പ്രൈമറി ക്ലാസ് മുതൽ എം.ബി.ബി.എസിന് വരെ പഠിക്കുന്ന അഞ്ച് പെൺകുട്ടികൾക്കാണ് ധനസഹായം നൽകിയത്. ശനിയാഴ്ച്ച വൈകുന്നേരം കൽപ്പറ്റ എം. ജി. ടി ഹാളിൽ വെച്ച് ഫോക്ക് വൈസ് പ്രസിഡൻ്റ് എൽദോ ബാബുവിൻ്റെ അദ്ധ്യക്ഷതയിൽ നടന്ന ചടങ്ങിൽ കൽപ്പറ്റ എംഎൽഎ ടി. സിദ്ദിഖ്‌ മുഖ്യാതിഥിയായി പങ്കെടുത്തു. ഫോക്ക്
ഉരുള്‍ദുരന്തം: വെള്ളാര്‍മല സ്‌ക്കൂളിലെ വിദ്യാര്‍ഥികള്‍ പുതിയ ക്ലാസ് മുറികളിലേക്ക്
കല്‍പ്പറ്റ : ഉരുള്‍പൊട്ടലില്‍ സ്‌ക്കൂള്‍ നഷ്ടപ്പെട്ട വെള്ളാര്‍മല ഗവ. വൊക്കേഷനല്‍ ഹയര്‍ സെക്കന്‍ഡറി സ്‌ക്കൂളിലെ വിദ്യാര്‍ഥികള്‍ ഇന്ന് (തിങ്കള്‍) മുതല്‍ പുതിയ ക്ലാസ് മുറികളില്‍ പഠിച്ചു തുടങ്ങും. ബില്‍ഡേഴ്‌സ് അസോസിയേഷന് ഓഫ് ഇന്ത്യ (ബിഎഐ) യാണ് മേപ്പാടി ഗവ. ഹയര്‍സെക്കന്‍ഡറി സ്‌ക്കൂളില്‍ ആധുനിക സൗകര്യങ്ങളോടെയുള്ള ക്ലാസ് മുറികള്‍ ഇവര്‍ക്കായി നിര്‍മിച്ചു നല്‍കിയത്. ഉരുള്‍പൊട്ടല്‍ ദുരന്തത്തിനു ശേഷം വെള്ളാര്‍മല ഗവ. വൊക്കേഷനല്‍ ഹയര്‍ സെക്കന്‍ഡറി സ്‌ക്കൂള്‍ മേപ്പാടി ഗവ. ഹയര്‍സെക്കന്‍ഡറി സ്‌ക്കൂളിലാണ് പ്രവര്‍ത്തിക്കുന്നത്. ബിഎഐ എട്ട് ക്ലാസ് മുറികളും
രാസ ലഹരിയുമായി യുവാവ് അറസ്റ്റിൽ
പൊൻകുഴി : വയനാട് എക്സൈസ് ഇന്റലിജിൻസിന്റെ രഹസ്യ വിവര പ്രകാരം വയനാട് എക്സൈസ് എൻഫോഴ്സ്മെന്റ്& ആന്റി നാർക്കോട്ടിക്ക് സ്പെഷ്യൽ സ്കോഡ്, വയനാട് എക്സൈസ് ഇന്റലിജെൻസ് എന്നിവർ സംയുക്തമായി സംസ്ഥാന അതിർത്തിയായ പൊൻകുഴിയിൽ വച്ച് നടത്തിയ വാഹന പരിശോധനയിൽ മൈസൂരിൽ നിന്നും കോഴിക്കോട് ഭാഗത്തേക്ക് പോവുകയായിരുന്ന കേരള ആർ ടി സി ബസ്സിലെ യാത്രക്കാരനിൽ നിന്നും 15.1 ഗ്രാം മെത്താഫിറ്റമിൻ പിടികൂടി സംഭവവുമായി ബന്ധപ്പെട്ട് വയനാട് പടിഞ്ഞാറത്തറ വൈശാലിമുക്ക് സ്വദേശി വട്ട് ഹൗസിൽ രഹനാസ്. വി (വ 29/24)
സ്വാന്തന ഭവനം പദ്ധതിയുടെ 19 മത് വീടിന്റെ തറക്കല്ലിടൽ കർമം അഡ്വക്കേറ്റ് ടി സിദ്ദീഖ് എംഎൽഎ നിർവഹിച്ചു
കൽപ്പറ്റ : ബാംഗ്ലൂർ കേരള സമാജം ( രജി ) ഫ്രണ്ട്സ് ക്രീയേറ്റീവ് മൂവ്മെന്റ് എമിലിയുമായി സഹകരിച്ചു ജില്ലയിലെ നിർധനരായവർക്ക്‌ നിർമിച്ചു നൽകുന്ന സ്വാന്തന ഭവനം പദ്ധതിയുടെ 19 മത് വീടിന്റെ തറക്കല്ലിടൽ കർമം കോട്ടത്തറ പഞ്ചായത്തിലെ 10 th വാർഡിലെ പൊയിലിൽ ബഹു കൽപ്പറ്റ മണ്ഡലം അഡ്വക്കേറ്റ് ടി സിദ്ദീഖ് എംഎൽഎ നിർവഹിച്ചു ചടങ്ങിൽ.കേരള സമാജം ജനറൽ സെക്രട്ടറി റജി കുമാർ അധ്യക്ഷത വഹിച്ചു.കോട്ടത്തറ പഞ്ചായത്ത് പ്രസിഡന്റ് പി പി റനീഷ് സ്വാഗതം ആശംസിച്ചു. ചടങ്ങിൽ
വർക്കിംഗ് ജേണലിസ്റ്റ് ഓഫ് ഇന്ത്യ (WJI )യുടെ വയനാട് , കണ്ണൂർ കോ-ഓഡിനേറ്ററായി സി. മഹേഷിനെ തിരഞ്ഞെടുത്തു
കൽപ്പറ്റ : വർക്കിംഗ് ജേണലിസ്റ്റ് ഓഫ് ഇന്ത്യ (WJI )യുടെ വയനാട് , കണ്ണൂർ കോ-ഓഡിനേറ്ററായി സി. മഹേഷിനെ തിരഞ്ഞെടുത്തു. നിലവിൽ സംസ്ഥാന കമ്മറ്റി മെമ്പറാണ്. തൃശ്ശൂരിൽ വച്ച് നടന്ന സംസ്ഥാന സമ്മേനത്തിൽ കേരളത്തിലെ പുതിയ പ്രതിനിധികളെ തിരഞ്ഞെടുത്തു. WJI ദേശീയ പ്രസിഡൻ്റൊയ സഞ്ചയ് ഉപാധ്യായ മുഖ്യ പ്രഭാഷണം നടത്തി. പത്തൊൻപത് സ്റ്റേറ്റുകളിൽ പ്രവർത്തനമുള്ള WJI ഇന്ത്യയിലെ ഒന്നാമത്തെയും ഏഷ്യയിലെ രണ്ടാം സ്ഥാനത്തുമുള്ള മാധ്യമപ്രവർത്തകരുടെ സംഘടനയാണ്.
ലഹരി വേട്ട:കൊമേഴ്ഷ്യൽ ക്വാന്റിറ്റി എം.ഡി.എം.എയും കഞ്ചാവുമായി കോഴിക്കോട് സ്വദേശി പിടിയിൽ
തൊണ്ടർനാട് : കൊമേഴ്ഷ്യൽ ക്വാന്റിറ്റി എം.ഡി.എം.എയും കഞ്ചാവുമായി കോഴിക്കോട് സ്വദേശി പിടിയിൽ. കുറ്റ്യാടി, പാലേരി, കോലായിപ്പൊയിൽ വീട്ടിൽ അഞ്ചൽ റോഷൻ (32)നെയാണ് തൊണ്ടർനാട് പോലീസ് പിടികൂടിയത്. 31.05.2025 ശനിയാഴ്ച ഉച്ചയോടെ കുറ്റ്യാടി ഭാഗത്തു നിന്നും കെ എൽ 56 എൽ 6271 നമ്പർ മോട്ടോർ സൈക്കിൾ ഓടിച്ചു വരികയായിരുന്ന ഇയാളെ തടഞ്ഞു നിർത്തി പരിശോധിച്ചതിൽ ഇയാളുടെ ഷോൾഡർ ബാഗിൽ നിന്നും 13. 86 ഗ്രാം എം ഡി എം എ യും 1.1 ഗ്രാം കഞ്ചാവും കണ്ടെടുക്കുകയായിരുന്നു.
കാപ്പിക്കുന്നിൽ കയ്യെത്തും ദൂരത്ത് കാട്ടാന
പുൽപള്ളി : കാപ്പികുന്നിൽ സന്ധ്യ മയങ്ങുന്നതിനു മുമ്പേ കാട്ടാന കൃഷിയിടങ്ങളിൽ എത്തും .പിന്നീട് നേരം പുലരുവോളം പ്രദേശത്തെ ഓരോ വീടുകളുടെയും മുറ്റത്ത് വരെ ആന വരും. കൃഷിയിടത്തിൽ തിന്നുവാൻ പറ്റുന്നത് എന്തും -പറിച്ചും, മറിച്ചും തിന്നും . ഇപ്പോൾ ചക്കയുടെയും മാങ്ങയുടെയും സീസൺ ആയതിനാൽ കൃഷിയിടത്തിലെത്തുന്ന ആനയ്ക്ക് സന്തോഷം . ഇതു തിന്നു മടുക്കുമ്പോൾ തെങ്ങ്, വാഴ,കമുക് – എന്നിങ്ങനെയുള്ള കൃഷിയിടയ്ക്ക് കടക്കും. എന്താണെങ്കിലും കാപ്പിക്കുന്നിൽ കാട്ടാനകൾക്ക് ഇത് മൃഷ്ടാന്ന ഭോജനത്തിന്റെ കാലമാണ്. വകുപ്പ് പതിവുപോലെ വനാതിർത്തയിൽ
പാടിച്ചിറക്കടുത്ത് പുലി ആക്രമണം-രണ്ട് ആടുകളെ പിടികൂടി
പുൽപ്പള്ളി : കഴിഞ്ഞ ദിവസങ്ങളിൽ കബനിഗിരി,മരക്കടവ് പ്രദേശങ്ങളിൽ ഭീതി പടർത്തിയിരുന്ന പുലി ഒരു ദിവസത്തെ ഇടവേളയ്ക്കുശേഷം പാടിച്ചിറയിലേക്ക് കടന്നു . ശനിയാഴ്ച രാത്രി പാടിച്ചിറക്കടുത്ത തറപ്പത്തു കവലയിൽ വാരിയത്ത് ടോമി (വി .ടി. തോമസ് ) യുടെ 2 ആടുകളെയാണ് ഇത്തവണ പുലി പിടികൂടിയത്. രാത്രി ഒരു മണിയോടെ കൂട്ടിൽ നിന്നും ആടുകൾ കരയുന്ന ശബ്ദം കേട്ട് വീട്ടുകാർ ഉണർന്ന് എത്തുമ്പോഴേക്കും രണ്ട് വയസ്സ് പ്രായമായ ഒരാടിനെ പുലി പിടികൂടിയിരുന്നു. വീട്ടുകാർ ശബ്ദമുണ്ടാക്കിയതിനെത്തുടർന്ന് പുലി പിടികൂടിയ ആടിനെ
തരുവണയിൽ ടി.പി.എൽ സീസൺ 5 ഉദ്ഘാടനം ചെയ്തു
തരുവണ : ടി.പി.എൽ (തരുവണ പ്രീമിയർ ലീഗ്) സീസൺ 5 വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. എ. കെ അബ്ദുൽ നാസർ അധ്യക്ഷത വഹിച്ചു. കെ. സി. കെ നജുമുദ്ധീൻ, അബ്ദുള്ള പള്ളിയാൽ, മുജീബ് കെ, റഫീഖ് ടി, ശ്രീജിത്ത്‌ കെ, ഷമീർ പി തുടങ്ങിയവർ പ്രസംഗിച്ചു.
മേയ് 31 പുകയില വിരുദ്ധ ദിനാചരണം സംഘടിപ്പിച്ചു
കണിയാമ്പറ്റ : വരദൂർ കുടുംബാരോഗ്യ കേന്ദ്രവും കണിയാമ്പറ്റ പഞ്ചായത്തും സംയുക്തമായി ലോക പുകയില വിരുദ്ധ ദിനാചരണത്തിൻ്റെ പഞ്ചായത്ത്തല ഉദ്ഘാടനം കണിയാമ്പറ്റ പഞ്ചായത്ത് കോൺഫറൻസ് ഹാളിൽ സംഘടിപ്പിച്ചു. പഞ്ചായത്ത് പ്രസിഡണ്ട് കെ.വി.രജിത ചടങ്ങ് ഉദ്ഘാടനം നിർവ്വഹിച്ചു. ആരോഗ്യ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർ പേർസൺ സീനത്ത് തൻവർ അദ്ധ്യക്ഷത വഹിച്ചു. വിമുക്തി മിഷൻ വയനാട് ജില്ല കോ-ഓർഡിനേറ്റർ എൻ.സി.സജിത്ത്കുമാർ ലഹരി വിരുദ്ധ പ്രസംഗം നടത്തുകയും ചർച്ച സംഘടിപ്പിക്കുകയും ചെയ്തു .ഹെൽത്ത് ഇൻസ്പെക്ടർ രാഖി ചന്ദ്ര പുകയില വിരുദ്ധ ദിന
ജില്ലയിലെ ആദ്യ എ.ബി.സി സെന്റര്‍ ഉദ്ഘാടനം ചെയ്തു
സുൽത്താൻ ബത്തേരി : തെരുവുനായ വര്‍ധനവിന് ശാസ്ത്രീയ പരിഹാരം കണ്ടെത്താന്‍ ജില്ലയില്‍ ആദ്യ എ ബി സി സെന്റര്‍ പ്രവര്‍ത്തന സജ്ജമായി. തെരുവുനായകളുടെ ശല്യത്തിന് എല്ലാവരുടെയും സഹകരണത്തോടെ നിയമങ്ങള്‍ പാലിച്ച് ജില്ലയിലെ എ ബി സി സെന്റര്‍ പ്രവര്‍ത്തിക്കുമെന്ന് ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍. സുല്‍ത്താന്‍ ബത്തേരി വെറ്ററിനറി പോളിക്ലിനിക് ക്യാമ്പസില്‍ ആരംഭിച്ച എ ബി സി സെന്ററിന്റെയും ഓപ്പറേഷന്‍ തീയറ്ററിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. ആനിമല്‍ വെല്‍ഫയര്‍ ബോര്‍ഡ് ഓഫ് ഇന്ത്യയുടെ അംഗീകാരത്തോടെ
പാൽ വാങ്ങാൻ നിന്ന പെൺകുട്ടിയെ ജീപ്പ് ഇടിച്ച് തെറിപ്പിച്ചു:ആശുപത്രിയിൽ എത്തുംമുമ്പ് മരിച്ചു
കൽപ്പറ്റ : കമ്പളക്കാട് പള്ളിമുക്ക് കാപ്പിലോ ഓഡിറ്റോറിയത്തിന് സമീപം പാൽ വാങ്ങാൻ വാഹനം കാത്തു നിന്ന പുത്തൻ തൊടുകയിൽ ഹാഷിം-ആയിഷ ദമ്പതികളുടെ മകൾ ദിൽഷാന (19)ആണ് മരണപെട്ടത്. റോഡ് അരികിൽ നിൽക്കുകയായിരുന്നു കുട്ടിയെ ഫോഴ്സ് ജീപ്പ് ഇടിച്ചു തെറിപ്പിക്കുകയായിരുന്നു. ബത്തേരി സെന്റ് മേരിസ് കോളേജിലെ രണ്ടാം വർഷ ഡിഗ്രി വിദ്യാത്ഥിനിയാണ് മരണപെട്ട ദിൽഷാന. സഹോദരങ്ങൾ മുഹമ്മദ് ഷിഫിൻ, മുഹമ്മദ് അഹഷ്. മൃതദേഹം കല്പറ്റ ഫാത്തിമ ഹോസ്പിറ്റലിൽ ആണ് ഉള്ളത്. പോലീസ് നടപടി ക്രമങ്ങൾ പൂർത്തിയാക്കി വിട്ട് നൽകും.
മാനിനെ വേട്ടയാടി കറിവെച്ചു; നാല് പേർ പിടിയിൽ
സുൽത്താൻ ബത്തേരി : വയനാട് വന്യജീവിസങ്കേതത്തിൽ മാനിനെ വേട്ടയാടിയ നാല് പേരെ വനംവകുപ്പ് പിടികൂടി. നൂൽപ്പുഴ മുക്കുത്തികുന്ന് പുളിക്കചാലിൽ പി.എസ്. സുനിൽ(59), തടത്തിൽചാലിൽ റ്റി.എസ്.സന്തോഷ്( 56), പുത്തൂർകൊല്ലി പി.കെ രാധാകൃഷ്ണൻ(48), വാളംവയൽ ബി.എം ശിവരാമൻ(62) എന്നിവരാണ് വനംവകുപ്പിന്റെ പിടിയിലായത്. സുനിലിന്റെ വീട്ടിൽവെച്ച് മാനിറച്ചി കറിവെക്കുന്ന സമയത്താണ് രഹസ്യവിവരത്തിന്റെ അടിസ്ഥാനത്തിൽ ഇന്ന് ഉച്ചയോടെ നാലുപേരും പിടിയിലാകുന്നത്. ഇവിടെ നിന്ന് പാചകം ചെയ്ത് ഇറച്ചിയും ബക്കറ്റിൽ സൂക്ഷിച്ചിരുന്ന ഇറച്ചിയും ആയുധങ്ങളും കണ്ടെടുത്തു. നായ്ക്കൾ ഓടിച്ചു കൊണ്ടുവന്ന മാൻ ചെറിയ പരുക്കുകളോടെ
നെന്മേനിയിൽ വിദ്യാലയങ്ങളിൽ പരിശോധന
സുൽത്താൻ ബത്തേരി : പുതിയ അധ്യയന വർഷം ആരംഭിക്കുന്നതിന് മുന്നോടിയായി നെന്മേനി ഗ്രാമ പഞ്ചായത്ത് ഭരണ സമിതിയുടെ നേതൃത്വത്തിൽ പഞ്ചായത്തിലെ വിവിധ വിദ്യാലയങ്ങളിൽ പരിശോധന നടത്തി. കുട്ടികൾ പഠനത്തിന് എത്തുമ്പോൾ ഭൗതീക സാഹചര്യങ്ങൾ ഒരുക്കുന്നതിനെക്കുറിച്ച് സ്കൂൾ അധികൃതരുമായി ചർച്ച നടത്തി.കാട് മൂടി കിടക്കുന്ന സ്ക്കൂൾ പരിസര പ്രദേശങ്ങൾ പഞ്ചായത്ത് ചിലവിൽ വെട്ടി വൃത്തിയാക്കാൻ നിർദേശം നൽകി. അതാത് സ്ക്കൂളുകളിലെ പി ടി എ കളുടേയും കുടുംബശ്രീ പ്രവർത്തകരുടേയും ക്ലബ്ബുകളുടേയും സഹകരണത്തോടെ മറ്റ് ശുചീകരണ പ്രവർത്തനങ്ങൾ നടത്താനും നിർദേശം
ഏഷ്യാ കപ്പ് ഇന്ത്യൻ ടീമിൽ ഇടം നേടിയ താരങ്ങൾ യാത്രാ ചിലവിനായി പ്രയാസത്തിൽ
കൽപ്പറ്റ : ഏഷ്യാ കപ്പ് വുമൺസ് സോഫ്റ്റ് ബോൾ ചാമ്പ്യൻഷിപ്പിൽ ഇന്ത്യൻ ടീമിൽ ഇടം നേടി രണ്ട് മലയാളികൾ.മലപ്പുറം താനൂർ സ്വദേശിനി പി. അഞ്ജലി കൽപ്പറ്റ മണിയങ്കോട് സ്വദേശിനി എം.എസ്. ശ്രുതി എന്നിവരാണ് ചൈനയിൽ നടക്കുന്ന ഏഷ്യാ കപ്പിൽ ഇന്ത്യക്ക് വേണ്ടി മത്സരിക്കുന്നത്. ജൂലൈ 11 മുതൽ 20 വരെയാണ് മത്സരം.ഇരുവരും വയനാട് ടീമിന് വേണ്ടി കളിച്ച് സംസ്ഥാന തലത്തിലും ദേശീയ തലത്തിലും നിരവധി മെഡലുകൾ കരസ്ഥമാക്കിയിട്ടുണ്ട്. മുന്ന് തവണകളായി രാജ്യത്തിന്റെ വിവിധ ഭാഗങ്ങളിൽ നടന്ന ക്യാമ്പുകളിൽ
അമ്മിണി കെ.വയനാടിന് ഓണററി ഡോക്ടറേറ്റ്
കല്പറ്റ : മനുഷ്യാവകാശ-സാമൂഹിക പ്രവര്‍ത്തക അമ്മിണി കെ.വയനാടിന് ഓണററി ഡോക്ടറേറ്റ്. കോണ്‍കോര്‍ഡിയ ഇന്റര്‍നാഷണല്‍ യൂണിവേഴ്‌സിറ്റിയുടെ(വെര്‍ച്വല്‍)ഓണററി ഡോക്ടറേറ്റാണ് അമ്മിണിക്ക് ലഭിച്ചത്. പാര്‍ശ്വവത്കരിക്കപ്പെട്ടവരുടെ ശക്തീകരണത്തിന് മൂന്നു പതിറ്റാണ്ടായി നടത്തുന്ന പ്രവര്‍ത്തനങ്ങള്‍ കണക്കിലെടുത്താണ് യൂണിവേഴ്‌സിറ്റി സാമൂഹിക നീതി വിഭാഗത്തില്‍ അമ്മിണിയെ ഡോക്ടറേറ്റിനു തെരഞ്ഞെടുത്തത്. മൈസൂരുവിലെ ഗോവര്‍ധന്‍ ഹോട്ടല്‍ ഹാളില്‍ വെള്ളിയാഴ്ച നടന്ന ചടങ്ങില്‍ യൂണിവേഴ്‌സിറ്റി രജിസ്ട്രാര്‍ റെജി ഷെര്‍മര്‍ ലൂകാസ് ഡോക്ടറേറ്റ് അമ്മിണിക്ക് സമ്മാനിച്ചു. പട്ടികവര്‍ഗത്തിലെ വെട്ടക്കുറുമ സമുദയാംഗമാണ് അമ്മിണി.അമ്പലവയല്‍ വേങ്ങേരി പരേതനായ കാളന്‍-മാരി ദമ്പതികളുടെ മകളാണ്.
വീണ്ടും പുലിയുടെ ആക്രമണം;ആടിനെ കൊന്നു
പുൽപ്പള്ളി : മുള്ളൻകൊല്ലി പഞ്ചായത്തിലെ കബനിഗിരി തേവർക്കാട്ട് ജോയിയുടെ രണ്ടു വയസ്സ് പ്രായമുള്ള ആട്ടിൻ കുട്ടിയെയാണ് പുലി ആക്രമിച്ചു കൊലപ്പെടുത്തിയത്.ഇന്നലെ രാത്രിയിലായിരുന്നു സംഭവം.ദിവസങ്ങൾക്ക് മുൻപും ഈ മേഖലയിൽ പുലിയുടെ സാന്നിധ്യ മുണ്ടായിരുന്നു.ഇതിനകം നാലാമത്തെ ആടാണ് കൊല്ലപ്പെടുന്നത്.സ്ഥലത്ത് പുൽപ്പള്ളി ഫോറസ്റ്റ് സ്‌റ്റേഷൻ ജീവനക്കാരെത്തി നിരീക്ഷണ ക്യാമറകൾ സ്ഥാപിക്കുകയും,പട്രോളിംങ് നടത്തുകയും ചെയ്തു.പ്രദേശവാസികൾ ജാഗ്രത പാലിക്കണമെന്ന് വനം വകുപ്പ് അറിയിച്ചു.
വയനാട് കോഫി ഗ്രോവേഴ്സ് അസോസിയേഷന് പുതിയ ഭാരവാഹികൾ
കൽപ്പറ്റ : വയനാട് കോഫി ഗ്രോവേർസ് അസോസിയേഷന് പുതിയ ഭാരവാഹികളെ തിരഞ്ഞെടുത്തു.2025 -27 വർഷത്തെ പുതിയ ഭാരവാഹികളായി പ്രസിഡണ്ട് അനൂപ് പാലക്കുന്ന്, വൈസ് പ്രസിഡണ്ട് അലി ബ്രാൻ , സെക്രട്ടറി മധു ബൊപ്പയ്യ .ജോയിന്റ് സെക്രട്ടറിയായി മോഹൻ രവി ട്രഷററായി ജൈനൻ എന്നിവരെ കൽപറ്റയിൽ കൂടിയ ജനറൽ ബോഡി യോഗം തെരഞ്ഞെടുത്തു കമ്മിറ്റിയിലേക്ക് പ്രശാന്ത് രാജേഷ് , ചിരദീപ് വിനയ് വി.ബി , സാജൻ പി എസ് , സുർജിത്ത് സുജാത എം .എ , രേഖ
കേരള തമിഴ്നാട് അന്തർ സംസ്ഥാന പാതയിൽ മരം വീണു ഗതാഗതം തടസപെട്ടു
സുൽത്താൻ ബത്തേരി : കേരളത്തിൽ നിന്ന് തമിഴ്നാട്ടിലേക്കുള്ള അന്തർസംസ്ഥാന പാതയിൽ പാട്ടവയൽ റോഡിൽ മുക്കുത്തിക്കുന്നിലാണ് മരം വീണ് ഗതാഗതം തടസ്സപ്പെട്ടു.ഇന്ന് പുലർച്ചെ നാല് മണിയോടെയാണ് സംഭവം.സുൽത്താൻ ബത്തേരിയിൽ നിന്ന് ഫയർഫോഴ്സെത്തി മരം മുറിച്ച് നീക്കി ഗതാഗതം പുനസ്ഥാപിച്ചു.
വയനാട്ടിൽ 17 ക്യാമ്പുകളിലായി 674 പേരെ മാറ്റിതാമസിപ്പിച്ചു
കൽപ്പറ്റ : കാലവര്‍ഷക്കെടുതിയെ തുടര്‍ന്ന് വൈത്തിരി, സുല്‍ത്താന്‍ ബത്തേരി, മാനന്തവാടി താലൂക്കുകളില്‍ ആരംഭിച്ച 17 ദുരിതാശ്വാസ ക്യാമ്പുകളിലായി 674 പേരെ മാറ്റിതാമസിപ്പിച്ചു. 188 കുടുംബങ്ങളില്‍ നിന്നായി 223 പുരുഷന്മാര്‍, 271 സ്ത്രീകള്‍ (5 ഗര്‍ഭിണികള്‍),180 കുട്ടികള്‍, 43 വയോജനങ്ങള്‍, ആറ് ഭിന്നശേഷിക്കാരെ ഉൾപ്പെടെയാണ് ക്യാമ്പുകളിലേക്ക് മാറ്റിയത്. ജില്ലയില്‍ ലഭിച്ച ശക്തമായ മഴയില്‍ വൈത്തിരി താലൂക്കില്‍ ഏഴ് ക്യാമ്പും സുല്‍ത്താന്‍ ബത്തേരി താലൂക്കില്‍ എട്ട് ക്യാമ്പും മാനന്തവാടി താലൂക്കില്‍ രണ്ട് ക്യാമ്പുകളുമാണ് ആരംഭിച്ചത്.കാവുമന്ദം, വെങ്ങപ്പള്ളി,പടിഞ്ഞാറത്തറ,കോട്ടത്തറ,മുട്ടില്‍, കോട്ടപ്പടി,മൂപ്പൈനാട്,തൃക്കൈപ്പറ്റ, ചീരാല്‍, പൂതാടി,നെന്മേനി,നൂല്‍പ്പുഴ,പുൽപ്പള്ളി,പനമരം,
ജില്ലയിലെ 18 ദുരിതാശ്വാസ ക്യാമ്പുകളിലായി 710 പേര്‍
കൽപ്പറ്റ : ജില്ലയില്‍ ആരംഭിച്ച 18 ദുരിതാശ്വാസ ക്യാമ്പുകളിലായി 710 പേരെ മാറ്റിപ്പാര്‍പ്പിച്ചു. 202 കുടുംബങ്ങളിൽ നിന്നായി 710 പേരെയാണ് വിവിധയിടങ്ങളിലെ ക്യാമ്പുകളിലേക്ക് മാറ്റിയത്. ഇതിൽ 236 പുരുഷന്മാരും 283 സ്ത്രീകളും (5 ഗര്‍ഭിണികള്‍),191 കുട്ടികളും 40 വയോജനങ്ങളും ആറ് ഭിന്നശേഷിക്കാരും ഉൾപ്പെടുന്നുണ്ട്.വൈത്തിരി -സുല്‍ത്താന്‍ ബത്തേരി താലൂക്കുകളിൽ എട്ട് വീതം ക്യാമ്പും മാനന്തവാടി താലൂക്കില്‍ രണ്ട് ക്യാമ്പുകളുമാണ് ആരംഭിച്ചത്.
മംഗളൂരുവില്‍ പള്ളിക്കമ്മിറ്റി സെക്രട്ടറിയെ വാള്‍ ഉപയോഗിച്ച്‌ വെട്ടിക്കൊന്നു;വെട്ടേറ്റ മറ്റൊരാള്‍ ഗുരുതരാവസ്ഥയില്‍
മംഗളൂരു : മംഗളൂരുവില്‍ പള്ളിക്കമ്മിറ്റി സെക്രട്ടറിയെ വെട്ടിക്കൊലപ്പെടുത്തി. മംഗളൂരുവിലെ ഒരു പ്രാദേശിക പള്ളിയുടെ സെക്രട്ടറിയായ ഇംതിയാസ് എന്നയാളാണ് മരിച്ചത്.അദ്ദേഹത്തിന്റെ സുഹൃത്തായ റഹ്മാനും വെട്ടേറ്റു. റഹ്മാൻ ഗുരുതരാവസ്ഥയില്‍ ആശുപത്രിയിലാണ്. മംഗളൂരുവിലെ ദക്ഷിണ കന്നഡ ജില്ലയിലെ ബണ്ട്വാളിലെ കാമ്ബോഡി കല്‍പനയിലാണ് സംഭവം. വാള്‍ ഉപയോഗിച്ചായിരുന്നു ആക്രമണം. ഈ മാസം ആദ്യം, ബജ്റംഗ് ദള്‍ നേതാവും ഒരു കൊലപാതക കേസ് പ്രതിയുമായ സുഹാസ് ഷെട്ടി മംഗളൂരുവില്‍ വെട്ടേറ്റു മരിച്ചിരുന്നു. വാടക കൊലയാളികളാണ് ഇയാളെ കൊലപ്പെടുത്തിയത് എന്ന് റിപ്പോർട്ടുകളുണ്ട്. ഈ സംഭവവുമായി ഇപ്പോഴത്തെ
പത്മപ്രഭ പൊതു ഗ്രന്ഥാലയം പാലിയേറ്റീവ് കെയർ രംഗത്തേക്ക്
കൽപ്പറ്റ : തൃശ്ശൂർ എടമുട്ടം കേന്ദ്രമായി പ്രവർത്തിക്കുന്ന ആൽഫ പാലിയേറ്റീവ് കെയറിന്റെ സഹായസഹകരണത്തോടെ രോഗി പരിചരണ രംഗത്തേക്ക് ഇറങ്ങുവാൻ എം. പി. വീരേന്ദ്രകുമാർ ഹാളിൽ ചേർന്ന പത്മപ്രഭ പൊതു ഗ്രന്ഥാലയം, ആൽഫാ പാലിയേറ്റീവ് കെയർ പ്രവർത്തകരുടെ യോഗം തീരുമാനിച്ചു.ഗുരുതര രോഗങ്ങൾ ബാധിച്ചവർക്കും വാർദ്ധക്യ സഹജമായി കിടപ്പിലായവർക്കും ഹോം കെയർ പാലിയേറ്റീവ്, ഫിസിയോതെറാപ്പി സേവനങ്ങൾ ലഭ്യമാക്കുകയാണ് ലക്ഷ്യം.നിലവിൽ ആൽഫയുടെ ഇരുപത്തിയൊമ്പത് കേന്ദ്രങ്ങൾ 9 ജില്ലകളിലായി പ്രവർത്തിക്കുന്നുണ്ട്.20 വർഷം കൊണ്ട് 64951 പേർക്ക് പരിചരണം എത്തിച്ചു. ആൽഫ യോടൊപ്പം ചേർന്ന്
വയനാട്ടിൽ യുവതിയെ വെട്ടിക്കൊന്ന കേസിലെ പ്രതിക്കെതിരെ പോക്സോ കേസ്; പീഡിപ്പിച്ചത് മൂത്ത പെണ്‍കുട്ടിയെ
തിരുനെല്ലി : വയനാട്ടിൽ യുവതിയെ കൊലപ്പെടുത്തിയ കേസിലെ പ്രതിക്കെതിരെ പോക്സോ കേസും ചുമത്തി. യുവതിയുടെ മുതിർന്ന പെൺകുട്ടിയെ പ്രതി ദിലീഷ് ലൈംഗികമായി പീഡിപ്പിച്ചെന്ന് പൊലീസ് കണ്ടെത്തി.കൊലപാതകം, തട്ടിക്കൊണ്ടുപോകൽ വകുപ്പുകൾക്ക് പുറമേയാണ് പോക്സോയും ചുമത്തിയത്.വയനാട് തിരുനെല്ലി അപ്പപ്പാറയിലാണ് യുവതിയെ കൊലപ്പെടുത്തിയത്. കൊലപാതകത്തിന് പിന്നാലെ കാണാതായ യുവതിയുടെ ഇളയമകളെ വീടിനടുത്ത തോട്ടത്തിൽ നിന്ന് പിന്നീട് കണ്ടെത്തിയിരുന്നു.13 മണിക്കൂര്‍ നീണ്ട തിരച്ചിലിനൊടുവിലാണ് കുട്ടിയെയും പ്രതിയെയും പൊലീസ് കണ്ടെത്തുന്നത്. കൊലപാതകത്തിനിടെ യുവതിയുടെ മൂത്തമകള്‍ക്ക് പരിക്കേറ്റിരുന്നു.കുട്ടിയെ വിദഗ്ധ ചികിത്സക്കായി മെഡിക്കല്‍ കോളജിലേക്ക് മാറ്റിയിരുന്നു.വൈദ്യ പരിശോധനക്കിടെയായിരുന്നു
ഇറച്ചിക്കടയിലേക്ക് മരത്തടി ഇറക്കുന്നതിനിടെ മരം ദേഹത്ത് വീണ് യുവാവ് മരിച്ചു
വാളാട് : വാളാട് ടൗണിലെ ഇറച്ചി കടയിലേക്ക് മരത്തടി ഇറക്കുന്നതി നിടെ മരം ദേഹത്ത് വീണ് പരിക്കേറ്റ യുവാവ് മരിച്ചു. കാട്ടിമൂല പുളിക്കൽ ജോബിഷ് (42) ആണ് മരിച്ചത്. പരിക്കേറ്റതിനെ തുടർ ന്ന് മാനന്തവാടി മെഡിക്കൽ കോളേജിലേക്ക് എത്തിച്ചുവെങ്കിലും മരണം സ്ഥിരീകരിക്കുകയായിരുന്നു. സെബാസ്റ്റ്യൻ-അന്നക്കുട്ടി ദമ്പതികളുടെ മകനാണ്. പ്രിയ ഭാര്യയാണ്. നാല് മക്കളുണ്ട്.
മഴക്കെടുതി:ജില്ലയില്‍ 15 ക്യാമ്പുകളിലേക്കായി 592 പേരെ മാറ്റിതാമസിപ്പിച്ചു
കൽപ്പറ്റ : ജില്ലയില്‍ കാലവര്‍ഷക്കെടുതിയെ തുടര്‍ന്ന് വൈത്തിരി, സുല്‍ത്താന്‍ ബത്തേരി, മാനന്തവാടി താലൂക്കുകളില്‍ ആരംഭിച്ച 15 ദുരിതാശ്വാസ ക്യാമ്പുകളിലേക്കായി 592 പേരെ മാറ്റിതാമസിപ്പിച്ചു. 165 കുടുംബങ്ങളില്‍ നിന്നായി 207 പുരുഷന്മാര്‍, 233 സ്ത്രീകള്‍(മൂന്ന് ഗര്‍ഭിണികള്‍), 152 കുട്ടികള്‍, 32 വയോജനങ്ങള്‍, രണ്ട് ഭിന്നശേഷിക്കാര്‍ എന്നിവരെയാണ് ക്യാമ്പുകളിലേക്ക് മാറ്റിയത്. ജില്ലയില്‍ പെയ്യ്ത ശക്തമായ മഴയില്‍ വൈത്തിരി താലൂക്കില്‍ ആറ് ക്യാമ്പും സുല്‍ത്താന്‍ ബത്തേരി താലൂക്കില്‍ ഏഴ് ക്യാമ്പും മാനന്തവാടി താലൂക്കില്‍ രണ്ട് ക്യാമ്പുകളുമാണ് ആരംഭിച്ചത്. കാവുമന്ദം, വെങ്ങപ്പള്ളി, പടിഞ്ഞാറത്തറ,
പോപ്പുലർഫ്രണ്ടിന് അനുകൂലമായ സംസ്ഥാന സർക്കാർ സത്യവാങ്മൂലം:കേരളം കനത്തവില നൽകേണ്ടി വരും:കെ.സുരേന്ദ്രൻ
കൽപ്പറ്റ : പോപ്പുലർഫ്രണ്ടിന് അനുകൂലമായ സംസ്ഥാന സർക്കാരിൻ്റെ സുപ്രീംകോടതിയിലെ സത്യവാങ്മൂലത്തിന് കേരളം കനത്തവില നൽകേണ്ടി വരുമെന്ന് ബിജെപി മുൻ സംസ്ഥാന അദ്ധ്യക്ഷൻ കെ.സുരേന്ദ്രൻ. രൺജിത്ത് ശ്രീനിവാസൻ വധക്കേസിലെ പ്രതികളായ പോപ്പുലർഫ്രണ്ടുകാർക്ക് വധശിക്ഷ നൽകിയാൽ അത് എങ്ങനെയാണ് കേരളത്തിൻ്റെ സമാധാനം ഇല്ലാതാകുകയെന്ന് സർക്കാർ വ്യക്തമാക്കണം. കേന്ദ്രസർക്കാർ നിരോധിച്ച ഭീകരസംഘടനയായ പോപ്പുലർഫ്രണ്ടിനെ എന്തിന് വേണ്ടിയാണ് സംസ്ഥാന സർക്കാർ ന്യായീകരിക്കുന്നത്. സംസ്ഥാന സർക്കാർ പൂർണ്ണമായും തീവ്രവാദികൾക്ക് കീഴടങ്ങിയെന്നതിന്റെ ഏറ്റവും വലിയ തെളിവാണിത്. ബഹുമാനപ്പെട്ട സുപ്രിം കോടതിയിൽ പോലും ഇത്തരം നഗ്നമായ മതതീവ്രവാദ
പൊതുജനങ്ങള്‍ ജാഗ്രത പുലർത്തണമെന്ന് ജില്ലാ കളക്ടര്‍
കൽപ്പറ്റ : ജില്ലയില്‍ കനത്ത മഴ തുടരുന്ന സാഹചര്യത്തില്‍ ജനങ്ങൾ ജാഗ്രത പുലർത്തണമെന്നും അനാവശ്യ യാത്രകൾ ഒഴിവാക്കണമെന്നും ജില്ലാ കളക്ടർ ഡി.ആർ മേഘശ്രീ അറിയിച്ചു.അപകട ഭീഷണിയുള്ള സ്ഥലങ്ങളിൽ താമസിക്കുന്നവർ സ്വമേധയാ സുരക്ഷിത സ്ഥാനങ്ങളിലേക്കോ ബന്ധു വീടുകളിലേക്കോ മാറിത്താമസിക്കണം.വീടിന് മുകളിലേക്കോ കെട്ടിടങ്ങൾക്ക് മുകളിലേക്കോ വീഴാറായി നിൽക്കുന്ന മരങ്ങൾ സുരക്ഷിതമായി വെട്ടിമാറ്റണം.റോഡിൻ്റെ വശങ്ങളിൽ അപകടാവസ്ഥയിലുള്ള മരങ്ങൾ ഉണ്ടെങ്കിൽ അധികൃതരെ അറിയിക്കണം.അടിയന്തര സാഹചര്യങ്ങളിൽ മലയോര പ്രദേശങ്ങളിലൂടെ യാത്ര ചെയ്യുന്നവർ അതീവ ശ്രദ്ധ പുലർത്തണം.കുട്ടികളെ പുഴ,തോട് വെള്ളക്കെട്ടുകൾ എന്നിവിടങ്ങളിലേക്ക് പറഞ്ഞ യക്കരുത്.തോടുകളിലും പുഴകളിലും
